Isch super gsi, wieder sehr professionell und unterstützend. Mir hend etz au e gnaui Priisvorstellig wases am Schluss wird insgesamt choschte (da hani no wichtig gfunde). Gseht folgendermasse us (wenis no richtig im Chopf ha. Sie schicked ebe no sProtokoll)
18:15 Empfang nach der Schifffahrt (kleine Häppli und Virgin Caipirinhas)
18:50 Begeben wir uns in den Bankettsaal
19:15 Gemischter Salat mit gerösteten Kernen
19:45 Karotten-Curry-Süppchen mit Thunfischspiess
denn chli Pause
21:00 Hauptgang: Rinderfilet in Kräuterkruste an Balsamico-Glasur, mit Kartoffelgratin und Gemüse (sie schöpfed denn no Biilage noche)
und denn so am halb 11/11fi Desserbuffet: weisse und dunkle Schockoladenmousse, Gebrannte Creme, Fruchtsalat, Panna Cotta, kleine Schnittchen (so wie Cremeschnittli), und Glacepyramide mit Wunderkerzen! Juhuuu
GG isch leider nöd verschoont bliebe vode aktuelle Grippewelle, und ich han drum Ziit zum Bastle a dem Sunntig. d'Gaschtgschenk/Platz"chärtli" (Töpfli mit Kresse) sind nonig ganz fertig gsi. s'letscht mal hani mitere Fründin zämä d'Terracotta-Töpfli mit Spitze beklebt und dNäme vode Gäscht so uf Holzstäbli klebt. Hüt hani usgstanzti Herzli (wo DANKE druf stoht) uf Holzstäbli klebt. Usserdem hani alli gsammlete Fläschli zellt und schomal welle mit Spitzebändli verziehre. Die Väsli sind aber zum Teil chli dreckig und agstaubt...und werded im Schrank bis i 62 Täg sicher nöd süüberer. Mues das wohl eher paar Tag vorem HZ mache.
Anmelden
hihi