daenu16:

---

jö ihr Liebe, danke!
Für mini Tischdeko bini grad sit 2 Wuche fliessig am höggle und usserdem am Apérogetränk trinke die Fläschli vo Sanbitter, Crodino u.s.w. chani nämli guet als chlini Väsli bruche. Ansuschte bini vor 2 Wuche mal gsi go dBlueme bespreche. E Fründin vo mir hed en Bluemelade und wird das sicher super mache.
Ide Kirche hämmer jo Stüehl, drum isches nöd ganz eifach mitem befeschtige. Usserdem isch dKirche ebe sehr modern und drum nöd eso länglich, sondern eher en quadratische, riesige Ruum mit uuh höche Deckene. Das findi im nachhinein (also nur dekotechnisch) nöd grad ideal, will chlini Deko eifach undergoht. Drum wetti am Afang vode Stuelreihene en Igangsboge us Wiede. Das übernähmed drü Fründinne und einere sin Fründ. Die 3 werded de Boge selber flechte und er het en Betonmischer und wird di undere Teil vo dem Boge betoniere und usserdem id Kirche transportiere. Wüsseder ungefähr wani mein. I ha vo allem es Bild aghenkt usser vom Boge...find eifach keis wo so richtig us Wiede oder Niele isch...

Zuletzt bearbeitet am 12.12.13 14:02

Lillian: Stelles mir grad vor. Ich mit de 5 Bilder und denn machemer eini ade andere
Ah ja, das isch e gueti Idee. Einzigs Problem – zum Coiffeur gohni susch zunere andere als etz für dFrisur. Nix geg mini Coiffeuse, aber bi Frisure isch sie eifach zu unsicher und dökterlet stundelang ume – das macht mi wahnsinnig!
Trotzdem chönnti mi mal so föhne loh, eifach für de Idruck obs mir stoh und au chli obs ebe Hochzitswürdig isch.

Nala: JA das mueni sie denn ebe froge am Termin. I hoff es goht zum chli alles zämä-mixe! I bi eifach so furchtbar unentschlosse und dFrisur isch mir sooo wichtig. Ich mach generell sehr viel Frisure, au im Alltag. Probiere immer wieder was us, viel mit Zöpfli und mach die Frisene susch immer selber. Etz wotti eifach die PERFEKTE Frisur a dem Tag…irgendwie!

Littlefoot: Genau, meine Liebe, das isch min Bruutstruus. Echeverie sind mini Lieblingspflanze und hend drum unbedingt dezue ghört. Bi denn gspannt uf dis Foti. Muesch luege, sie werdet sicher beidi ganz ihres eigete Flair ha
Denn sind Zöpfli ebe genau mis Ding. S’Ziel isch, und das bi ebe scho ich, nöd e edli eleganti Bruut z’si, sondern romantisch, verspielt und mädchenhaft. Das isch 100% ICH
Und wili susch au immer so chli irgendwo es Zöpfli han (etz nöd so Heidi-mässig gell), finded mini Fründinne au, es mues chli was verspielts mit Zöpfli si.

all: I freu mi sooo uf de Samstig wemmer mit allne ALLES gönd go aluege!

Ihr Liebe

Geschter hemmer sehr en ufschlussriiche Tag gha. Mir sind mitem ganze Hochzits-OK in Schaffhuse gsi, wo ja üse grossi Tag stattfindet.

Mir hend ja e richtigi Stadthochziit und Parkplätz sind Mangelware. Jedefalls hemmer üs vor Monate entschiede, dass mir nachem Apéro (isch im Nebetruum vode Kirche) mit de Gäscht in Stadtbus istieged. Es wird vom TM so inszeniert wie e Schuelreis (mir sind ja beidi Lehrer). GG und ich hend das mitem Stadtbus so kuul und unkonventionell gfunde...aber ebe nur wenn mir au mitfahred.

Jedefalls hemmer denn geschter grad die ÖV vode Stadt gnaustens unter dLuupe gnoh!!
Sind mitem Bus ufe id Kirche, hend zämä dKirche nomol aglueged (de Diakon wo üs traut isch au grad mitcho). Sie hend üs di ganz Elektronik erklärt (ja es isch e uuh mega moderni Kirche)! Usserdem hemmer no de Ruum für de Apéro chönne aluege, ide Kuchi dGläser und au Tisch und so zelle.
Phu, ich säg eu...es isch richtig konkret worde! Alli hend Ideä gha und Froge gstellt. GG und ich sind richtig vorfreudig nervös worde.

Noch de Kirche simmer wieder mitem Bus abe an Rhy und hend zeiged wo mir denn is Schiff istieged und sind im Güeterhof (wo mir sFescht hend), grad ade Schiffslände go esse.
Nachem Esse hemmer allne de Bankettsaal zeiged.

De ganzi Tag isch immer rund um mich ume es gheimnisvoll Getuschel gsi ich glaub TM und TZ sind richtig INSPIRIERT worde.

Ganz am Schluss simmer denn aber nurno mit TZ go dLocation aluege wo mir das "First Sight"-Shooting wänd mache. Soooo schöööön gsi.

Etz bini eifach nur happy happy happy!

Datei-Anhänge

	Allerheiligen.jpg (33x) Mime-Type: image/jpeg, 14 kB
	resized_650x365_origimage_530260.jpg (33x) Mime-Type: image/jpeg, 115 kB

Es werded wohl Gheimnis bliebe, aber das söll au so sie...sicher bini neugierig, aber weni etz alles scho wüsst wär's au doof. I finds aber uuuh super, dasses allne so gholfe het zum vor Ort z'si...das het glaubs würkli mega Inspiration geh!