| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Eve's Hochzeitsvorbereitungen
 1 .. 7 .. 11 12 13 14 15 .. 23 .. 31
25.04.13 14:42
Eve777 

Re: Eve's Hochzeitsvorbereitungen

PS: wennd es anders Design wetisch als ich gwählt ha und dir ned sicher bisch wägem schriebe chasch mir jederzyyt au schnäll e PN mache .
25.04.13 14:43
elea 

Re: Eve's Hochzeitsvorbereitungen

mega lieb merci vellmol förs agebot!!!
english rede goth eigentli guet aber schribe? jösses goht i cha ned emol dütsch schribe
25.04.13 15:13
Eve777 

Re: Eve's Hochzeitsvorbereitungen

haha elea , aso ich bi überzügt du chöntsch es sicher au super schriebe wennd änglisch chasch schwätze, amigs eschs eifach au echli sich überwinde . Ich gange au oft z.b. uf www.leo.org go Wörter nocheluege, det findet me no viel Sache dunkts mi.
25.04.13 21:27
LucyLu  		Re: Eve's Hochzeitsvorbereitungen

Hei Eve, ich ha au meeega gueti Erfahrige mit de Stephanie Walker gmacht und ha meeega Freud a mim Hoodie, chans chum meh erwarte de entlich dörfe z'träge

26.04.13 07:53
Eve777 

Re: Eve's Hochzeitsvorbereitungen

Hei LucyLu

Jo er esch ächt super euse Hoodie , vorallem hani mega lang de immer wieder agluegt und aber immer dänkt de gseht ned so kuschlig us esch sicher chli festere Stoff und ha mi unter anderem dorom ned so chöne entscheide öbi wörkli eine söll bstelle oder ned. Aber wo ich de agleit ha, wow esch dine inne au so meeegaaa kuschlig weich ? Aso I LOVE IIIIITTTT !
26.04.13 08:22
sonne13 

Re: Eve's Hochzeitsvorbereitungen

wow eve, mega schön dä hoodie irgendwie hani bishär immer dänkt es wär schön so öppis loh mache, und de hani wieder dänkt es isch doch total unnötig und übertriebe aber unnötig und übertriebe cha ebe halt scho meega schön sii und viel freud mache jetzt hesch mi chli inspiriert! ha no welle froge wie du das gmacht hesch wäge ä,ü,ö... das hätti i mim neue name au aber ich ha d'erfahrig gmacht dass das denn zum teil ned läsbar isch bim empfänger, will die die zeiche ned könned? hesch sie gfrogt ob sie aumlaut cha oder wie hesch das gmacht? sorry dassi so blöd froge mine eiget name wär viel eifacher und chürzer

26.04.13 09:08
Eve777 

Re: Eve's Hochzeitsvorbereitungen

liebi Sonne

Hihi jo das hani ebe zerst au dänkt, ha irgendwie au gfunde gha zerst aso nei übertriebe mues ichs jetzt au ned. Aber irgendwie hets mi glich nüm losgloh, ha ebe ehrlichgseit mängisch scho e chli Müeh mit de Vorstellig dass ich mi Name eifach abgebe und ha gfunde, ich mache öpis für mich damit ich mi richtig freue ufe neu Nochname und mi demet besser cha identifiziere (ich weiss, esch wörkli chli gaga ) .

Aso ich ha ehre gschriebe gha dass es i mim Name ebe es ä/ö/ü hegi und ehre de Name no anegschriebe und sie gfrogt öb sie mi Name so chöni schriebe, wär mir ned emol i Sinn cho dass sie das andersch chönt empfange uf ehrem PC, Glück gha . Aso uf jede Fall het sie das offebar genau eso chöne läse wie ichs gschriebe ha und het mir ebe grad zrugggschriebe das sigi überhaupt keis Problem. De Name esch 1A drufgstickt ufem Hoodie, gseht ganz normal gschriebe us .
26.04.13 10:54
sonne13 

Re: Eve's Hochzeitsvorbereitungen

oh eve, du bisch e schatz, danke viel mol für dini antwort

sooo gaga find ich das also ned, irgendwie isch es scho komisch sich an e neue name z gwöhne! ich glaub je älter, umso schwieriger zumindescht bi mir... aber ich freu mich scho, schliessli änder ich de name jo freiwillig!!!

hmmm, irgenwie bruuchi no de richtig momänt zum mi "überwinde" dä hoodie jetzt doch z'bstelle, ich bi ebe süscht seeehr zrugghaltend vowäge im usland bstelle... aber jetzt hani mol alli infos woni bruuche zum loslegge!!!

26.04.13 11:17
elea 

Re: Eve's Hochzeitsvorbereitungen

uh i ha no meh froge ebe hesch das normal met kreditcharte chöne zahle oder wie? well vo dem paypal hani ke ahnig! ha das nonie brucht

26.04.13 11:37
Eve777 

Re: Eve's Hochzeitsvorbereitungen

@Sonne: esch sehr gärngscheh, chasch dirs jo in Rueh überlegge . Aso bi mir het emel alles tiptop klappt, ha sust amigs au so chli Bedänke gha wäge ebe im Usland bstelle, aber eusi Iladigschärtli hämmer au i de USA bstellt gha und au det esch es scho ohni Problem gange, bi ächt positiv überrascht gsi. Und gäll esch scho mega schräg wägem neue Name, aber ich ha au e Familiename welle wo mir beidi glich heisse, finde das halt no schön so als neui Familie nach usse e Gmeinschaft sii .

@elea: jo genau ich has über Paypal zahlt. Paypal esch eigentli nüt anders als e Dienstleistig wo du di registriersch mit dinere Kreditcharte. Soviel ich weiss söt das e sicherere Zahligswäg sii oder so. Uf jede Fall gohts rächt zackig, Konto esch i 5 Min. igrichtet und denn zahlsch eigentli det drüber per Kreditcharte. Söt schiinbar e besser abgsicherete Wäg sii zum per Kreditcharte zahle und chostet ned zuesätzlich öpis. Aso bis jetzt hani det drüber nonie bösi Überraschige erläbt .

Zuletzt bearbeitet am 26.04.13 11:39
 1 .. 7 .. 11 12 13 14 15 .. 23 .. 31
Hochzyyt   bearbeitet   richtig   Langzyytwätterprognose   bstelle   Powerpoint-Präsentation   seerose   Rosmarin-Zitronen-Salz   irgendwie   wunderschöööööööööööööööööööööööööön   Zwüscheverpflegigsböxli   Hochzyytsvorbereitige   Hochzeitsvorbereitungen   Übernachtigsmöglichkeite   überhaupt   eigentli   Schlächtwättervariante   Zuletzt   schööööööööööööööööööööööönnn   bstellt