Hallo liebi Mitbrütlis, Baldbrütlis und Exbrütlis

ich ha denkt ich eröffnen mal es "eigets Thema". Da ich selber so gern mit Euch allne mitfiebere und gern oi Bricht tue lese und natürlich sehr gern tue Fötelis ahluege, findi söti au mal na öpis zrug gäh.

Zwar gahts bi ois na guet 311 Täg, aber die erste 300 sind scho soooo schnell verbi gange. Sind nämlich sitem Februar 2011 verlobt. Nächst Jahr, nach oisem 10 jährige Jubiläum werdet mir de nächsti Schritt mache. Ich bzw. mir freuet ois scho sehr und gnüsset Vorbereitigsziit i volle Züge.

Es freut mich wenn die eint oder ander mini Vorbereitigsziit nachli tuet Mitverfolge
Ich find das Forum nämlich ä super Sach und ha scho selber dörfe mit dene vielne hilfriche Tipps vo Brütlis gueti Erfahre mache. Wie au die vielne Inputs und Idee, eifach super.

ES DANKE A ALLI!


Die grosse Sache hämer scho buechet:
- Location für Trauig / Apero / Fest --> Restaurant am Züri-See, alles am gliche Ort
- Band für Trauig und Apero
- DJ für de Abig
- Freii Rednerin
- Fotograph
- Schiff (1h Schifffahrt als Überraschig)
- Cupcake-Turte

Mir händ keis Thema aber es Farbkonzept --> Grüen / Wiess (bzw. Ivory). Mir werdet viel selber bastle / mache, dadäzue gits den mal na meh Föteli sobald ich die uf de PC glade han.

Das sind ois StD wo mer bereits persönlich verteilt händ (ca. 55 Gäst)



Sodeli, ich wünsch Oich allne ä gueti Nacht.

Zuletzt bearbeitet am 29.08.12 22:47

nicht registriert

Hallo LucyLu

Find i guet das e eigene threat gmacht häsch. da han i mir au scho überlait eine zmache.

Han dini Kärtli scho mal gseh. Sind echt schön, super glunge.

Liebs Grüessli
Daninici

nicht registriert

Guete morge LucyLu

Bi scho gspannt. Hoff du zeigsch en üs denn

Danke Kate82! D'Ihladige händ au die Ornament sowie Namenstäfeli a de Gastgschänkli sowie Tischnummere evtl. au na

Daninici10: sobaldi fertig sind zeigis eui gern.

nicht registriert

Guete morge LucyLu

Sind ja sehr schön worde So eine het sicher niemer. Mega

Danke euch fürs Kompliment

Sanis, ja mir händ StD scho allne abgäh, händs persönlich verteilt. D'Reaktione sind verschiede gsi, viel kennet das gar nöd so mit de StD.