eve, ich hätt no eini vo wiehnachte
spass bei seite: ich glaube au dass das halt uf jede fall am schönschte usgseht wenns dunkel isch. im helle gseht me halt alli käbeli usw, denn gsehts irgendwie komisch uus, vor allem denn bi dene ohni zügs rundume! ich glaub aber ned dass ich a de hochziit de närv hätt am obe no goh en liechterchetti platziere. vo det her würdi glaub eifach die näh mit de blüete, ich find das gseht nämmli au bi tagesliecht no schön uus...

Jo do hesch rächt Sonne, glaube au ned dass ich denn no wot gross go umebastle oder so hihi , ich glaube ich tue wörkli eifach die mit de Blüete denn so rundume legge und denn passt das .

Mir hat das dritte Bild auch am Besten gefallen. Und ich muss mich FringillaVigo an schliessen, der Käfig ist wirklich hübsch!

Hoi Eve

Ich muess jetzt glich do no chli ufmische und min Senf drzuegeh und dich no chli verwirre Mir gfalle nämli die erschte zwei Bilder fascht besser, will denn au d Käbeli nid drum umme ligge. Aber wie gseit, es isch beides schön, also lo dich nid verruckt mache. Falsch isch eh nüt und am Tag sälber gits denn glaub tatsächlich no Wichtigers. Es söll jo au so verruckti Lüt geh, wo sogar ohni Card-box oder Chefig ghürote händ und au hüt no glücklich verhürotet sind

Uf jede Fall find ich die Liechtli mit de Bliete drum umme schöner als Blutt!

Und es freut mich, dass du e Florischtig gfunde hesch wo dini Wünsch cha umsetze, bi gschpannt, was füre Rose das denn isch. Ich ha a mim Struss immer no Freud wenn ich ne uf de Föteli gseh. Und hoff dass das bi dir denn au so isch.

Soo am Week-end beni ine chline Etsy-Wahn verfalle und ha mir dete e persönliche Hoodie bstellt und e spezielle Hochzyytschleiderbügel mit de Initiale und em HZ-Datum . Bi scho soooo gspannt uf alles, nimmt mi mega Wunder öbs denn au so cool usgseht wie uf de Föteli . Hät jo chöne tuusigi vo Sache bstelle, man die händ eifach soooo schöni Sache .

Mini Idee mit dene "I do"-Sticker chani weder verwärfe, ha mim GG am Wocheändi Föteli zeigt vo dene Dinger, haha er esch ultra "begeisteret" gsi und het gfunde jetzt übertrieb ichs also langsam *gg* , also keine Sticker .

Juhuuu mi Hochzyyts-Hoodie und de Chleiderbügel sind acho ! Läck ha ich Freud dra, s sind beidi Sache super cool worde findi .

Datei-Anhänge

	Kleiderbügel.jpg (70x) Mime-Type: image/jpeg, 79 kB
	Hoodie.jpg (107x) Mime-Type: image/jpeg, 58 kB