Mi lieblings 5-jährige het d ring brocht und mir hän unseri liebeserklärige enandr gmacht. So schön het mi gg sich usdruggt, d tränli hän sich widr akündet bi mir, has eifach nur schön gfunde. Mi gg isch susch nid e maa vo grosse wort, abr das het är so perfekt gseit drnoch hets natürlig au de kuss gäh, hihi i ka mi nur no an das glücklige gfühl in mir erinnere! zum schluss vo dr trauuig sin uns no vo vrschiedenste gäst gueti wünsch uf e wäg mitgäh worde, isch sehr schön gsi wil mir hän nid gwüsst wär do öbis sage wird. Vo minere schwögerin isch bspw gseit worde das si u s e unändligi liebesgschicht wünscht und drzue hämir s buech die unendliche geschichte biko den hämir no e übraschig für unseri familie ka, as dank das si immr für uns do sin hämir de eltere je es persönligs bestickts nastiechli loh mache und de schwöstere e chettli mit em infinity symbol gschänkt. Vorallem d eltere sin mega stolz gsi u d hän sich mega gfreut ka (scho widr tränli gflosse, hihi) den isch d trauuig au scho vrbi gsi. Isch mir vorko wie 10min, drbi ischs e stund gange
Zum apero sin de alli gäst ebe an see abe in d sunset lounge und sin döt mit unsere weddingbubbles parat zu spalier gstande e paar seifiblötterli spötr han ich und mi maa es glas wiiswyy biko und hän uns e schatteplätzli gsuecht (zums nomol sage, s wättr wär traumhaft gsi ) und hän gratulatione entgege gno. De garte isch super gsi zum de apero dört ha, es het stehtischli mit sunne schirm, lounge möbel und au susch bänkli ka und natürlig de see i has e mega schöns ambiente gfunde. Dr fingerprint cupcake isch glaub au vo zimli allne gnutzt worde und mi getränkespänder mit de röhrli i unsere farbe isch au guet ah ko. De apero sälbr isch glaub voll fein gsi, i ha immrnoni wirkli möge, aber das wo i gässe ha isch guet gsi, mi maa hets änel nochär mega greut das är nid nomeh gässe het wils em so gschmeckt het i und mi schatz hän uns de untr d lüt gmischt, i ha chli mit mim kleine (1-jöhrige) neffe umeblödelet und prompt hani e babyfust is aug kriegt ha mi de ab den uf die grössere gäst konzentriert es isch ganz e fridligi stimmig gsi, was mi sehr gfreut het. Bi nid sichr gsi wie das usekunnt mit minere komplizierte familie, ha scho vor de hochzyt stress mit dr änglische vrwandschaft ka und mini eltere sin grad inere scheidig plus kunnt mis mami nid wirkli guet mit mim vatr sinere familie us.. Es isch aber alles meh as guet gange. Mis mami het sogar mit mim halbbrueder gschwätzt, wil si ebe mi neffe so härzig gfunde het, e wunder hets kei toti gäh nei ärnscht, i bi meh as dankbar isch alles so guet gange. Leider hets den nach gwitter usgseh und mir hän de schnäll entschlosse no gruppefotis zmache und halt scho friener los zgo für s paarshooting. Hän uns de vrabschiedet und sin los in dreilindenpark. So e schöne ort u d dä hani (mir sin nid-luzärner) voreme joor per zuefall gfunde und mi grad vrliebt. S paarshooting isch de e zimli schöne momänt gsi au mol zum biz entspanne. d gwitterwolke, wie sölls au widr andrsch si) sin an uns vrbi zoge ohni das mir nur ei tropfe abkriegt hän. Nachem shooting simr ind obiglocation, s montana gfahre. By the way unser gfährt isch e rote alte camaro gsi, bim zrugg fahre hämir den au no s vrdeck abeloh und sin cabrio gfahre so cool gsi!Ahko im montana bini as ersts mol in saal, mini tz&bm hän no alles fertig gmacht und d tisch sin au iideckt gsi logischerwiis i sag nur: i like *daumenhoch* mir hän ebe pro tisch e hoche kerzeständer und drum ume vrschiedeni väseli befüllt mit de gliche blueme wie mi brutstruss ka plus no d tischnummere vo i uf chalkboard gschribe ha aso naxh mim kontrollgang durch de saal (boah i bi scho brautzilla ) simer nach mim erste wc gang zäme mit mim maa, ufe uf d terasse vom hotel montana (miend mol beachclub montana google *.*) wo de welcomedrink für d obegäst scho voll im gang gsi isch. Es het natürli au no susch lüt dört ka, die hän alli ahfoh klatsche wo mir ko sin, i ha erst den widr realisiert , ah jo i ha es bruutkleid ah^^ do mit scho im ziitplan hinde dri gsi sin, het den für uns nur für ei glas moscato glängt und no paar wiiteri fotis bevors den in saal gange isch zum erste gang. Nachdäm alli ihri plätz gfunde hän het mi vatr no e red ghalte, är isch zimli nervös gsi und het sich 100mol vrtoh bim läse, isch abr glich schön gsi. Den hämir s bruutpaar de erst gang eröffnet: orrchiette mit brokkoli, tomate und crevette. Isch sooo fein gsi, aso s crevette hani mi maa gäh, aber susch mhhhmm yummy! I dr pause zum hauptgang het den dr tz es video bzw. Fotis vo unserne polteröbe zeigt ka wo är zämme gschniite het mir hän fast nüm könne vor lache, hihi, mis mami isch voll gschockt gsi z seh dasi am polterobe vo eim jo küsst worde bi! Haha! Isch guet gmacht gsi! Den het mi maa vo sine eltere es foti uech übrko vo baby bis hüte, är het das bis jetzt nid ka.

