hallihallo

min maa (hach, es tönt emmer no eifach so toll...) ond ech send nöchscht ziischtig sed 4 mönet verhüürotet... wahnsenn...!!! die ziit rast eifach so verbi.

aber mer gots genau glich... ech ben emmer no extrem i dene glöcksgfühl enne... total happy... stolz druf, min maa a minere siite z'ha... ond mer hätted niemols dänkt, dass sech dör de schrett vom hüürote so vell veränderet...

aber es hed üs no vell meh zämegschweisst... es esch alles no intensiver, no schöner, no verliebter... no besser... obwohls au voräne scho sooo toll gsi esch (söscht hätted mer jo ned ghüürote)... mer send bed de meinig dass de schrett en wonder, wonderbare entscheid gsi esch wo bes etz eidüütig nor positivi siite zom vorschiin brocht hend..

ond ech ben sehr gspannt wies wiiter god, ond was d'zuekonft üs no brengt...
aber met mim traummaa a minere siite fühl mi so wohl ond so behüetet ond secher dass ech total vertraue id zuekonft han ond mech sehr uf d'useforderige vo üsem gmeinsame läbe freue.

euch allne wönsch ech au so onglaublechi glöcksgfühl ond vell bewegendi ond wonderschöni augebleck... wie mers zor ziit eifach tagtäglech erläbe döffed.

-- ~ mer verTRAUED üs ~ -- ~ 21.05.2010 ~ --

hey seeletänzli

ganz schön gschribe. und i weiss ganz genau was du meinsch. i hoffe drum sehr, dass mer beid sglück hend und das no ganz lang so anehebt oder wieder chunt noch ere schwere phase, wos ganz bestimmt irgendwenn git. aber es stimmt scho, das wo viel sägät. me zerrt au no lang spöter ade erinnerige vom hochzit. nöd nur vo dem eine tag, sondern di ganze glücksgfühl wo me dämit verbindet. i glaub alld ie wo nonig ghürote sind und ganz und gar nöd ide stimmig däzue (also die wo nöd aktivi forumsmitglieder sind :-)), die chönd sich das gar nöd so vorstelle, will i find es git nünt wo verglichbar wär. dfreud über en neue job, über ferie, über en neue gegestand, das chunt nie a das hochzitsfeeling here. am eheste villicht no dgeburt vode eigne kind. aber das chani nonig beurteile ;-)

liebi grüesslis

video vode hochzit!

für all die wo no hürotet und es irgend e möglichkeit git zum dhochzit oder en teil dävo zfilme. oder zumindest es guets mikrophon id nöchi vode standesbeamtin/altar zstelle, machet das unbedingt!!!!!

dfilm chani us technische gründ gad nonig aluege, aber mol saudio. ich hange do vor em pc und gang fast abe. i han mer jetzt agd di ganz trauuig nomol agloset und es isch wahnsinnig schön. zuerst ghört me no dkirchelglocke verstumme und i han mi gad wieder kribbelig gfühlt, wie döt.. mit em mendelssohn hochzitsmarsch wo mer ineglaufe sind, di ganz trauuig, sja-wort, sring astecke und denn die fantastische lieder wo eim no einisch träne id auge schüset. es fühlt sich gad alles wieder so lebendig a, so bhaltet mes ganz anderst in erinnerig, präsenter. drum, i chan eu das nur empfehle.

und i bin scho soo gspannt uf üsi filmsequenze wo mer becho hend vo mim onkel wo mer jetztde tüänd selber zemeschnide. zwor en riese ufwand, aber egal, bim eignige hochzit spielt das nöd sone rolle findi. do lebt me i jedere sequenz nomol total mit.

aaaaach, han gad e riese freud und es goht mer kalt de rugge ab wenn i das audiotape nomol los.

nicht registriert

@carmile du hattest also keinen externen Kameramann an der Hochzeit? ... mhmmm, auch eigentlich eine gute Idee. Vielleicht bestelle ich unseren wieder ab und drücke einem Gast eine Kamera in die Hand


****
verliebt - verlobt - und schon bald verheiratet

nicht registriert

@Carmile, meinst du diesen Shop:
http://www.lolipoponline.ch/shop/Saisonales

@fly, ich schliesse mich Carmile an Mandeln sind zwar traditionell, aber viele Leute haben sie nicht gerne (ich gehöre auch dazu). Darum haben wir Bonbons in Organzasäckli als Gastgeschenke gehabt.....

Aber so ein Buffet ist sicher toll....Lg Franziska
26. Juni 2010, unser schönster tag....

Sali Fly

Geht doch direkt in den Lolipop Laden, da habt ihr ja sicher die beste Auswahl!

LG Dee

die Krönung unserer Liebe am 4.6.2010 und 2.10.2010