Dia ich han hüt am Strand immer wieder a dich denkt! Ich bin so gspanne wies gsi isch! Gnüssed Vegas und natürlich eue 1. HZ- Tag! Wünsche eu wiiterhin nume s'Bescht!!! Umarmig layonie
Es isch so lustig, kitschig und gstellt gsi die ganzi sach!! Aber es isch jo um e gäg gange. Also als "ächt" möcht ich so scho nid hürote. Mit dr ganze zeremonie und de föteli isch es ca 20min gange... Hahahaha, aber sooo lustig! Föteli kömme denn no....
@elchalten Klar kenn ich di no! du hesch so e schöns kleid ka und s einte föteli vo dir, wo me di vo hinde gseht mit em tattoo het mir so gfalle!! (eigentlich dis avatar)
So, hüt verzell ich euch chli vo unserem 2. schönste Daag
Mir händ am 21 Mai an unserem 1 HZ Daag nomol ghürote. Zwar in Las Vegas in dr Graceland Chapel. Mir hän das vorhär scho im Internet buecht! Mir hän dr Termin am 17.00h ka. Am Nomidaag sind mir no chli an Pool gange und so um die 15.00h sind mir zrugg ins Hotelzimmer und händ uns parat gmacht. Mi GG het scho vorhär imene Kaff uf dr Route 66 sind Cowboyhuet und sis Hemli kauft. Das het er unbedingt welle. Ich has mis Kleid scho deheim bi light in the box bstellt! Wo mir uns a zoge hän, bin ich sogar chli nervös worde, will ich nid gwüsst han, was genau uf mi zue kunnt. Mi GG het müesse lache wo ich das gseit han, er het nur gmeint: Schatz, das isch nur Show, mir hän jo scho richtig ghürote...! Ok, mini Nervosität het sich bi dr Chapel denn langsam glegt. Die Fraue an dr "Reception" sind mega begeisteret gsi vo mim pinke Kleid! Mir hän denn no unseri Blüemli beko (wo im Weddingpaket inbegriffe isch, me het d Farb sälber könne usseche) und denn isch es au scho los gange! Zum Hochzytsmarsch sind mir zäme zum Altar füre glofe, isch nid so guet gange, mir sind so langsam glofe dass mi GG fast ins stolpere ko isch!!! Dr Minister het öbbis vo Gott gschwätzt (juhuuu, jetzt sind mir doch no vor Gott trauut worde!) und denn hän mir ihm müesse noche schwätze, ich ... nimm dr... nomol zu mim Maa und wird ihn für immer.... blablabla. Ich ha immer müesse lache, will ich die ganzi Situation so lustig gfunde han und no uf Englisch! Die Kapelle isch so kitschig gsi und alles so gstellt, aber mir häns glich gnosse. Die ganzi Sach mit Fotoshooting isch ca 20min gange! Am Schluss hän mir no e Urkunde beko, dass mir am 21 Mai 2012 nomol unser JO Wort gäh hän!. Zoobe sind mir in unserem Hotel no fein go ässe und hän unser 1 HZ Daag richtig gnosse. Ich bereus nid, dass mir das gmacht hän. Ich hät nie NUR so ghürote, aber als Spass würd ich in 10 Joor sofort wieder!
Anmelden
du hesch so e schöns kleid ka und s einte föteli vo dir, wo me di vo hinde gseht mit em tattoo het mir so gfalle!!