also... i versuech mi mol am hochzitsbrecht... aber au nach 2 woche hanis gfüehl emmernonid alles chöne zgriffe.....

wie es paar velecht wössed, beni jo d täg vorher recht chrank gsi und au a dem morge hani mi ned so guet gfüehlt.... :( aber d nervösität het denn alles öberdekt und i het ned denkt dassi so lang mage a dem tag und mi so toll fühele...
zrog zom afang:
de morge esch eigentli ganz en normale samschtig gsi för mech ond mi gg. so as wer nüt speziell... gege mittag het mich gg denn zom coiffeur gfahre. wo mer eus det tschüss gseit hend hani e reese klos em hals gha, weli gwösst han, dass ich ehn erst bide trauuig werde weder gseh. ha sogar chli müese briegele. au wenn mer eus nor för 5h hend müsse trenne, es esch mer schwer gfalle...
bim coiffeur hani mini nerve chli chöne beruhige. mini tz esch mi denn det cho abhole und i hami super gfüehl met em makeup ond de frisur. ha natürli au en chline hochzitspickel gha :) aber si het ne super chöne öberschminke. anschinened ghört das jo chli dezue ;)

be so froh gsi hani denn mini aller beschti fröndin, mini tz bi mer gha... si het mer sgfüehl ge es cha nüt schiefgo
ide zwöschezit esch de nebel vom morge verschwonde und mer hend strahlend blaue hemmerl gha, 20grad und d sonne het gschenne as giengs ehre om chopf und chrage
mini tz het mich denn zo ehre hai gfahre und det semmer s2te chli gsi und hend tv gluegt ond druf gwartet bes d zit ome goht ;) si het gluegt dasi schön banane und balisto esse dass es mim chreislauf au schön guet goht
ha de nöm anderst chöne und ha müesse gg alüte und froge was er macht. er und sin tz hend sech pizza bstellt und i ha gmerkt a sinere stemm dass er au nervös esch worde langsam... :)

so de hemmer eus langsam müesse parat mache. si het mer gholfe mis chleid azlegge, gwörschtlet und schön alles so aklebt bes es ghebt het woni mi de zom erste mol em spiegel gseh ha, hani scho chorz müsse schlöcke s make up, d hoor und s chleid. i hami eifach nome so wohl und gute gfüehl. und ha weder ghofft dass i dem mim gg werde gfalle....
vor ufregig hani agfange (em hochzitchleid) d wohnig vo miener tz ufruhem si het gseit i muss doch das ned mache und ich ganz hibelig "DOCH i muess, weiss soscht ned was mache!!"
denn esch d zit noche gsi ond mer send los gfahre. woni metem hochzitchleid und em blüemli us de töre cho be und mi d nochbers chinder agluegt hend as hett ich en egge ab, beni mer chli vorcho as wer fasnacht
ofem weg zom trauigsort, im auto vo minere tz hani so en klos em hals gha. i ha eifahc nor is strüssli ine gluegt ond hammer eifach emmer nome denkt "jetzt! jetzt esches so wiit"
mini tz esch so süess gsi ond het mi mega probiert met froge zode flitterwoche abzlenke :) fascht were mer no falsch gfahre glaub si esch au bez nervös gsi
womer denn ume egge boge send und i de trauigsort gseh han, esch mer s herz i buch gsaket, alles esch soo real worde plötzli und i ha agfange zettere!

i be zom auto usgstegge, be vom fotograf und de chefin vom resti ganz lieb begrüesst worde ond mini tz het mer no s näsli puderet
si hend mi de hendere gfüehrt ide ruum wode s esse gsi esch und mer hend allli gäst chöne beobachte (si hend eus natürli ned gseh). i ha gg gseh und er het soo super usgseh i sim azog!
mer hend de ca 5min det gwartet bes ali lüt ghocket send. de esch de pfarrer ond min schwegervater hindere cho. de pfarrer het gfrogt ob i parat be und i ha gseit jo. de pfarrer und mini tz send den zode gäst före. i ha bi mim schwiva ighenkt und i hanem gseit "bitte heb mi ganz fest gell!" ond er "natürli! ond denk dra, ned zschnell laufe" mini bei hend zetteret...
de hani ghört wied musig isetzt. i ha mini auge zue gmacht, 3 mol dorre gschnufet und ha gseit "esch guet, be bereit"...
wo mer ome egge gloffe send ond i gg gseh ha, esch mis herz stoh blebe. i ha nor auge för eh gha und wahrschinli hani mi i dem moment grad nomol i ehn verliebt well er mi so schön agstrahlet het! i ha niemert gseh ossert ehn! d gäscht ned! de pfarrer ned! niemert! mi einzig gedanke esch gis dassi zo ehm wet! er het mini hand gno und gstrahlet winis nonie gseh ha! i ha gseh dass er füechtig auge het und hane gfrogt "gfalli der?" und er:du hesch all mini erwartige öbertroffe, du gsehsch wonderschön us!" i be so glöcklech gsi! mer send den äne ghocket und d trauig esch soo perfekt gsi. de pfarrer het so schöni wort gfonde. es esch so persönlich gsi, so winis mer emmer gwönscht ha. d musiker hend d lieder so schön gspellt, i be wie imene traum gsi. i hönd gg hend eus di ganz zit ade hand ghebet und küschelet. i ha ehm emmer weder müesse sege wie perfekt dasses esch! i has selber ned chöne glaube. bim ring tusche hani weder wie bim zivile sone trochnigs muhl gha :) be froh gsi hani ned vell müese sege ;)
...............

