Janedoe... Wo isch den din Vogelchäfig?! I dem Thread... Ich würden gern gseh und ebe abkaufe/uslehne?!

Hoi zäme!

Isch mega spannend aui di tolle Biträg und Ideene z läse! :-)

Mini Hochzit isch am 23.8.14 und so langsam machimer chi sorge um d dekoratione.... :-/
Mir hei numeno dr trou-termin (idr chiuche) am morge am 10:00 becho, s heisst also früe ufsta :-)

Bluemeschmuck ir chuchi chöimer nid beiflusse wills ä schloss chiuche isch mit eigener gärtnerei. Di düe d chiuche auso immer säuber dekoriere, gseht ou immer mega schön us! nachder chirchleche trouig machemer chli fotos u d hochzitsgescht mache i dere zit ä "stadtrundfahrt" när geiz witer zum apero. D aperolocation düemer nid gross dekoriere, mir si imene park und hei eifach wissi hussene für stüeu, bänk, tische, ect. D location spricht gloub für sich. Nachchem apero (was chli wines zmittag isch) gömer ufs schiff ufe thunersee. Di mache ou ihri eigeti deko.

Itz chunts: am abe simer imne restaurant. Di hei leider gar nix à deko! Wissi tischtüecher haut normau wi im restaurant so üblech. Ibi voll fan vo däm vintage und shabby chic style! I ha scho so lollis kouft und säubschtchläbends rosa spitzeband. Mi plan wär eigentlech so teelicht glesli z mache mit däm rosa spitzeband, när irgendwelchli glesli mit wissem spitzeband wome cha d lollies dri due.

Het mir öpper tipps woni so spitzeband, teeliechtglesli und anderi gleser bechume?

När hani dänkt vilech ä löufer us jute und spitze? Was meineter? Farbe wäre also rosa, wiss und häubrun...

Namensschildli heimer keni, i ha so schöni chlini barrock bilderrähme gseh (wiss) wome cha zb tischnummere, tischnäme ect mache.

I bi gspannt uf öii meinig und ideene! :-)

Mir si ca. 55 - 60 lüt, d tische im restaurant si läng aso rächteckig. Tischform heimer ni nid festgleit.

Liebs grüessli a aui!!!

Viele Dank ou nachträglech für dä schön Bricht vo öiere Hochzyt!!
Tönt nach am ne perfekte Tag mit ganz viu Emotione!

I wünsche euch uf am witere Wäg ganz viu Glück u Liebi