Liebi Lus, ich denk ganz fest a dich und wünsch eu en unvergässlichi Hochziit, das alles so chunt wie ihr eu wünschet und dass dis Kleid bis am schluss nöd versäulisch

Gnüssets i volle Züg

liebi lus, hütt isch dine grossi tag! es sell ned de schönscht e dim läbe sii - denn es selled no gaaaaaaaanz viel schöni folge, aber er sell perfekt sii, so wie en du dir erträumsch! gnüss es!!!

nicht registriert

Liebi Froue

I bi ghürate ☺
Mir hei e wuuuunderschöne Tag bi strahlendem Sunneschin dörfe verbringe, s isch eifach perfekt gsi!!! I bi total überwätliget ! I bi u glücklech, dass mir sone Tag hei dörfe erläbe, so vieu Lüt si cho, das isch eifach grandios und sehr emotional gsi. U glich bini bitz truurig weni so ds Chleid aluege wo ufem Bett lit....... Dä Tag isch soo schnäu verfloge und i bi die ganz Zyt chli wie ime Film gsi, das isch aues so unreal gsi ufene Art, has gar nid chönne begriffe, wie imne Film– no itze nid! Ha de immer gseit, i düegi dr Film ufnäh... aber aluege düegine de hüt ☺

I schribe dr Bricht grad u luege zum Fänschter use. Es schiffet i Ströme u i bi dankbar, dass mir so perfekts Wätter verwütscht hei!!!!

Aber fömer doch vo vore a.......

Am Donnschtig bini mini Negu ga la mache. Het uuu schön usgseh und i ha mega freud gha. Am Nami hani de no die räschtleche Sache packt und de si d trouzüge scho cho für mi abzhole. I ha dr ganz Tag mini Super-Truper-Tröpfli gno, bi sooo nervös gsi! Bir Trouzügin daheime hetsi gseit, si wöu no es letschts Mau Probeschminke – d Genralprob. U woni de bi ihre im Bad bi gstande isches mer grad ohnmächtig worde. Ha müesse abhocke und mir isch e Momänt himuelend gsi. Ha z weni trunke gha, s isch heiss gsi, d ufregig – ja aues het sis übrige da. I ha de nume dänkt „lääk mir Stefanie, DAS fat ja scho guet ah so“ ☺ Hei de zäme e wunderschöne Abe gha und si scho am 11 is Bett. Erstundlecherwis hani sehr guet chönne schlafe.

A mim Hochzytstag het am 06.30 dr Wecker tschäderet. Nachemne gmüetleche Kafi isch de scho d Coiffeuse cho und het üs drü Froue (mi, d Trouzügin und d Tochter vom Trouzüge) pefekt frisiert. U erstundlecherwis isch d Nervosität wie wägblase gsi... Nid einisch bini no nervös gsi a däm Tag – eifach nume no überwältiget. När heimer gschminkt und de isches scho bau as alegge gange..... Mir hei umorganisiert und i hami bi ihne im büro im keller agleit, so dasi nid no ha müesse Stäge loufe ☺ Drum: bini Haxli si auso no ganz ☺ u woni dete de fertig agleit bi gsi hanis chum chönne fasse......üse Tag isch da!!! De hets dusse ou scho ghornet und e perfekt schöne türkisse Oldtimer het üs abgholt. Is Outo istige isch aso kes Problem, häbet kei Angscht (aber fraget mi nid wieni bi usgstige... ds outo isch seehr töif gsi ☺ )
Mir si du när Richtig Schloss Kiesen tuckerlet und i has natürlech usgnützt und jedem – aso würklech jedem gwunke... U es isch sooo

