valey! du besch verhürotet!!!!! gratuliere der vo herze zo dinere hochzit ond wönsche der ond dim maa alles liebi ond gueti!!!
freue mii soo fescht mer der!!!!!!!

Alles alles Gueti, Valey!
Härzleche Glöckwonsch zo dinere Hochsig!
Gniess es! Ond löhnds öich iez e chli lo guet goh!

hallooo ehr liebe!!
danke vel vel mal für die liebe glückwüüünsch :)))

ha grad no chli ziit gfunde und dänkt ich brichte euch kurz vo gester :))

es isch eifach alles PERFEKT gsiiii :D :D


am morge beni mega frühe wach gsi :)) de hend min schatz und ich schön zmörgelet :))
denn geg de mittag bin ich med mim mami, minere schwöster, minere tz und minere bj zu minere coiffeuse :)) sie hed eus allne mega schöni frisure zauberet...
denn hemmer no all zeme kurz agstosse und send schnell weder hei zum eus fertig alegge und parat mache... hend dett chli de stress gha.. wel mer länger als erwartet bi de coiffeuse gha hend..
i 20min semmer denn all parat gsi...
ich und min schatz send denn mit eusem schöne auto zum standesamt gfahre... ich ha so es kurzes und freies kleid gha aber weli scho chli ufgregt gsi be hani d kälti gar ned gspürt hihi..
wo denn all eusi eltere au dett gsi send und paar verwandti semmer denn in stadtratsaal gange wo eus scho d zivilstandsbeamtin erwartet hed :)
mer send denn am tisch ghoket und vis a vis eusi trauzüge... booahh ehr chönd euch velecht ned vorstelle wie mis herz klopfed hed i dem moment!!! ha denkt mis herz springt mer grad use!¨hehe..
Wo d Zivilstandesbeamtin den agfange mit de Trauung hani mich megaaa müesse zemerisse dass mer kei träänli usechömed.. min schatz hed au müesse kämpfe.. mer hend meini ganz glänzigi auge gha.. d trauuig isch sooo schön gsi.. i ha die ganz zit mim schatz sini hand ghebed und be sooo ufgregt gsii... zum glück hämmer beidi s Ja Wort klar und dütlich usebrocht
d trauig isch würkli sooo schön gsi.. mega vell vo eusne gäst hend brüeled.. und mini schwöster hed fast nümm chönne ufhöre hed mich sooo berüehrt :))

nach de trauig semmer denn grad zum restaurant gfahre.
und mer hend sooooooooooo glück gha medem wätter
vorher heds no grägnet.. chum semmer is resti ahcho isch en schöni sunne vörecho
und mer hend de apero uf de terrasse chönne mache wie plant :)
es isch so schön gsi de beni en verhüroteti frau gsiii :)) und all eusi liebe gäst send med eus dett gsi und hend gfiiret.. und all hend mich mit em neue name agsproche und mis herz hed emmer klopfed hehehe..

s ässe isch au gaaanz gaaanz fein gsiii... alli gäst hends gnosse und all hend gueti luune gha und gseit wie toll dass sies findet mit eus do sii...
dass während em ässe grägnet hed hed mich aso überhaupt ned gstört...
has de scho chli gschad gfunde weli denkt ha wens rägnet chömmer d himmelslaterne ned stiege loh... aber siehe da!! plötzli heds ufghört rägne
und mer send all nach use gange und hend laterne loh stiege :)) es hed sooo wunderschön usgseh
und all hend mega mega freud gha :)))

es isch würkli so wie ich mer das alles vorgstellt gha han :) wunderschööön!!!

nachem fäst semmer denn hei gange
und mini tz und mini schwöster hend bi eus i de wohnig roseblätter versträut und champagner here to... und roseblüete herze ufs bett gmacht
und erdbeeri und paar herzballönli :)) es isch so schön gsi...

be de am schluss soooooo müed gsi vom ganze tag.. und be so voll vom feine ässe gsi
aber überglücklich :))

jetz freumi scho uf eusi mini ferie in Irland... :))

weni de zrugg be hani de au d fötelis vo gester und zeig euch es paar :))))


lieeeebs grüessliii

valey

jö valey, härzliche glückwunsch und danke für de wunderbari bricht!!! das tönt nocheme richtige traumtag! ich ha sooo a dech dänkt und freu mi wahnsinnig för dech!!! gniessed euchi mini-moons! ech freu mi scho sehr uf bildli alles liebi und bis bald!!!