Jöh Malinchen, das gseht ja soooo toll us! I würd mi as Gascht ja so freue.
Wow, ds Chleid-Shopping rückt dämfau scho i grifbari Nechi! I bi sehr gspannt. Mit Musig für Apéro und Abe müesse mir üs de o no befasse, aber i lamer da no chli Zit. Wo/wie lueget dir so? Wüsst dir scho gnau, was für Musig dir de weit oder heiter Connections?
@Taeboyana: Merci viu mau! Für bim Apéro hei mir d Chilli Poppers im Oug, die hei scho mau amnä Dorffest gspielt wo mir se gseh hei. Jetz göh mir se de no mau ga luege u när frage mir mal fürne Offerte a wenn's üs no zueseit. Für am Abe ischs äbä chli schwirig. Mir si mega Musig-Freaks und hei scho ä riesä längi Liste mit Lieder zämägstellt wo dr DJ de mues spielä und fasch e glich längi No-Go-Liste. Drum wärs eigetlech fasch besser, we mir öper würde finge wo sich mit Musig uskennt und sone Alag cha bediene, ohni sich säuber gross wöuä z verwürklechä... De chönntä mir däm eifach ä Festplatte mit de Lieder gäh u fertig. GG het ou vorgschlage eifach ä Playlist zämäzstellä. Aber 1. gsehni's cho, dass er när die ganz zyt geit ga dranne umespielä oder 2. no schlimmer ä Gast geit ga dranne umespielä u 3. cha me haut viu weniger spontan ufd Stimmig vo de Gäst igah.
wow die Confi gseh SUPER us....! da bechumi gad gluscht uf zmörgele de Stoff für obedruffe findi mega schön....
ha gad müesse schmunzle megde playlist wott angscht hesch di GG würdi go spile - bi mir weri das genau ds gliche er würdi ner mit kollege rede und säge AH DAS LIED und de würders go füresueche und umedrücke
So, nach eeeeeeeweigkeite mal es Update zu üsem Fest:
Mir hei jetz scho einiges planet und wieder umgänderet und wieder planet, aber i dänke langsam chunnts guet.
Mir hei mega Schwierigkeite gha ä Band z finde, wöu die wo mir gärn hätte wöue leider genau denn scho si usbuechet gsi. Dr einzig Tag wo sie scho fix hei gha... *grml* aber mir hei üs jetz füre skinny jim us Bern entschiede, wär öppe die z Bern isch kennt ihn bestimmt. Das isch d Homepage: http://www.skinnyjimtennessee.wg.vu/ Es passt halt würklech perfekt zu üsem Motto. Leider si mir ziemlech überem Budget und hei drfür bim Apéro chli ä eifacheri Variante gwählt.
Mir hätte zersch wöue ä Crépestand am Apéro ha, aber das wär när inkl. Getränk uf über 40.-/Person cho und das isch halt doch sehr viel. Drum hei mir üs jetz fürnes 0815-Apéro vo Begert Catering entschiede. Es git:
TOMATEN – MOZZARELLA – SPIESSLI MIT BASILIKUM-DIP KNACKIGE GEMÜSESTENGELI MIT DREIERLEI DIPS AMUSE-BOUCHES (LACHS, CREVETTEN, RINDSTATAR, SPARGEL, THON, POULET, EI, SELLERIE) KÖSTLICHE KÄSEPLATTE MIT EINHEIMISCHEN UND AUSLÄNDISCHEN KÄSESPEZIALITÄTEN BEINSCHINKEN, AUFSCHNITT, FLEISCHKÄSE, SALAMI, MOSTBRÖCKLI, LANDRAUCHSCHINKEN, BÜNDNERFLEISCH, TRUTENBRUST, REICHHALTIG GARNIERT KALTER BRATEN UND ROASTBEEF MIT TARTARSAUCE TERRINE UND PASTETE MIT SAUCE CUMBERLAND MINI-SCHINKENGIPFELI GEFÜLLTES BLÄTTERTEIGGEBÄCK “GLUSCHTIGER BROTKORB” (DIV. KLEINE TISCHBRÖTCHEN UND BUTTERZOPF)
Was jetz no fählt si d Ringe, am 5.4. hei mir ä Termin ir Trauling Lounge. I hoffe mir finde öpis... Es isch dr erst Punkt bim Hochzyt wo mir würklech total unterschiedlechi Vorstellige hei. Mir wärs egal wenns nid dr glich Ring isch, mir isch wichtiger, dass er beidne gfallt. Aber GG möchti scho, dass es zämä passt. I ha jetz chli Angst, dass er de eifach nahgit und zu eim ja seit wo ihm eigetlech gar nid mega gfallt, nur für dass er dr glich het wie ig. Aber mal luege.