nicht registriert

chönne warte bismer si gange...
Es heisech när aui outo ine kolonne igreihelet u mir si richtig apero – das isch sooo schön gsi wie aui d outo gschmückt gha hei!
Bim Apero simer hähregfahre und woni usem outo useknieppet bi (i hoffe, es heige nid aui mis blanke füdle gse.....) het d Musig vom Ma grad afa spile. Eis lied – ds lieblingslied vo mir und GG – heisi äxtra istudiert. Es isch schön gsi. Natürlech hei GG u i mit zämebundnige Händ müesse dirigiere – und natürlech isches e meega lange marsch gsi dass mir mis Händchen fasch abgheit isch derbi ☺ Aber es isch luschtig gsi, d Musikante mit chli Grinse usem Konzept z bringe ☺ När het ds Brütli z Gfüeu gha si wöu doch ar Musig und de Gescht Danke und ds Apero eröffne. D Idee wär guet gsi, eifach ar Umsetzig hets ghapperet. Ds erschte Danke heisi gloub verstande u när hets nume no ghüület bi mir, i bi sooo überwältiget gsi....
Ds Apero isch eifach nume bombastisch gsi... ha zwar säuber nid vieu dervo gässe (hesch eifach ke zyt!) aber si mit aune ga astosse und hei chli plöiderlet. Mini Arbeitskollegin ischmer 5mau!!! Ufs chleid gstande, so dasi bim furtloufe fasch gfloge wäri – aber nume fasch liebi Mitbrültlis, freuetnech nid z früech!!! ☺ I has so gnosse dete. D gescht hei de no aui Ballön mit Wunschchärtli ufeglah, bi ja gspannt öb de öppis zurggchunnt!
När hets gseisse, ds brutpaar müessi gah. I wider ab is outo (dasma scho gschmeidiger) und de simer los. D Trouzügin hetmer de es paar noppesocke id finger drück i müess de die alegge! Hä???? Ds Hilterfinge am Thunersee het ds outo ghautet und mir hei dürne schaar badendi Gescht müesse loufe ☺ i ha sooo heiss gha und bi fasch iverstüchtig uf die gsi wo im bikini si am bädele gsi.... dr eint het grillet und i hanim de e wurscht wöue stibitze ☺ Mir si zum hafe und dete het es wuuunderschöns Boot gwartet!!!! Mir heid de ganz ufe ufs oberdeck dörfe (4meter über wasser) (jaja, da si stoppsöckli perfekt gsi wes wäuelet und mer mit eme chleid es mini-stägli ufe mues!!!) und hei bim stürrad dörfe änehocke u de isches scho los. Üsi trouzhüge si derbi gsi und die zwöi wo ds boot ghört. Gmüetlech quer übere Thunersee simer gschipperlet, mit Aperohäppchen und feinem getränk, eifach hurti wäg vom trouble, usspanne, d chüeli us lüftli gniesse, eifach perfekt ☺ mir hei de z faulensee wöue ga adocke (isch grad une am resti dr hafe), si aber e bitzeli z früeh gsi. De heimer dörfe vougas gäh bim boot und e riiise kurfe ufem see fahre – DAS isch sooooooooooo hammer gsi !!!!!!!!!
Bim Bootsstäg hei de d Gescht scho mit Ballön gwartet und die abghlah, sobau mer düregloffe si. So härzgi!!!!
Ds Resti isch eifach perfekt gschmückt gsi, aues so wienis ha wöue! U dete bini de ou z erschte mau ufs WC ☺ u es isch würkelch kes problem – häbet aso ke sorg. Nach dr erschte vorspiis het mi vater anekdöteli vo früecher ufzeut u aui heisech gfreut, nume i hami gschämt ☺ nachem nächschte gang het mi vater es uuu härzigs gedicht ufgseit und mir hei

nicht registriert

vergässe!!!!!!
de heimer gseit: nid so tragisch, dr ander schlüssu isch ja im briefchaschte! Hie acho am 02.00 uhr heimer im briefchaschte vergäbe e schlüssu gsuecht.... i bi am ändi gsi ☺ mi gg isch de mit em trouzüge zäme i üses eigete hus ibroche via wöschchuchi!!! Ja, dir ghöret richtig, ibroche ☺ I ha doch nume no is bett wöue!!!! mir hei sooooo gröhlet - s hätt nume no gfäut dass d polizei wäri cho. erklär mau, werum e brütigam ines hus ibricht? ;-)
Ändlech im hus die nöchscht bescherig. Kilowis konfetti, schnüerli, bändeli, im gaaanze hus verteilt. Im bett, ir badwanne, eifach überall! Aui gschänkli womer becho hei am apero heisis im ganze hus verteilt u härzgi gsi..... d trouzüge si de hei. Mi g gisch sooo ufdräiht gsi vo sim ibruch daser no ds ganze hus gsugeret het ☺
I ha währenddesse mini frisur ufglöst (aua), ds chleid abzoge (läääk duet das guet...) und bi ga dusche (eifach hammer....). hei de no chli chärtli u gschänkli agluegt und si am 04.00 is bett gheit und 2 minute später igschlafe gsi (so vieu zum thema hochyztsnacht....).

Hüt am 9i heimer gmüetlech zmörgelet. Bi de vorhär is zimmer wos chleid isch und ha scho es trändli verdrückt. Brut si chamer nume einisch – u i has vo ganzem härze gnosse. i wett das fescht irgenwie grad nomau erläbe – u glich isch guet isches verbii... zyt für anders ;-) us chleid chamer ja immer wider alegge weni langi zyti ha....

I gibene ei rat für öies hochyzt: gniessets gniessets gniesset u dänket nid z vieu, löts eifach la loufe. Suget aus i öich uf.... i has wie im fium erläbt u erscht hüt u die nöchschte täg chani dä tag nomau richtig zrüggspuele und richtig begriffe, wie perfekt u schön dases gsi isch ☺

Überwältigeti u glücklechi luuus

ah übrigens.... weiter dr bescht ghöre???? Mi Husschlüssu wo dr aperogascht gha het isch de glich im briefchaschte gläge... mir heine nume nid gfunde gha am abe.......

wow lus! ganz härzlechi gratulation! gniess das wunderschöne gfüel vom früsch-verhüratet si!!!! aues liebi! und merci für dä schön bricht!