So ich meld mi au mal wieder...
Leider gits bi mir momentan echt nöd viel zum brichte....
Es isch eigentlich scho praktisch alles ready, usserd natürli die sache womer ersch churz vorher mache chönd. wasi mal no muen isch d'süessigkeite fürs candy buffet bstelle.

hüt hani no de termin abgmacht in lenzburg ufem standesamt. mir händ ja am mittwuch nechst wuche das ehevorbereitigsgspröch in chlote, da das euse bezirk isch und am 11.7.13 hämmer denn de termin in lenzburg.
de termin hämmer denn grad mit dere dame wo eus denn au traut. sie hät mir denn gseit dass mir no kopie vode ID vode TZ's müend mitbringe, hani au no nie ghört... na ja isch ja gliech...
mir söled eus no gedanke mache ob mir en ringtusch wend mache, machemer sicher, und ob mir eus es trauueverspreche wend gä. aaahh und mir söled eus no gedanke mache, was wäred de trauig söll gseit werde....
han das denn mim gg verzellt und den seit er: es trauverspreche, hmmmm...ich finde das immer so künstlich und gstellt. han denn ihm gseit dass ich das eh nöd möchti, isch für mich nöd öpis woni vor allne möcht säge und vor allem brächti eh kein ton use. ich han ihm d'erliechterig grad agseh!!

was händ ihr gno als inhalt vode trauuig?? mir isch jetzt spontan nur in sinn cho, dass mer chönti euse werdegang (die letschte 11 jahr) es bitz veraschauliche oder so... suscht weisi echt nöd was... fänd das no schön wenn sie de weg zunenand und de gmeinsami weg chli wür ufzeige.
hät öper no en andere tip??

so, das wärs au scho wieder gsie vo minere siet... meldi mi wieder mit news...soferni wieder han...

So mini Liebä

Gester hani mini letschti (hoffentlich) bstellig gmacht im dütsche. huuuiiii, da isch wieder einiges zäme cho... han no paar sache müesse nachbstelle, soni s'erste mal zwenig bstellt han, und suscht hald no paar chlinigkeite. han no einiges fürs photobooth bstellt (unter anderem zwei ufblasbari luftgitarre) und e mega schöni brosche für an brutschtruss, womer so s'band chan durezie. denn no paar meh foticams und 10 cd mitere postgeignete hülle, damit mir die de gäst chönd gä wo au no föteled, so chönd sie eus die denn uf cd brenne und eus die cd schicke. isch denn scho frankiert und mit de adresse versehe, findi no mega praktisch.
denn hani die ganze süessigkeite bstellt fürs candy buffet, bin ja gspannt wieviel mer denn wükli bruched am schluss.... ja nu, es hät uf all fäll gnueg

ja und suscht gits leider nöd viel zbrichte...es lauft echt nm viel bi mir momentan....

wünsch eu allne no en schöne sunntig abig!

@apple: danke danke...
ich habe auch so ein set mit masken bestellt, dazu noch federboas, einen bilderrahmen, hüte, brillen, luftgitarren und vieles mehr.. wird bestimmt total lustig!!

wo häsch d süessigkeite bstellt nemo? mir händ i de nächi en lade wo so züg en gros verkauft, bi am überlegge öb mer eifach sölled det mal verbigah.

Viel Spaß beim ehevorbereitungsgespräch !

dankesschön!!!

tuen denn spöter brichte wies gsie isch.... am halbi drü gahts los
huuuuiiii, ich weiss isch voll doof, aber irgendwie bini gliech bitz ufgregt, isch ja eigentlich so bitz de erst offizielli akt vode hochziit.