E mega dicks buech voller erinnerige, ganz schön gmacht gsi. As nägsts isch den dr hauptgang ko; lammkotlett an zitruskruste mit sauerrahm-kartoffelstampf und ratatouille gemüse, widr sooo fein, abr i ha immrno chli e flaue mage vo de vrgangene nervöse däg ka, ha kuum d hälfti möge ässe, reut mi bis hüt!
Nachem hauptgang hämir unsere gäst nomol dankt und si uf d candybar, photobooth und gästebuech ufmersam gmacht. Isch au guet gnutzt worde! Die erste sin de au go rauche, füprwärk luege usw. Unsere tisch het den mit de zwei vrbliibene kinder, ringträger und bluememeitli, ich seh öbis wo du nid sehsch gspiilt. De ganz tisch het mitgmacht, die zwei hän sooo e freud ka! I bi den au no mitene ufe in underi juniorsuite mit ussicht uf ganz luzärn uns vierwaldstättersee go chli fürwärk luege, widr e momänt zum vrschnuufe gsi :)
Wo mir widr zrugg in saal sin, isch mini schwöstr scho vorne parat gstande, si het e super fotipräsentation vo mir und mim maa zämegstellt. Es het agfange mit babyföteli, lustige paralele während de kindheit, zB mi schatz het mit 17 rastas ka und i as kleibs metli e afro, het super usgseh näbenandr, mir hän uns vrgröhlt! Drzue het si no gseit, kuum simer zämeko, het är frisuremässig probiert mit mir mitzhalte! Hahaha! Zum schluss sin de d föteli vom zivile ko, mir hätte uns doch sehr entwicklet in de letschte 10joor irgendwen spötr hani gmerkt das i de bruutstruus nonig gworfe ha, hämir grad noch gholt. Mini cousine het ne gfange, wobi i sage mues das mini beschti ihneigetli ka het und extra keie loh het. Het mi chli gnärvt, "si will ihre fründ nid untr druck setze".. Egal.. Ich und mi maa hän uns de a alli tisch mol gsetzt so das mir sichr mit allne rede, so isch glaub au no e gmietligi stimmig uf ko. Emol no ischs ich/du spiel gspielt worde, das isch au sehr lustig gsi. Vorallem bi de "wär schloft hüt schnäller ii" frog.. Natürlig ich, mim schatz si arm isch innerhalb vo sekunde dobe gsi mitem rote schueh drnoch isch den de hochzyts tanz ko, mir hän e chachacha zu everything vom michael buble tanzt, isch glaub biz ind hose, mit kleid ischs eifach nid s gliche ah und de isch natürli au no d torte ko, si het superschön usgseh, bim aschniide het mi maa zerst d hand obe ka, nochär ich
Nach dr torte hämir den mol d musik gwächslet und hän chli tanzt, die meiste hän abr ihri tanzfiess dehei gloh, hauptsächlig bin ich und mini mädels am tanze gsi. Gege die 01.00 isch den biz ufbruchstimmig ufko, isch mir ehrliggseit au rächt gsi, bi langsam zimlig mied worde. Am schluss isch no ei tisch gsi und mir häns gmietlig loh usplämperle.. Am 02.00 simer de all gange. Mi schatz het die gaaanze knöpfli ufknöpflet, isch aso viil schnäller gange as bim azieh :D den hets für mi no e übraschig gäh, mi maa het dengseit das mir am nägste morge nid hei go wärde, sonderndas mir uf colmar fahre und dört e nacht im wellness hotel vrbringe, d massagene sin scho vo minere tz&bm buecht und zahlt worde het mi sooo gfreud! Är het gmeind i ha das jetzt vrdient nach däm ganze stress wo i ka ha und däm schöne dag wo ich uns durch das ermöglicht ha mir sin den total kaputt ins bett gheit und hän no einisch zäme de dag kurz revuepassiere loh bevor natürlig ich as ersts igschlofe bi
Am nägste morge bzw scho mittag isch mi vatr und mini schwöstr no ko alles go ilade was zrugg uf basel het miesse und mi schatz und ich hön den no gmietlig uf dr terasse zmörge,et und unseri suite no biz gnutzt und uns scho mol uf wellnesse bimene blubberbad iigstimmt.
Mir si de no de camaro uf uri go zrugg bringe und drnoch gli mol richtig mini-moons los! Isch wunderschön gsi! Das ganze wucheänd isch so traumhaft gsi, perfekt für uns und es git nur wenig wo i würd andrsch mache wenni könnti
Föteli findet ihr uf em blog vo dr celine mastel, e paar hänki euch no ah, ha abr nid viil sälbr gmacht bzw biko.

Am fritig gohts den au scho los ind flittis, 2wuche seychelle i like

wow! Nala! Ihr seit ein traumhaftes Brautpaar! Und die Idee mit dem Cupcake und den Fingerabdrücken anstelle von einem Baum finde ich supercool!
Danke für deinen Bericht und die Fotos *träum* wirklich zauberhaft!

Wow so en schöne Bricht!! Gratuliere eu nomol ganz härzlich! Und d’Föteli sind mega schön worde! De Cupcake passt ja tiptop zu dier .
Und d’Überaschig mit em Wellnesse isch ja au voll härzig.. :)
Froi mich dich no zgseh morn, so churz dänn vor dine Flitterwuche .