hallo zeme
vor 2 täg hemmer eusi zivili hochzit döfe fiire. es esch en traum gsi ond de tag esch absolut perfekt gsi för eus. aber fömer doch am afang a... :)

de ganz morge esch för mech ond mi gg gsi as wers en ganz en normale samschtig. mer hend zmörgelet, send go poschte und hend ned vell gmacht. i be denn zom coiffeur wosi mer en mega herzigi frisur gmacht het. gg und i send gar ned nervös gsi mer hend eifach nome gwartet bes 3 werd und mer abgholt werde! :)
mini tz uns mis mami esch eus dehai cho hole ond mer send de zemme zom standesamt gfahre wo di andere scho gwartet hend. mer send e chlini groppe gsi vo 11lüt. nome engst familie ond frönde. au denn send gg und i gar ned nervös gsi. of di 4i semmer de is standesamt ine gloffe ond gg und i hend no es angst bissi müsse go mache. all andere send denn scho in ruum ine glofe. i ha de no em gang of mi gg gwartet ond bevor mer i ruum ine gloffe send hemmer eus nomol i arm gno ond eifach chorz no paar sekonde so z2te gnosse. aber nervös semmer au denn nonid gsi. de semmer is zemme ine ond abghocket. d standesbeamtin het eus begrüesst und het agfange met es paar schöne wört. gg und i send stock stiif det ghocket und hend eus ganz fest ade händ ghebet. d standesbeamtin het ergend öpis verzellt vo wege liebe esch en reis etc. i ha absolut ke ahnig me was si det gredet het i be eifach wine stock det ghocket :) de het si gseit mer selle ufstoh förs jo wort. ond denn hets mi troffe wie de bletz. i ha am ganze körper zetteret und mis muul esch ganz troche gsi und mis herz het gschlage wine trommele! zersch het gg sis "ja" lüt und dütlich gsiet ond mi fest agluegt debi. de beni dra gsi und i ha sones trochnigs muul gha das mis "jo" es verdröckt mormle gsi esch (aber es het anschinened zellt ;). denn hemmer eus döffe kösse. i be so erliechteret gsi ond benem grad ed arme gfalle. mer hedn eus eifach nome kösst und ghebet und hend eus nöm welle los lo, bes d standesbeamtig ergend en wetz gmacht heig dass das mol en rechtigige hochzitskoss sig! de hemmer döfe äne hoche und es esch oms onderschribe gange. zersch gg, denn ich. i be vor dem blatt ghocket und mini hand het zetteret wie no nie im lebbe. i ha das blatt agstarrt und ha mi hand ned chöne ruhig hebbe. ha de es gekrakel anebecho :) de hets i nomol öpis vorgläse vo ergend öpis weg emne seil ond em ne chnopf, ha ke ahnig me ide zwösche zit hets s paar wo vor eus ghürote het dosse en mega musig abglo ond bi eus em ruum het mes so gute ghört. ha bez metbecho dass sech eusi fam chli gnervt het drab, aber i has eigentli no lässig gfonde, esch no schöni hindergrunf musig gsi för eusi hochzit! i be eifach det ghocket i minere wolke und be zfrede gsi ond alles esch mer egal gsi, ossert die hochzit! i weiss absolut gar ned was d standebeamtin det verzellt het i be eifach i eim frede det ghocket :) de hend eus eusi gäst döfe gratuliere. s mami vom gg esch of mi zuegsörmt het mi i arm gresse met ganz nasse auge und gseit "wilkomme ide familie wod eh scho johre dezue ghörsch" ond de hani natürli au grad müesse briegele! all hend esu umarmt und träne ide auge gha! mini tz het mi so fest ghebet (glaube minutelang) und eifahc nor gseit "i be sooo glöcklech för euch!!!" es esch onglaublech gsi zgsprühre wie sehr sech die andere för eim freue (ha grad bim schribe weder träne ide auge..)
nachetenhe het de tz vo GG en mega lässige apero organisiert imene wonderschöne resti. es esch de hammer gsi, mer hend nix vo dem gwösst! de semmer met de autos (natürli hupend) zom huus vo mine schwiegereltere gfahre. womer det gsi send semmer baff gsi! mini tz het im eleingang en wahnsennig tolli garteparty ofd bei gstellt. si hend es zelt ufgstellt, met lämpli, blueme ond so herzig dekoriert! sogar gg (wo sech soscht en dreck om deko scheert) het u freud gha! mer hend denn de grill agschmisse (ha zwar gar ned möge esse, was mi em nachhinein bez röit) ond send det gsi, hend musig glost, trunke, gesse und all hend mega vell spass gha! mini tz het allne no es chlies gschenkli gmahct und zwar het si jedem sones chlises rätsel-pzzle gstenk wome zb us vershcidnige holz teili muess en pyramide forme und so. die send de hit gsi de ganz obe lang hemmer bastlet und wetkämpf gmacht wers am schnellste löst :)
z letscht hets no dessert ge wo au de wahnsenn gsi esch. jede het öpis bachet und metbrocht! es het super usgseh!! i cha ned i wort fasse wie vell spass mer gha hend und wie glöcklech gg und i gsi send. es esch meh als perfekt gsi! s wetter esch au en traum gsi, bes zobe am 11i hets ghebet und dett hets avo störme und fast s zellt weg gweiht. d männer hend de i strömendem rege müse szelt zeme ruhme ond mer fraue henhd eus doch de ranze voll glachet! aber es het de stimmig kei abbroch do, mer hend de eifahc dinne witer gfiiret! be zletscht so erschöpft gsi aber de tag esch vo a bis z eifach nome perfekt gsi för eus!!