nach ehm ring tusch hemmer eus entli döfe kösse. mer send e gfüehlti ewigkeit det gstande, hend eus kösst ond omarmt! de moment esch so perfekt gsi und i ha nonie sone glöck gspört wie i dem moment! mer send eifach det gstande, hend eus omarmt ond eus es pohr küschelet dass mer eus liebe. i ha gg im arm gha ond d auge send emmer füechter worde... zom glöck esches jo dosse gsi ond so het denn de sonneschiin mini tränli schön grad weder chöne tröchne :)
d trauig esch mer vorcho wie 5min! i het ewigs welle det hocke, de musiker zuelose ond i mim glöck schwelge! ese sch wörkli so wie all sege, me esch eifach i sinere wolke enne ond alles esch eifach nor guet! do hetti mer i dem moment e vogel chöne ofs chleid schisse es wer mer glaub egal gsi
nach de trauig hets en scjöne apero ge (au verosse). ha leider ned so vell möge esse, aber has probiert ;)
es esch mega lockeri stemmig gsi ond i ha zit gfonde zom met allne chli zplöiderle. de hani au zom erste mool d gäst bez chöne aluege und all hend sech u schön zweg gmacht. min chline göttibueb (8mönet alt) het sogar en azog agha (met gilet und flüge)
i ha extra nome 1hugo tronke, dassi au jo no ke all zu grosse flüger ha :D

de hemmer gruppe fotis gmacht!! met allne päärli ond kolege und familie. euse fotograf het soo tolli idee gha und d bilder send echt de knaller worde! zb hemmer es bild met eusne kolege ide bar gmacht wo alli of de bar oder am bode legge, öberall legge alk fläsche und nome ich be no am gröhle es gseht echt sooo cool us
mer hend de so vell lässigi groppeföteli gmacht hend dass mer maaslos öberzoge hend aber euse fotograf hets ganz locker gno ;)

denn simmer elei metem fotograf abb förs bruutpaarschooting (d gäst hend ide zwösche zit witer gaperölet und hend ei frede gha). s shooting esch u schön gsi. euse fotograf hets so toll gmacht! (er het de no gseit, dass ehr sech set er hochzite fotografiert scho emmer en brut em vintage stil gwpnscht het! ond jez heig er mega freud chöner mi fötele ha mega freud gha a dem kompliment)
mer hend shooting mega gnosse, eifach chli zor rueh cho, bez weg vode lüt und chli s 2te si (aso fast s 2te ). au d föteli com shooting send traumhaft schön worde :)

nachetene semmer zrog zode lüt ond de hets de schomol gli d vorspiis ge... ooond au de erst (ond einzig) patzer a dem tag. i ha extra vorher 3cds brönnt, woni paar täg vorher ad location brocht ha, dass mer chli musig hend det.... ond plötzli send die cds verschwunde... d lüt vom resti hend gsuecht und gsuecht aber niened sends gsi... hmmm.. ha scho bez avo nervös werde... hochzit ohni musig? lieber ned... 1 helf het denn e koleg gmahct wo cds us sim auto gholt het. de vater vo minere schwögerin het den extra no es kabel verbi brocht dass mer chöne s natel dra henke, ond so hemmer de natürli gnue musig gha. es esch nor es detail und wörkli s einzige wo ned so klappet het, aso semmer froh esches nome das gsi... de tz vo gg het sech super drum kömmeret!
denn hets s erste speli ge, es rotespeli wo alli hend chöne metmache... :)
ond denn hets es speli ge wo nor för eus gsi esch und zwar het jede gast öpis müese of nes post it schribe. die post it hends ane dart tafele ghenkt und mer hend müesse druf ziele. die post it womer troffe hend hend mer de gonne. zb. iladig in europapark rust, iladig för e wanderig met fleischblättli of em gipfel, i ladig för es raclett esse etc.
ond natürli hani 3 mol breicht und gg 2mol denebe gschosse. dasch natürli es reese glächter gsi (man bedenke, mer hend us abstand 3m gschosse oder so )
ja de eschs witer gange metem hauptgang. alne hets mega gschmöckt, i ha weder ned so möge esse au wens super fein gsi esch.... hauptsach alli send satt worde und es het ne gschmöckt!
nachetene esch scho donkel gsi ond de hets gheise jez gebts no en öberraschig. allli send usegloffe und mer hend müsse denne warte. secher 5minute lang hemmer gwartet und gwartet und gwartet. bes mer hend döfe cho. und denn sennd alli of de wiese gstande ond hend wondercherze ide hand gha! so schön hets usgseh und plötzli zishcts und machts und de het de tz ufemne spezielle höche gstellt 3 reesigi zockerstöck abgloh! es het wahnsenn usgseh, da hani nonie so gseh!! so schön eschs gsi dass si das extra för eus gmacht hend!!!!
d zit esch so shcnell vergange a dem tag.... i ha wärend em esse extra nor es halbs glas wii gha, welli ha welle alles so guet wis goht erlebe ohni rüschli ond ohni chopfweh!
all hend spass gha ond gredet und glachet und hends erchtig guet gha zeme. dosse hends no fakle ond es füür azönd und es esch eifach nome schön gsi met allne zrede und eifach zeme si ond e tolle obe zha...
mer hend de no es letscht speli gmacht und zwar das "ich oder du". si hend sech aber soo originelli froge usdenkt wo mega zo eus passt hend. und es esch es glächter gsi und eis gjohl!
...........

do nomol chli belder..

ah... ond eusi torte natürli no....
(esch ned sones guet bilder aber egal)

mega mega mega mega meeeeeeeeeeeeeeeeegaaaaaaaaaaaaaaaaaaaaaaaa schön elea, und eues video, EN TRAUM !!!!! eifach nur WOW ! alles gueti eu zwei und liebs grüessli

en wundervolle bricht und wunderschöni fotis! alles gueti