Sooo ich mälde mich au als verhüroteti Frau zrugg .

Am Samstig hämmer eusi zivili Trauig gha und es esch eifach e wunder wunderschöne Tag worde, hät nie erwartet dass es so emotional wird . Am Samstig am Morge het mich mini chli Schwöster (glichzyytig TZ) abgholt uf die halbi 8ti und mir sind zum Coiffeur gfahre zum eus hübsch loh mache. Sie het mir öpis Zmorge für unterwägs mitgno, sust wäri glaub am 10ni scho am durestarte gsi *g*. Mir sind denn öpe bis am halbi 11i bim Coiffeur gsi mit style und schminke und denn no rasch im Bluemelade mi Brutstruss und s Asteckerli für mi GG go hole. Ich bi de ganz Morge überhaupt ned närvös gsi, wörkli ned, voll relaxt hani mi gfühlt. Eifach Znacht beni es paar mol ufgwacht aber sust eigentli alles im grüene Bereich gsi. Ha mim GG no gseit uuu wenn ich vorhär ned närvös bi denn beni allwäg denn bi de Trauiig megaaa am hypere, und jo, so eschs denn au cho . Aber nomol zruggspuele zum parat mache .

Mir sind denn wieder zu eus hei und det hani mi GG und si TZ in voller Montur gseh, wow mi GG het sooo schön usgseh esch ehm mega guet gstande sis Ooutfit ! Jöö s esch soo härzig gsi de TZ vo mim GG het mir e rieeesssee Struss brocht mit mine Lieblingsfarbe drin sooo lieb . Ich ha mi denn i 10 Minute agleid gha und denn esch es scho losgange richtig Trauigsort.

Det acho händ scho alli uf eus gwartet und händ eus strahlend empfange. S esch soooo schön gsi, alli händ sich so fest gfreut und d Stimmig esch eifach super gsi, richtig e warme härzliche Empfang, eifach toll ! Mir händ denn scho es paar Föteli gmacht vor de Trauig und denn eschs langsam Zyyt worde zum inego. D Zivilstandesbeamtin het eus begrüesst und eusi CD's entgägegno zum alles vorbereite. Denn eschs sowit gsi, mir sind zu River Flows in You alli zäme is Trauzimmer gloffe und händ Platz gno. Bis zu dem Momänt beni gar ned närvös gsi und au mi GG esch rächt ruhig gsi, mir händ eus eifach gfreut. Aber wo mir dete uf dene Stüehl abghockt sind het plötzlich mis Härz afange hämmere wie verruckt und ich ha gmerkt o-ooohhh jetzt bechumi denn grad e Hülattacke. Het mi voll chalt verwütscht und has ned chöne hebe. D Standesbeamtin esch cool gsi, het sie gseit Frau xy dänke sie eifach a Erbsli und Rüebli das beruhigt *gg*. Haha mir händ so müesse lache, ha mi denn wieder chöne fange . Denn esch d Trauig los gange, sie hets soo schön gmacht, cha zwar nüm genau säge was sie alles verzellt het aber es mega guet zu eus passt und s esch überhaupt kei trocheni Trauig gsi, ich glaube s het jedem vo eusne Gäst Tränli usedrückt, au mi Papi wo sust ned so esch het brüelt jööö so härzig .

Während de Trauig hani meegaaa zitterigi Händ gha, hihi Elea ha grad mega a dich müesse dänke . Mir händ denn beidi s Jo klar und dütlich gseit und eus mega lang umarmt und küsst und s esch eifach megaaa schön gsi . S händ alli d Trauig mega schön gfunde und sind mit ganzem Härz debii gsi . Wo d Trauig ume gsi esch simmer denn use i Vorrum und det händ eus alli gratuliert und mir händ wieder gfötelet wie gstört, d Standesbeamtin het no e Gruppefoti vo eus allne gmacht mega cool .

Denn simmer use und händ vorem Schloss no Fötelis gmacht i jenste Konstellatione (alli händ mit em Natel gfötelet und mis Mami esch ebe Fotografi und het entsprächend au mega viel Bilder gmacht, soo toll gsi). S Wätter het übrigens die ganz Zyyt ghebt, mir händ alles im Trochene chöne mache und händ gar nüt devo mitübercho dass es spöter denn no grägnet het.

Nachem Fötele simmer denn so am halbi 1 mol los richtig Restaurant gfahre. Wo mir det acho sind hets vorem Resti e riesseeee Schachtle gha wo mir anegloffe sind. Mini Eltere händ denn gseit so die müesse mir jetzt ufmache, s esch e rieeesseeeeeeeeeeeee (wörkli riese) Hochzyytsballon dringsi mit emene mega härzige Sparsäuli dra symbolisch für de Betrag wo mini Eltere eus uf d Hochzyyt schänked, het so cool usgseh . Mini Schwögerin het au no e Ballon debii gha für eus mit Just Married druffe und mini älter Schwöster het eus es mega schöns Blüemli und symolisch 20 Dollar gschänkt will mir nächst Wuche uf Amerika gönd go flittere .

Härzleche Glöckwönsch liebi Eve, wönsche euch vo Härze nome sBeste...

Danke vöu mou för dine schöni Brecht...be gpsannt uf Föteli! =)

Danke vilmol für euchi Glückwünsch . Do no paar Fötelis vo minere Frisur / Struss etc., Fötelis vo mim GG und mir schick ich dene wo möchte gärn per Pn .

Datei-Anhänge

Tasche Strauss.jpg (71x) Mime-Type: image/jpeg, 115 kB

Danke vilmol Elea mega lieb , hihi jo s esch mir wörkli mega ähnlich gange ha so müesse lache innerlich .

Freu mi jetzt mega ufe Samstig, hoffe s Wätter spielt mit und bi scho mega gspannt uf di Bricht denn und uf euse Tag, ich glaube de wird sooooo schnäll ume go, s Zivile esch mir scho inecho als wärs in Liechtgschwindigkeit duregange .