Sit meh als me Jahr bin ich jetzt scho i dem Forum. Ich weiss no genau wie ich vor Ufregig nüm han chöne schlafe und ich mag mich au no guet erinnere, wie all immer no gseit händ: "Es gaht ja no sooooooo lang---" Ach ja… und GG hät ja immer über`s forumisiere glacht…
Hüt – 2 Tag vorem Zivile muess er zuegäh, dass er recht froh isch, han ich so früeh afange organisiere. Er isch mir au sehr dankbar, dass ich sozägä s`ganz Hochziit allei organisiert han. Mir häts uf all Fäll mega Spass gmacht und ich chan jetzt relativ ruhig die nächste 10 Tag gnüsse.
Vorbereitige sind abgschlossse, es isch alles baschtlet und ich muess eigentlich nur no morn dä Ruum für Gabete parat mache und am Friitig vorem Hochziit dä Saal go dekoriere.
Da ich mich au immer über Fotene freue, han ich dänkt, ich stell mal es paar Fotene vo dä Vorbereitige is Forum!
Ich wett eu allne da ine ganz herzlich Danke sägä für die tolli Ziit (das söll kein Abschied si), es isch eifach immer wieder spannend, emotional und hilfriich sich da ine mit eu usztusche!
Mega schön gmacht Layonie, ich wünsche euch ganz en schöni Hochzit ond unvergässlichi Täg. Dini Eltere freued sech sicher über dGschenk! Freu mi scho uf din bricht, liebe Gruess
Wow, das isch s richtige Wort. Finde au du häsch super Ideä ka und das megatoll umgsetzt. Euri Iladig isch ja mega! Danke au für de Iblick in euri Homepage.
Wünsch eu au e wunderschöni und unvergesslichi Hochziit und wünsche euch das ihrs in volle Züge gniesse chönd! Wow, s Wetter isch ja au wie bstellt!
Wünschä euch es ganz es tolls Zivilhochzig am Fritig
Und falls ich am 5.Mai vor luuter ufregig no dezue chum dänk ich dänn ganz fescht a dich!! Um welli Zyt händ ihr di Kirchlichi Trauig? Bi üs isch sie am zwei. Huiii, wird grad wieder ganz chribbelig wänn ich dra dänk
Do ka ich au nume sage: WOOOOW!! D Yladig isch dr Hammer und die ganzi Idee mit dere Rocktour find ich eifach genial! Du (ihr) händ toll bastlet, es passt alles super, ihr händ e tolle Fade durch die ganz HZ! Ich wünsch euch ganz e schöne Daag am zivile und e unvergässlichs Fest mit euche Fründe und Familie. Gniessets! Ich wird am 5 Mai ganz bestimmt an dich dänke, wenn ich im Flugi sitzt nach Chicago...
Wünsch dir no es paar ruhigi Stunde bis zu DIM Daag!
S`Zivile isch am 15:15 Uhr und s`Chirchliche am 13:00
Tinebine ich versueche also au a dich z`denke! Ich freu mich jetzt eifach nur no wahnsinnig! Han grad selber Freud, jetzt wo ich die Fotene all so mitenand gseh!
Dia, oh ja, du flügsch ja dänn.... Ihr werdet sicher en wunderschöne Hochziitstag in Vegas ha!!
Versueche nacher no dä Bricht vom Polterabig z`schriebe!
Anmelden
Mir häts uf all Fäll mega Spass gmacht und ich chan jetzt relativ ruhig die nächste 10 Tag gnüsse.
