Eg be nid so de begnadet Schriiber u drum versuechi mi Churz z haute.

Nach däm eg bem Coiffeur u de Kosmetikerin gsi be, bin ig be mine Öutere deheime i mis Chleid gschüpft. Mini zwöi Mädels hei bereits uf mi gwartet gha. So wou vo mine zwöi Mädels wie ou vo mine Öutere bini bestunt worde. Aui hei gstrahlet.
Denne isches los gange. Bim Schloss acho het bereits mi Schatz ungerem Torboge uf me gwartet. Är het eifach nume toll usgseh. Mir hei es paar Minute Ziit gha zum üs z bestunde. Mi Schatz het die ganz Ziit es Lächle im Gsicht gha. Ah isch das schön gsi.
Denne hets es paar Föteli gäh u scho sid Gäscht mitem Car cho u eg bi mi gi verstecke.
Nachemene Wili isch mi mi Maa cho hole u mir si zäme is Kapäueli glofe. Das isch e wunderschöne Momänt gsi. Nach de Trouig hets es feins Apero gäh, wo mer zwöi sogar hei chönne gniesse, obwou d Gruppeföteli wärend em Apero si gmacht worde.
Üsi Trou(m)züge hei de no Ballön organiseirt gha, was fürne glungnigi Überraschig.
De simer mit de Gladene gäscht i Car igschtige und zum See gfahre, wo ou scho üses Schiff gwartet het. De chüehli Wind ufem Schiff isch e richtigi woutat gsi bi däm troumhafte Wätter.
Zobe am 7ni si mer de bim Resti acho. D plätz si dank de Tischchärtli schnäu gfunde gsi und es het es wunderbars Ässe gäh. Zwüsche de gäng hei üsi Trou(m)züge chlini Spili organiseirt wome immer wieder chli öppis z lache gha het, aber doch no gnue Ziit gsi isch zum mit de Lüüt z rede. Üse Tätschmeischter het eifach wunderbar dür üse Obe gfüehrt.
Nachem Dessär het natürlech ou de Hochzitstanz nid dörfe fähle. Es isch e Bitz tanzet worde u het no es letschts Spili gäh u scho het sech üse hammer Hochzitstag am Ändi zuegneigt.

S isch eifach nume troumhaft gsi.

alles guat vo miar :-) tönt au nacheme schönä tag, abr ich glaub di eige hochzyt isch für jedes bruutpaar än schönä tag, egal wenn au öppis nöd klappet

hüt laufts jo richtig im forum mite hochzytsbricht, obs echt am wetter liit :-)

***03.06.2011***

nicht registriert

Vo mir au alles gueti Trinidattli- wend so gern Fotos gseh vo euem wunderschöne Tag

Hand in Hand... ein Leben lang, seit dem 07.05.2011

U natürlech sägeni ou no Danke für au die guete Wünsch vo öich .

Viele Dank livipivi
U sisch sogar no mega bequem gsi, hätti auso nid dänkt.

Nume schad dass mes nume einisch so würklech cha bruche.

nicht registriert

Das ist wirklich der kürzeste Bericht hier im Forum *g* Kurz und knackig und trotzdem schön...tolles Kleid ...kuhl

Herzlichen Glückwunsch

Liebe Grüsse Schnubel
«~»«»~«»Hochzeit am 03.09.2011«»~«»«~»