So ier Liebe

Mit gwaltiger Verspätig chund nu dr Bricht vo üsem grosse Tag! Sind nachem Hochziit grad id Flitterwuche und sitem Sunntig hets mich is Bett grüehrt!

Am DunnstigAbig und im verlauf vom Fritig send üsi Gäst vo Italie agreist! Mi GG het sie düre Tag chli "beschäftigt" und ich bi unterdesse mini Eltere gu abhole! Leidr isch dä Tag chli stressig gsi, da mr nu Blueme für mini Frisur hend müsse gu hole und Decko is Abiglokal bringe! Ei Vorteil hets gha, mier hend dr ganz Tag kei Ziit gha nervös zwerde. Am Abig simmer de nu gmüetlich mite Italiener gu esse und hend dr Abig mit emene Glas Martini la usklinge.
Am 11i hend sich mi Schatz und ich üs zrugzogge und hend nuchli gredet im Bett und de isch au mit eim Schlag dNervosität da gsi. Ich ha de au zerst chli Müeh gha izschlafe, mi GG gar nid. Am halbi 6i bini de verwachet, wo mi Wecker glüte het, schnell nu chli kuschelet mit mim GG und de bini ab under Duschi! Hallo Nervosität. Hami eifach mega uf üse Tag gfreut, endlich ischer da!!
Am 7.15 isch mich mi Trauzüge(Brüeder gu hole), de simmer uf Stansstad zum Coiffeur, zerst mini gschminkt worde, und drnah het sie mier en wunderschöni Frisur zauberet! Ha mich eifach super gfühlt, bi au nümme gross nervös gsi! Am 9.15 hani zahlt und mer hend üs ufe Weg zu üs hei gmacht

Mi GG isch natürli unterdesse Zu sim Mami gange, er het sich de dert parat gmacht, mit Hilf vo allne Italienische Gäst!
Mi Brüeder het mer de is Chleid ghulfe, er het sich riesig Müeh gäh, vorallem mit minere Schnüerig hinde, er het wellä dasses PERFEKT usgseht! Hend dur das au es bitz länger bruucht, aber sind nu super im Ziitplan gsi! Unterdesse isch au Trauzügin bi minere SchwiMu acho! Mi Brüeder het sich de au nu hübsch gmacht, eifach super, ha so Freud gha!
Mi GG und Trauzügin hent sich de ufe Weg zu üs ubere gmacht(mer und SchwiMu wohnet nebenand)! Ich bi de mim GG entgegegluffe und mer hend üs vorem Huus zerst mal gseh, natürli sind bi mer de grad Träne gluffe, er het mich de ganz lieb in Arm gnu und mer gseid dass ich mega schön usgsäch! Ich glaube, er het au chli füechti Auge gha
De hemer alles is Auto biege und sind a Treffpunkt wo mer mitem Fotograf abgmacht hend! Hend de chli meh als e Stund gfötelet, nur GG und ich und au mit üsne Trauzüge! Isch super gsi, mr hends immer mega lustig gha!
Scho gli isches de Ziit worde, dass mr üs ufe Weg id Chile möchet! Uii, wo ich mi Papi vorde Chile gseh ha warte, sind mini Bei ganz weich worde und ha müsse luege dass nid scho wiedr Träne kulleret! Scho het üs dr Pfarrer sZeiche gäh zum loslaufe, wow isch mr dä Chilegang lang vorcho! Ich ha so Freud gha, bi stolz gsi, dass ich das mit mim Papi ha dörfe mache, bis mr bi mim GG vorne acho send, send Träne gflosse! Mi Papi het mich de "ubergäh" und GG het mich de ganz härzig empfange, es Küssli gäh(dr Pfarrer het das gseid).



Mier hend e wunderschöne 2.7.2011 gha

Liebi Schlumpf

Jöh, so herzig, ganz vill Tränli - aber Ihr händ offebar en sehr schöne Tag gha!

Herzliche Glückwunsch und danke für Din herzige Bricht!

LG,

Tiffany-Girl

Wir beginnen unsere schönste Reise am 16. / 17. September 2011

@Tiffany-Girl und Dia: danke üch vielmal, isch mega lieb!! Leidr hemer nu kei Föteli ubercho, da mier nu ide flittis gsi send! E Kollegin schickt mier die Wuche aber Föteli zue wo sie gmacht het, de stelli natürli es paar ine!

Mier hend e wunderschöne 2.7.2011 gha

Hallo Schlumpf

Alles liebe und Gute für die gemeinsame Zukunft.
Wow, das war ein toller bericht und wie schön muss der Tag im originalen gewesen sein. Hoffe dir geht es wieder besser. Ansonsten noch gute Besserung

*Für immer* 18.08.2011 und 20.8.2011

nicht registriert

Hey Schlumpf tönt nacheme superschöne Tag! Gratuliere Eu vo härze und freue mich jetzt scho uf Föteli!!!



Verlobt 6.10.2010 Zivil 9.7.2011 Kirchlich 16.7.2011