So, ha dänkt i mache mau mi eiget Thread, de isch es e chli übersichtlecher.


Hüet i 9 Mönet hei mir üses Zivile, u am Samschtig i 9 Mönet hei mirs kirchleche...


Mir hei bis jtzte
zDatum: 13.03. & 15.03.2014
d Trouzüüge
dKirche u d'Pfarrerere, sowie dOrganistin
dFotografin
dr DJ
Apero u Festlocation
Floristin wüsse mir wär, si weiss aber no vo nüt
Kosmetikere u Coiffeuse weiss i wer, aber no nüt abgmacht


Bruche tüe mir no:
Deko
Kleider u Schueh
Blueme
Menu Obig


Hmm, hani was vergässe?!


Mache später no rasch dKärtli fertig u de gits de no paar Fotis...

Yeah Lula, so cool di eiget Thread! Bi gspannt hie de aube ds Neuste vo dir z'läse. D Zit vrgeit sicher u schnäu u schwupps isch scho März... u de geits de o nümm so lang bis im Ougust 2014 Bi scho gspannt ufs Föteli vo eune Chärtli!

@Teaboyana: Danke

Jep es geit nüme lang, bi mir nume no 9 Mönet u so lang isch ja aube nit vo März bis Ouguscht...
dFotis hänke ni dra, zerschte isch zCouvert, närne dKarte zu (zBand chunnt de eifach drum ume), närne Karte einisch offe (derte blibts läär) u de Karte ganz offe

@LucyLu: Ohh jöö, merci viu mau!!


I bi so froh, üse Tisch isch wieder uf Normalgrössi, dKärtli bruche nume dr Text u Bändu u de isch guet! Juhui!!!

Datei-Anhänge

	IMG_1508 (300x225).jpg (104x) Mime-Type: image/jpeg, 58 kB
	IMG_1511 (300x225).jpg (107x) Mime-Type: image/jpeg, 59 kB
	IMG_1513 (300x225).jpg (61x) Mime-Type: image/jpeg, 45 kB
	IMG_1512 (300x225).jpg (79x) Mime-Type: image/jpeg, 44 kB

Hoi anyany,

gloub mir, i bi froh, geits "nume" no 9 Mönet, ämu meistens... Mängisch wird mir bau angst u bang, dass üs de doch no Zyt drvo louft...

Ds Papier hani lah zueschnide, aso eifach höchi x breiti, gfautet u zuegschinte hei mir dr Räschte närne säuber. Ou ds Papier füre Text u dIlageblätter löh mir löh drucke. (Üse eint Nachbar het drum mau e Druckerei gha, druckt jtzt aber nume no privat)

Danke viu mau!! Ha im fau ganz lang nach am ne Puzzlestämpel gsuecht, u nit mau ir Papeterie hei si serigi im Sortiment gha, u ou nit i de Onlineshops. Ha de hie us am Forum e Tipp vom ne Onlineshop brcho mit am ne Puzzlestämpel, het aber GG nit gfalle, da si nit glich si gsi. Ir Papeterie hätti es Vermöge zahlt, wüu si ne äxträ hätti ne müesse lah mache.
U de isch vore Forumsbrut dr rettend Hiwiis cho... Ha ne de aus ganz eigete konfigurierte Stämpel bstellt, bi schön-verpackt.ch


Hoffe dKärtli chöme de im ne Monet bi üsne Gäscht ou so guet ah

Merci viu mau!

Liebe Lula

Ize hani gad di Thread entdeckt und bi ou scho gspannt uf alli News bi dir
super si dini Kärtli!!