liebi sanis
ha ou a euch dänkt, aber has der nümme chönne schribe...
so schön, scho nume us dene paar wenige ziile liest me use, dassders würkli super gha heit!

nicht registriert

Fritig Morgä - Styling Programm

Mir si beide sehr früäch wach gsi...knapp vor dä sächsä... u mir hei bereits im Vorfäud abgmacht gha ds we de ds so isch, de gö mir uf... umä wäuzä bringt de grad gar nix. Mi Wecker wäri ja eh am viärtu vor 7bni gangä.

u eigäntlich si mir nid närvös gsi.

I ha mi de pünktlich vo mim Fründ vrabschidät u bi los düsät. De bini de mini Kollegin vom Bahnhof ga abholä und mir hei üs ufä wäg gmacht zur Coiffeusä...

Die het de grad munter druflos tuppiert und glöcklät und gsteckt und und und....i der Zyt isch de o üsä Fotograph itrudlät u het afängs grad eis paar Biudr gschossä...

Nachäm Frisiärä isch de scho mini Visagistin dran gsi. Si isch zum Glück o grad itz Coiffeur Gschäft cho da hani nid no müässä ir Gägend umä fahrä...
Dr Fotograph isch de irgendeis zu mim ma abhösälät...und het sini Vorbereitigä no Biudlich fescht ghautä.

Fertig gstylet si mir de wiedr zu mir hei - wo mis mami (ono völlig cool) uf üs mit ärä vrpflegig gwartät het.

Mir hei de aui (Ig, z Mami und d Frouä vo dä Trouzügä) öppis gässä und fängs "z'Drunger Züg" agleit .... i üsäm fau nid nur sexy Ungerwösch.... nei o Stulpä und Termowösch isch zum Isatz cho.

Wo de dr Fotograph wieder bi üs itrudlät isch (dä arm het dr vou hetz gha) hei mir de mit vreintä Chräft agfangä mi i mis Chleid z buggsiärä.

Fertig agleit u gstylet si mir de abdüsät Richtig Interlakä!

nicht registriert

Späterer Nachmittag - Ziviltrauung

Bim Ziviler si mir de uf di awäsändä Grosseutärä gstossä. Leider isch nid müglich gsi ds aui Grosseutärä si awäsend gsi di eint und die ander Gsundheit het grad anderi PLän gha ir letschtä Wuchä.

mir hei üs nid la beirrä und diä lüt gnossä wo si da gsi.

Mir de mit dä Grosseutärä ono gfötälät und shco gli si mir im Vorrum zum Zeremonie Lokau gstangä und hei gwartät.... mini Nervosität geng no vou im grüänä Bereich.

Mis Mami isch de no unger z Chleid graaget und het mir d Thermo Hosä abzogä da ig unger au dä Stoff schier ä Hitzschlag ha gha...

D Trouig säubr isch sehr emotionau gsi. D Beamtin het die neuschtä Entwickligä beträffend grosseutärä grad la Ifliässä und mis Härzli isch de geng schwärer wordä...und vor eim Momänt ufä anger si mini Trändli nur no so abägrinnälät! Mi Brüätsch/Trouzüg und mi Ma hei mi de abwächsligswis mit Handdrückä und Nastüächli reckä abglänkt.

z Ja Wort isch wunderschön gsi! meh chani da gar nid sägä.

Ungerschribä hani auso aus hätti no niä öppis angers gmacht... ha ja schliässlich o güäbt!

Nach dr Trouig si mir de vo aunä beglückwünscht wordä und äs het no grad eis Trändli gä... dis mau nid nur bi mir!

Vorussä het die ä chlini überraschig gwartät. Üsi Trouzügä hei üs ca. 20 Ballön mit Helium gfüut gha und a jedä ä Chartä dra ghankt mit am nä Wunsch für üs druf (Liäbi, Glück, Gsundheit usw.) äs het schöni Wünsch drufä gha, einzig artägi und luschtägi.

Di Ballön hei mir de la stigä und si uf zum Restaurant zum ässä.

Zuletzt bearbeitet am 26.02.13 21:23

nicht registriert

Später Abend - Party

Nachdäm ds mir Hurti ir nächi vor Disco mir dr Limo hei ghautät und dr Fotograph hei la paar Biudr machä si mir de no eis hurti 7-9 Minutä ganä cher machä... ds si di wou ungedudigschtä und närvösischtä Minutä i miim Läbä gsi... mi hättis de öppä vrschrissä bis mir ändlich ändlich i der Disco si a cho!

Mir si mit dr Stretch zuchägfahrä und hei gwartät ds üs öpr d Tür uftüät....
äs isch ä Spaliär gstangä wo so schnäu nid z überbiätä isch!

ä 30-50 Metr längä rotä Teppich
120 Lüt uf zwöi sitä vrteil u jedäs het äs brönnänds Wundercherzli ir Hang gha

ä hammer! ä wucht! ä troum!
u mis Make up isch g rad wiedr uf d feschtigkeit teschtät wordä.... het abr o diä Bewährigsprob bestängä!

Mi hei de vrsuächt müglichscht gnüsslich drdür z schländärä u trotzdäm hei mir hönnä viu Lüt när ersch dinnä gseh wüu mir sä überluägt hei.

Dinnä ir Disco het sich de grad ä Schlangä mir gratulantä Biudät und aui hei üs Glück, Liäbi und Gsundheit im überfluss gwüsnscht.

Nach dr Entgägänahm vo dä Gratulationä isch du de di Party mit üsäm Hochzytstanz eröfnnät wordä. Äs hei aui tanzät und gfeschtät, gsungä und trunkä und einfach ä super geilä Abä gha.

Uf dr Galerie vor Disco hei mir ä Fotobooth la steuä wo me aus rege isch gnutzt wordä wo sicher ono eis lässägi biudr entstangä si.

am Morgä churz nach dä füfi (Wäg vor Disco hei... mit äm Outo ca. 6 Mint) si mir de müäd aber ungloublich zfridä und erfüut ids Bett...

ä Tag wi im Märli!
So viu so liäbi Mönschä wo üs so nach si hei ds mit üs dörfä teilä und ds machts zu üsär persönlächä Trouhochzyt!