Ha möse feststelle das ich nid so guet bi zum sonen Tag i Wort zfasse.. ich probiers.. aber susch gits o no fotene.. wo au einiges usseget
Am 6.00 Uhr het üsesn Wecker gschellet, wills aber sooo gwitteret het, bin ich scho am 4 wach gsi.. Am Morge isch alles no schö ruhig gsi.. mir sind zämmä ufgstande und den het min Schatz no en Morge-Sprint mösse mache will mir Zahpasta vergesse hend… aber zum Glück het de Bahnhof um die Ziet scho offe gha und es Hotel isch jo nid so wiet entfert gsi Uf die 7.30 simmer gmeinsam zum Auto gloffe (min Traum en Audi TT) und hend de no gmeinsam gschmückt. Uf die 8.00 het er mich zum Coiffeur gfahre, nervös bini nonid gross gsi, ha mich eifach nur gfreut. Und denn hets gheisse, Abschied neh.. isch irgendwie scho e komis gfühel gsi.. immerhin hemmer gwüsst, es nöchst mol gsemmer üs ide Kirche. Uf die 10.00 bini mit minere Tätschmeisterin zu mir Hai gfhare wo scho mini Eltere, mini Trauzügin und mini 2 Brüedere uf mich gwartet hend. Und öbbis isch sicher, sie sind nervöser gsi wie ich ich ha den no gmüetlich es Auto vo mine Eltere gschückt denn isch aber scho de Fotograf bi üs gsi.. und ich bi immernonid agleit gsi Denn isch de Moment cho, ich ha chöne i MIS Kleid ieh.. Wo ich den min Schmuck und de Schleier agha ha, bini eifach nur happy gsi und mini Rote Schuhe erst a dene hend alli freud gha. Dihai hemmer no e paar Fötelis gmacht. Ah es Wetter.. ha ganz vergesse zerwähne das es die ganz Wuche mega schö gsi isch und genau a dem TAG REGE.. und zwor grad wo mir us de Türe gloffe sind aber de Maa vo minere Trauzüging het üs mitemne Grosse Schirm zum Auto begleitet. Mini Nochbere sind trotz dem schlechte Wetter spalier gstande.. MEGA herzig… Mit verspätig sind mir den richtig Kirche gfahre… und jetzt bini langsam Nervös worde, ha eifach nuno MIN Schatz wele gseh. Wo de Organist agfange het spiele, sind mir los gloffe.. und ich ha min Schatz vorne gseh.. WOW er het eifach super usgseh… und irgendwie hani alles andere gar nid wohr gno.. all die viele Lüt oder au Baustell ide Kirche, ha irgendwie nu sonen Röhreblick zu mim Schatz gha. Vorne hani gseh das er ‘‘us de Auge gschwitzt‘‘ het.. (er seit dem so ) Trauuig isch für üs eifach perfekt gsi, de Pfarrer het gstumme und Sängerin isch eifach Genial gsi. Und ich ha sogar Fehlerfrei mis Trauverspreche uf Italienisch chöne sege (vordem hani chli angst gha) Will mir üs am Fritig def. für es Schlecht-Wetter-Programm entschiede hend, hend mir es Apéro nid bi de Kirche gha. Also sind mir us dere Kirche use cho, hend no dörfe durch 3 Spalier dure laufe, und sind eigentlich ‘‘fast‘‘ direkt uf –Schaffhuse gfhare. Mir hend üs mitem ganze Autokorso verfahre aber meh wills e missverständnis gsi isch.. aber defür hend mir bim kehre alli Autos gseh und sie vorallem üs. Will es het tatsächlich mol ufghört gha mit Regne und mir hend es Dach ufgmacht.. Mir hend jo au es Cabi gha Bim Apéro ahcho hend mir den all die liebe Gratulatione/Glückwünsch entgege gno.. (bi no nie so viel küsst worede ) Au döte sind mini Rote Schuhe es Thema gsi. Noch ca. 1 Stund sind mir den go fötele, isch no schö gsi, eifach mir 2 allei Wo Mir retour cho sind, sind Gäst mit de Ballön und de Kärtli wos usgfüllt hend, spalier gstande Die einte sind sogar scho retour cho, also Kärtli Nochdem mir paar Gruppefotene gmacht hend und mich einigi Härre id Luft gworfe hend, hemmer chöne in Saal ie Glie isch au scho de 1. Gang cho, zwüsched de Gäng hend mir eifach nu gfäschtet und viel viel Tanzt… ahh jo de Tanz, nochem 2. Gang hend mir üsen Lustige Tanz gmacht obwohl mir nu 1 mol güebt hend, ischer no recht guet usecho.. und lüt hend glaub au freud dra gha und so isch de Obig recht schnell ume gange. Mir hend eifach alli nur gfäshtet und tanzt, sogar min Vater mitem Rollstuhel. Wo mir üsen ‘‘Richtige‘‘ Hochzeitstanz gmacht hend, isch er mega Stolz und Glücklich gsi wo ich ihm den uf Schoss ghocket bi und mir üs eifach ‘‘so‘‘ beweget hend. Noch de Mega feine Torte sind den die meiste Hai, sind aber irgendwie au froh gsi, will es Fest het würklich so ufghört wo alli glücklich gsi sind und freud gha hend und mir sind den au recht müed gsi. So um die 4.00 sind mir den MEGA müed aber WUNSCHLOS GLÜCKLICH is bett gheit
Wenn ich so retour denk, fühl ich mich glücklich und aber au trurig, es isch alles vobie…. Aber es isch mit Abstand de schönsti Tag i mim Lebe gsi…
am 27.08.2011 isch min schönste Tag gsi *****Du bist ein Teil von mir*****
wow cosa.. ihr seid ein superhübsches paar und ihr habt beide wunderwunderschön ausgesehen.. was für tolle fotos; vor allem das, wo sie dich in die luft werfen! einfach ganz grosse klasse!
danke für din bricht, hät mi gad grührt :-) und wünsche eu eifach nur alles gueti! ihr hend würkli super usgseh, und dini schueh sind jo de hammer gsi, obwohl i sus nöd soo en rotfan bin.
Anmelden
und mini Rote Schuhe erst 
aber de Maa vo minere Trauzüging het üs mitemne Grosse Schirm zum Auto begleitet. Mini Nochbere sind trotz dem schlechte Wetter spalier gstande.. MEGA herzig… 
aber meh wills e missverständnis gsi isch.. aber defür hend mir bim kehre alli Autos gseh und sie vorallem üs. Will es het tatsächlich mol ufghört gha mit Regne und mir hend es Dach ufgmacht.. Mir hend jo au es Cabi gha 
Merci für deinen Bericht!