nicht registriert

Also ich liebe auch beides! Luxushotels und das Zelt!
Ich finde es soooo schööön romantisch, wenn man im Zelt schläft und es regnet. Ich liebe es wenn es auf das Zelt tröpfelt.... (ausser bei Gewitter, da sind wir auch schon ins Auto geflüchtet, weil es mega blitzte)!!!

....unser Traumtag war am 21.5.2011...

ui, da isch aber viel gange bi eu!!!!
@ Proeschu: Mir gönd 3 Täg uf Hongkong und denn uf Australie, im ganze 2 Mönet.

Jaaa, mir händ wüki es super Schnäppli gmacht und sind super happy. Du häsch scho recht Dia, normalerwis wird mer immer bestraft wenn mer z lang warted. Ich han auscho schiss ka und mim GG druck gmacht, aber jetzt hät sichs mal glohnt!

ZUm Thema Zelte/campe Hotelferie:

Also ich find eigentli alles lässig. Chunt halt uf de Ort, d Situation und au d Finanze a.

Es Ziitlilang bin ich sogar immer 2 Wuche mitem Zelt ind Summerferie. Da hämmer eifach alles ipackt, also au es Partyzelt wo de Tisch, Stüehl und Kocher usw. Platz ka händ.

Mittlerwiile gang ich aber bi 2 Wuche Ferie doch lieber ines Hotel. Han das au gern wenni, chli verwöhnt wird und am Abig immer es anders Reschti chan usbrobiere und vorallem nöd muss abwäsche

Mir gönd aber am 1. Aug immer mitem Zelt an Neueburgersee. Dadruf freu ich mich denn amix immer, isch halt me Abentür und me chan chli spare.

Ich liebe ja sowiso Ferie (klar) und ich möcht denn ebe au wegfahre. Ich mach den lieber chli eifacheri Ferie, wenns mal mitem Geld knapp isch.

Aber so isch halt jede anderscht und so söll ja au si!



Ja und mitem Camper freu ich mich jetzt au. Das sind für mich ebe kai klassischi Ferie, da mir ja 2 Mönet unterwegs sii werded. Puh, da immer ines Hotel. Ok, Backpackers, aber denn hani leiber min Camper, mit mim WC minere Duschi usw. Ja und ich stell mer das au sehr gmüetli vor, am Abig uf dene Campingplätz, zäme chöchele und schwätze, wiiteri Reis plane usw.
Mir sind ja zerscht na in Hongkong, det hämmer es Hotel, in Perth und Sydney au und denn gömmer na 1 Wuche uf Cook Islands, sorichtig Honeymoon, det lömmer eus denn au verwöhne!



Sorry, isch chli lang worde

@Kate: verwütscht!

Ich chume ebe ursprünglich nöd vo Basel sondern us Samstagern -> Züribiet

aber i ka au anderscht wenni will. Ich pass mich do denn chli a, jenachdem mit wem ich am rede bin. Nid dasi so es richtigs Baaslerdytsch anebring aber würd mal sage relativ aschtändig. kasch mer glaube, muss mir natürli scho no do und det e Spruch aloose, aber das isch in Züri nid andersch.... Bi niemed me dihaime

nicht registriert

Hey ihr zwei Hübschä, mir gahts genau glich im Fall- Bin e waschechti St.Gallerin und stolz druf- aber min Dad seit ich redi komisch sit ich z Zug wohne und da z Zug stich ich use wie en bunte Hund mit mim Dialekt- also chönts ned verstecke (wett ja au ned) und denn hani mal na 3 Jahr z Züri gwohnt und Gschaffet und au vo det schlaht amel na echli was dri.

Bin au niergends me dihei

Min Maa het amel früher wenn er in St.Galle im Ussedienst gsi isch immer dihe gseit: Also du bisch scho nüme so schlimm Freche Sack

Hand in Hand... ein Leben lang, seit dem 07.05.2011

hahahaa wenigstens öppis händ ZH und BL gmeinsam.... beidi wänd kei AG-Autonummere

@livipivi

Ha gad müesse schmunzle ab dim waschechte St. Gallerin. Be au eini Wohne aber sit über 3 Johr in Winti und schaffe in Zürich. Ha mit de Hürot no Stadt Zürich als Bürgerort übercho, Trub BE han i scho gha. Zudem han i no en Irische, Englische und natürlich de Schwyzer Pass. Aber St. Gallere tuen i immer no I glaub, dass bring i nöd wäg. Do im Büro tuends mich immer uslache

Grüssli

Zivil 31.07.2008 / Kirchlich 02.08.2008
Chelsea 26.10.2009