Huch da hets jetzt irgendwie nur de letscht Teil vode Nachricht gsendet
Mag jetzt nüm alles wieder schriebe, aber so im grosse und ganze hani welle säge, dass alles uu lässig usgseht vor allem de Wideboge und die ghöglede "plätzli" gfalled mer mega
Uuud, verfolg din Thread vo jetz a natürlich gspannt
Wieder isch en Monet verbi und de Countdown lauft wacker: 27 Täg bis zum Kirchliche 19 Täg bis zum Zivile
I dem Monet isch nomol vieles gange und mir hend uf de To do-Lischte wieteri Pünkt chönne abhöggle.
- Blueme sind vorbesproche und bstellt
- Mit de Sängerin und de Pianistin (e gueti Fründin vo mir) hemmer e Prob ide Kirche gha. Seeehr bewegende Moment und eifach wunderschön.
- Vorgspröch ufem ZSA am 04.03. het üs recht schockiert und mir hend gmerkt, dass mir nöd vo dem Beamte wänd traut werde, drum hemmer Ziviltrauig vorverschobe, Ziit und au de Ort gänderet. Das het natürlich sehr vieli Veränderige mit sich bracht. De Ort und sDatum wäred sehr wichtig gsi, aber das nützt denn alles nix, wenn dStimmig durch dä Beamti ide Hose wär.
- TZ und TM hend letschti Infos verschickt ad Abiggäscht und au ad Apérogäscht. Sie hend diversi Treffe gha und mir wüssed nur s'nötigste. Sie schiened aber sooo bemüeht und organisiert, dass mich das überhaupt nöd nervös macht! so schöööön! Freu mi mega dass sie sich sooo Müeh gend!
- Letschts Treffe mitem Diakon isch hüt Nomi. Mir legged de definitivi Ablauf vode Trauig fescht!
daenu: hui da gahts nüm lang :) tönt guet mit de TZ und TM finds uh spannend so sache. mini TZ het gester gmeint sie heb sich mit mine andere schwöschtere und em mami churzgschlosse. ha denn gar nid me welle wüsse
Ja gell, me wett denn gar nöd drifunke und isch eifach nume froh z'ghöre dass sich anderi au engagiered *freu* Grosse Poschte...hmmm...eigentlich nünt meh würkli. Alles nurno Chlinigkeite. Gaschtgschenk no ganz fertig, Väsli is Bluemegschäft bringe, Kleid abhole, zivil hürote. s'Gröschte sind wohl d'Namens-Chlüpperli mache...aber vieli chlini Sache läppered sich au zämä
Wow, das chunnt mir etz so vor als obs scho sehr lang her isch... Vor 10 Täg bini am Morge zum Coiffeur go Mèches mache (für s'kirchliche) und denn hed mir dCoiffeuse eifach no dHaar schön gföhnet und en chline Zopf gflochte. Gschminkt hani mi denn dihai selber. s'Kleid für s'Zivile isch es Trauzüginnekleid gsi vo vor 5 Jahr...damals sind GG und ich grad mal 3 Wuche zämä gsi. Woni parat und fertig agleit gsi bin, isch GG schomol ganz überwältiget gsi. Er het denn grad welle wüsse ob sKleid für s'Kirchliche denn au so schön seg wie das. Debi isch sBrutkleid denn no sicher 10 mol schönner Mit de beide TZ simmer denn los zum Traulokal in Steckborn TG. Dete sind denn au d'Gäscht uf üs am warte gsi. Mir hend nur mitem engste Familiekreis gfiiret und sind nur 10 Lüüt gsi. Min Papi het mir denn min Brutstruus überreicht. En wunderschöne Struss mit wisse Rose wo er selber usgsuecht het. Denn simmer is Traulokal und dBeamtin het scho uf üs gwartet. Sie het dTrauzeremonie sehr persönlich und liebevoll gstaltet. Me het ihre guet chönne folge und d'Stimmig isch sehr agnehm und emotional gsi. Kurz vor de wichtige Frog hani denn am GG no es selber gschriebes Gedicht über üs, üsi Beziehig und üseri Liebi vorglese. Scho bim erste Satz hani agfange brüele und unter Träne wieterglese. Das isch allne sehr as Herz gange und GG het au sehr mit de Träne kämpft. Nachem Ja-Wort und de Unterschrifte (und em Kuss natürli) händ alli dörfe gratuliere. Ich bi denn gar nüm so richtig usem brüele usecho...vorallem wo de Schwiegervater mich denn no ide Familie willkomme gheisse het (mir hends nöd immer eifach gha). Und denn het vorem Traulokal auno überraschend mis "Pflegmami" gwartet...da het mi denn gad nomol schier verrisse. Vorem Lokal hemmer denn no paar Gruppeföteli gmacht und denn simmer mit de Auto Kolonne gfahre bis zum Seehotel Schiff in Mannenbach TG, direkt am See. Bi wundervollem Usblick uf de Bodesee hemmer denn Dessert gesse. Ich han en Bananesplit gha...wenn schon denn schon! De Nomi isch gmüetlich und fröhlich gsi und drum au recht schnell verbi gaange. Am Obig simmer denn no mit de beide TZ und mit mim Brüeder und sinere Frau go esse is Hollys uf Konstanz. Alles in Allem en wuuunderschöne Tag. Am Obig simmer denn so richtig glücklich, emotional, erschöpft gsi.
Anmelden
finds uh spannend so sache. mini TZ het gester gmeint sie heb sich mit mine andere schwöschtere und em mami churzgschlosse. ha denn gar nid me welle wüsse 
*freu*