mini schwögerin het super tolli föteli gmacht, aber leider hani die nonid. cha euch erst die zeige woni vode deko met mim natel gmacht han! aber i verspreche euch desi (vom brutpaar ;) zeigi euch sobald dassi si han!!!

sorry das de bricht obe so lang worde esch. aber i has gfüehl i ha jez scho mega vell tolli details weg glo ond ehr esch emmerno so elle lang!

WOW elea, das tönt ja nacheme perfekte Tag! Wünsche dir und dim Maa alles alles liebi und gueti, danke für de ersti Ihdruck mit dene Föteli, möcht den gern na meh gseh

Jetzt hoffi das die Frei Trauuig au na so klappet wie ihr oi das Vorstellet und wünsch oi jetzt scho en wunderschöne Tag!

jö elea, ganz härzliche glückwunsch und viele dank für de berührendi bricht, do hani also au grad es par tränli müesse verdrücke ich wünsche dir dass de samstig grad nomol so wunderbar und traumhaft wird wärde wie de letschti!!!

hallo zeme
danke vell vell veeeeelll mol för euchi liebe wort und glöckwönsch! chönt grad tränli useloh weg euch! merci vellmol!
wie versproche do no witeri föteli vom zivile! i liebes doch au Emmer belder vo euch azluege, drom wetti doch euch au bez öpis zeige! ;)

-ofem Standesamt bim underschribe
-mer hends gschafft (d erliechterig esch eus glaub azgseh ;)
-de super apero wo sin tz organisiert het (oder emo en teil devo ;) nebe dra esch no en anderi hochzit gsi ond die hend eifach fang Bier gha ond soscht nix zom esse, ond de hend all Emmer of euse aperö öpere guenet
- s strüssli woni vode standesbeamtin becho ha. i ha jo kes gha, has gfüehl gha es bruchts ned, ond so esch natürli cool gsi het si mer eis ge. ond es het mer mega guet gfalle!
- mi maa ond i

Elea das tänt eifach mega :) es freut mich sooo das wetter glich no ghebet het :) freu mi jetzt scho uf bilder und din nöchste bricht vo de chirchlie trauig :)

grüessli nisliker