Dä Samstig hani ä Basteltag mit mine Mädels, i hoffe, dass mir müglechscht wyt chöme dass d Deko när scho fasch fertig isch - mal luege. Hänke mal es Bild a vo de Blueme wo mir wärde mache fürd Terrasse bim Resti.
Am 7.4. hani dr Termin fürd Probefrisur bi minere Coiffeuse, bi meeeega gspannt und hoffe, dass mini Wunschfrisur a mir de ou guet usgseht.
Am Sunntig louft ou no üsi Amäldefrist ab, bi de gspannt ob sich alli amälde bis denn. Mir hei scho relativ viel Amäldige becho, aber mir wei de am Weekend gad alles zämä itrage, ha drum no kei Übersicht wie viel dass no fähle...
Dr Countdown zeigt no 5 Täg a und üse Tag rückt i grosse Schritte nöcher... Hüt hani mis wunderschöne Chleid chönne ga abhole, i ha soooo angscht gha dases villecht nümme passt und ig mega ha zuegnoh (obowhl i rein rational ja gwüsst ha dases nid so isch, haha)... Es het de när ou wie agosse passt und mi Brüetsch hets mit zu sich gnoh, dass ig mi de am Samstig det cha ga umzieh.
I ha fang es paar Sache no bastlet für Deko woni jetz hie mal cha zeige.
- D Platzschilder hani nid bastlet, nur sälber kouft. Eigetlech hätte mir wöue nur ä Plan mache wär a welem Tisch sitzt. Aber ir Location het sich usegstellt, dases vor Ruumufteilig am beste isch, wenn mir eifach 2 längi Tische mache und eine für GG, üsi Eltere und mi. Darum hei mir jetz glich no Platzschilder brucht und mini Besti het die per zuefall gseh... Das isch somit schnäll erledigt gsi.
- Ds Chilleheft isch fang e erste Entwurf. I bi mit de Farbe no nid ganz zfriede, ev. machi det no öpis anders. Morn wirds druckt und de probieri no mal paar Variante us woni när cha näbenand lege.
- Mir hei 4 Wägwiiser gmacht da üsi Kapelle chli ab vom Schuss isch... Da chöme de no rosa, grüeni und blaui Ballön dra.
- Ds Chörbli füre Göttibueb vom GG, er wott de Sugus verteile.
I fröie mi scho jetz riesig uf dä Tag!!! Hoffe das i de alles so cha umsetze wie igs mir vorstelle wenn mir vor Ort si und alles vorbereite.
BH usstopfe mit Nastüechli isch demfall gmeint :) haha so luschtig.. ich hans jedoch au nöd gad tschäggt, erst wods erklärt häsch.. aber de Text isch mega cool, vilicht chlaui de denn inere apasste Form für üses Hochziit :)
Anmelden
uuuh schön! Euri Gäscht werdet begeisteret siii
Für bim Apéro hei mir d Chilli Poppers im Oug, die hei scho mau amnä Dorffest gspielt wo mir se gseh hei. Jetz göh mir se de no mau ga luege u när frage mir mal fürne Offerte a wenn's üs no zueseit. 
De chönntä mir däm eifach ä Festplatte mit de Lieder gäh u fertig. GG het ou vorgschlage eifach ä Playlist zämäzstellä. Aber 1. gsehni's cho, dass er när die ganz zyt geit ga dranne umespielä oder 2. no schlimmer ä Gast geit ga dranne umespielä u 3. cha me haut viu weniger spontan ufd Stimmig vo de Gäst igah. 
de Stoff für obedruffe
Aber mal luege.
Hüt hani mis wunderschöne Chleid chönne ga abhole, i ha soooo angscht gha dases villecht nümme passt und ig mega ha zuegnoh (obowhl i rein rational ja gwüsst ha dases nid so isch, haha)... Es het de när ou wie agosse passt und mi Brüetsch hets mit zu sich gnoh, dass ig mi de am Samstig det cha ga umzieh. 
Villicht duenis no apasse, GG isch ou scho nid drus cho.