Liebi Brütlis,

Ich läsä scho lang mit, und hürate diä Wuche Zivil und nächscht Chirchlich.
Ez möcht ich oi churz vo mim Polterabig am Samstig verzelle:

Als Ihladig hanich es "altmodisches" Fotialbum und e Wägwärfkamera übercho.
Mir händ ois den am Samstig am Bahnhof troffe, det hani en Schlüssel fürs Schlüüsfach becho, drin gha häts e Charte, e Zugahgab und chli Gäld! S'hät gheisse, ich törfi bis exakt am nüni am Abig mini Wägwärfkamera bruche...
D'Reis hät ois ines Bowllingcenter gfüärt, wasmer det macht wüssed ja alli
Bim warte bismer dra isch, hät jedi törfe e Siite i mim Album gschtalte und de rescht füllich den no mit Föteli. Natürli han ich nöd gwunne und trotzdem en Pokal becho wo natürli s'nächschte Ziel drufgstande isch. Dä wäg hät ois uf Züri is Hiltl go znachtässä gfüärt, aber bevor mer gässä händ hani no müäsä Wüssä bis wänn mer Ziit händ, und schowider en gegestand für mini Handtäsche (het glaubs gschiider e grösseri mitgno) Bis am 20:15 hämmer törfä ässä!
Den häts gheisse, Kamera use und vors Reschti ga. Det hät e PinkLimo gwartet alsoeigentli isches en Steck-Hummer xi... Isch no triki, det ine Champagner trinke, Föteli mache unds luschtig ha... aber mir händ es gaudi gha... Diä hät ois ines Fotostudio gfahre, det hämmer törfe professionelli Fotos mache, Gruppe-, Einzel-, und Paarföteli. Natürlich hanich uf fascht allne müäsä drufsii und han au dementsprächend Muskelkater gha am Suntig
Alles i allem isches en glungne und witzige Abig xi...

Sodeli, am Friitig hüratich den zivil und wird oi wider prichte...

Oh jöö, dass tönt ja nach am ne mega härzige Polteri!!

Wünsche Dir am Fritig es wunderschöns Zivils Hochzyt

Guete Morge mitänand,

Sitem Friitig ghör ich au offiziell zu de verhüratete Brütlis

Am halbi 12i hämer oisi Zivili Trauig gha, si isch churz xi und s'wichtigschte isch xeit worde
Denn simmer zu ois hei go Apero nä (womer am Dunschtig abig alles vorbereitet händ)
so chli go bödele, den ahschlüssend hämmer e Füärig i de Bierbrauerei bi ois gmacht, natürli mitere Degustation.
Ahschlüssend simmer uf Züri ines Chochstudio, go oise Znacht choche. Es isch en mega schöne und lässige Tag xi, aber nonig fertig, obwohl mer all zimli müäd is Bett gheit sind.
Am Samstig häts den uf di 10ni bi mim Mami Katerbrunch gä , spöter simmer no chli an Züri Obersee go griliere, Voleyball Spile und d'Sunne gnüüüse. Am früäne Abig sind den mini Schigereltere wider hei und ich scho wider zimli kaputt is Bett gheit.

Ez froimi ufs Chirchliche wo am Samstig isch und warte sehnlichscht ufd Föteli vom Zivile.

Hoi Snow_Floks

Härzlechi Gratulation zu öichem Hochzyt!!


Wünsche Dir e schöni Wuche aus verhüroteti Frou u am Samschtig e wunderschöne Tag

Jööö Snow_Floks so schöni Föteli , merci vilmol fürs teile !

snoow flocks vo mir au no alles liebii :) d fötelis send voll herzig danke fürs zeige :D