Jö liebs,
Merci viel viel mol... Hihi d farb.. Und dr brutstruss muesch den. Aluege.

Jä mir gniesses jetzt und warte sehnlichschts uf d föteli...

Liebs griessli

wow, toll hett das usgseh :) herzlichi Gratulation!

ihr hend letscht wucheend ghürate? bi eus hetts de ganzi tag abela wie us chüble am samschtig...

@rebee: jo am donnstig zvil und am Samstig "zeremoniell". Wo ig dr wetter bricht glese ha ha ig au denkt es schifft dr ganz dag, dr einzig hoffnigsschimmer isch gsi, dass vom welsche her schön chunnt und genau so ischs gsi... Ab em 12 i hets nüm gregnet und sogar d Sunne isch no füre cho gege obe... Oh duet mir leid hets euchi Region nid so guet breicht, hoff aber hesch din Dag glich gnosse... Wünsch euch natürlich au alles gueti für d Zuekunft.

@ eve: jö merci, hei echt glück gha... Und jetzt gsehsch au, mit eusem Kleid chasch super tanze.. Ha zerst bedenke gha.. Aber isch super gsi. Föteli folge hoffentlich gli.....

Ziviltrauung 27. Juni 2013

Dr Dag het gaanz normal agfange, mir hei chli usgschlofe und si denn zu mine Eltere goh dr Garte parad mache, leider isch s Wetter nid sehr guet gsi und mir hei scho am Mittwuch s Zelt ufbaut für euses Gartefestli. Am 2i bi ig zum Coiffeur und mi Schatz isch no bitz am ummestresse gsi, dass er au Zobe rechtzitig parad isch ( er het doch tatsächlich denn no es wisses Hemli gchauft für d Trauuig zobe) Mi Schwöschter het mi begleitet und isch während em Frisiere für mi no e wisse Blazer goh chaufe wills so chiel gsi sich. Churz bevor ig fertig gsi bi isch sie zrugg gsi und het ganz herzig mir es Eve mitbroch und das in Zinnbecher vo mim Grossmutti wo gstorbe sich gfüllt, will mir as Chinder immer us dene trunke hei.. Das sich scho dr erst Tränemoment gsi vo vielne a dem Dag.

Nach em Coiffeur si mir no gmeitlich paar bsorgige goh mache und denn hei. Dört ha mi Gschminkt und mis Mami und mi Schwöschter hei mir mis Kleid aglegt. Do mi Schatz sich immer es Kleid wie im Guns’n Roses Clip gwünscht het (also vorne kurz, hinde lang) ha ig mir so eis gchauft. So gschminkt und aglegt ha ig mi zum erste mol chli wie e Brut gfühlt, aber komischerwies bi ig noni nervös gsi.. vor de Foifi bi ig vo minere Fründin und ihrem Maa abgohlt worde mit em Ferrari, zum Glück hets ghört mit regne.und mir si zum Standesamt gfahre. Dört het mi Schatz scho gwartet und isch ganz überweltigt gsi.. und ig ha wieder miesse afo brielle wo en gseh ha.. denn si mir zämme is Standesamt mit eusne Eltere mine Schwöschtere und Partner, und euse Beste Fründe. Und will minere Schwöster ihri Schwiegreltere au scho dört gsi si, hei mir si au mit ihne gnoh..

Denn isch d Trauuig los gange, euse Standesbeamte het d Trauig soo wunderschön gmacht und es paar mol hei mir miesse schmunzle.. So persönlich und speziell ischs gsi. Bim unterschriebe hei mi alli druf higwiese, dass ig joo mit em neue Name due, natürlich het dementsprechend d Unterschirft usgseh, zum Schluss het no mini Fründin wo Tätschmeisterin gsi isch eus e Hochzytskerze gschenkt und es Gedicht vorglese. Nach dr Trauug si mir d Stäge abe glofe und denn ha ig scho gseh, dass dr Sohn vo eusne guete Fründe(Tätschis) as Chemifäger dusse mit sim chline Cousin stoht und denn hets mi erst recht gnoh und d Tränli si gflosse… Ig muess drzue säge, dr Sohn vo eusne Fründe isch scho 17 und im Witz hei mir immer gseit er miess dr Chemifeger mache und wo ehn gseh ha….. Dusse isch denn euse Club und d Fasnachtszunft Spalier gstande und gaaaaanz viel Fründe, Bekannti, Arbetskollege und Passante… isch sehr speziell gsi. Nachdem mir allne gratuliert hei si mir wegem schlechte Wetter i Stadthuuscheller und hei e Apero gnoh wo mini ehemaligei Arbetskollegin vorbereitet het (mir hei zämmä uf dr Stadtverwaltig gschaft dört wo mir d Trauuig gha hei)

Aschliessend si mir mit chli verspötig hei und hei euses Gartefestli mit 40 Persone gfiert.. Dr Trauzüg vo mim Schatz het denn e Kiste Wyi uspackt und alli Gäscht hei es Kärtli miesse mit Wünsch usfülle und in 10 Johr dörfe mir die Kiste ufmache und miesse alli zumene Brunch ilade.. Chas jo chum erwarte  Mi Schwöschter (Trauzügin) het au es Spieli vorbereitet, wo schinbar in Bosnie bruch sich. Ha miesse 10 Öpfel über es Bild vo eusem Gschäft (eigentlich übers eigene Huus aber will mir jo bi de Eltere si gsi hei si eifach es Bild vo eusere Autowerkstatt gnoh) wenn ig 5 i Korb breicht ha, het mi mi Schatz miesse hei neh süscht het ig bi mine Eltere miesse bliebe. Dr Papi und mi Maa hei denn no miesse um mi Botcha spiele will mir das as Kinder immer gmacht hei.. Zum Abschluss vo dem wunderschöne Obe hei mir no Himmelslaterne loh stiege loh wo mini Kollegin bsorgt het. Natürlich si mir denn alli recht guet zwäg hei……

Sorry für de usfiehrlich Bricht.. Und de vom Fest folgt au no….

Zuletzt bearbeitet am 15.07.13 13:41