meega schöns Oberteil...
Und wemer sonen schöne Hals hät, denn mues mer sicher nöd no unbedingt e fetti chetti dra hänke, dass mer au jo nüd me devo gseht

Der Schmuck gefällt mir sehr und auch das Oberteil!

Jetzt chan au ich oi vo mim Poltertag verzehle:

Wie ihr ja wüsset han ich min Poltertag wellä im Europapark verbringe, drum han ich das au so planet, aber jetzt vo vorne :
Am 5:05 isch de Wecker cho, ha gar nöd guet gschlafe will ich so nervös gsi bin. Aber egal, ich bin Top Fit gsi und bin soooo gspanne gsi was uf mich zuechunnt. Uf die 6 bini rasch zwei Kolleginnen go abole und so geg die 6:30 sind dem all mini Mädels (7) ihtroffe. Und denn hani grad mal mis Outfit becho; en Haarreifeschleier und ä Schärpe (Bride to be). Denn hämer ois ufteilt und sind richtig EP gfahre. Für jedi hani na es chlises Frässpäckli gmacht zum d'fahrt verchürze, isch Super ahcho.

Churz vor de 9 simer bim Camp Resort ahcho und nachdem mer ihchecket händ simer grad looooos in Park. Naja, bin mer scho ächli doof vorcho mit dem Schleier, d'Lüt händ all so blöd glueget aber ha mich zum Glück schnell dra gwöhnt.... Im Shuttle Bus hämer den ä chlini Vorstelligsrundi gmacht da mini Ladies sich nöd all kenned.

Im Park ahcho hät mir mini TZ grad mal mini Tagesufgab erchlärt: sie hät es Album bastlet. Jedes Land vom EP isch ufgführt gsi und hät je 3 Frage zum beantworte kah bezüglich dem Land. Wenn ich alles gwüsst han isch nüd passiert und sust hani ä Strafufgab becho (Gsicht bemale lah, d'Lippe ahstriche ufere Bahn, etc.). Denn hani na müsse es Lösli zieh wo en bekannte Film oder Serie abbildet gsi isch (Kill Bill, James Bond, eine schrecklich nette Familie etc.) und den hämer das müsse nachstelle für es Foti (Utensilien hät sie mitgno). Es isch soooo lustig gsi. Natürlich simer au ufd Bahne. Pünktlich zum Mittagessen hätt's ahgfange regne und sind is Foodloop go esse gange. Mer hät sust würkli meeeeeeeeeega glück kah mitem Wetter. Ziit isch soooo schnell verbi gange, ha leider nöd all Länder chönne bsueche und drum au nöd all Ufgabe chönne löse.

Uf die 19 simer im Western Salon go esse. Leider isch es recht luut gsi da en Sänger die ganz Ziit am singe gsi isch... Drum simer den rasch nachem esse id Hütte und den isch Pijama Party loooos gange mit viiiiel Knabberzüg, Spieli und Gsichtsmaskene, es isch sooo glatt gsi. Es Gschänkli hani au na becho, es Brettspieli und ufem Deckel obe häts gaaanz viel Föteli kah vo mir mit mine Fründinne und i de Innensiete vom Deckel hät jedi ä persönlichi Notiz gschriebe (da hani es paar Tränli müsse versüsse).

Nachere churze Nacht simer denn wieder Hei gfahre hüt Morge. Es isch en Poltebrtag gsi genau wie ich mit de vorgestellt ha, eifach hammer!!! Es isch uuuuuuuu lustig gsi und nüd Peinlichs, genau für mich. Mini TZ isch eifach die best!!! Es händ sich all Super Verstande und das hät mi grad namal meeeega gfreut. D'Album tut mini TZ jetzt na mit de Föteli ergänze und den chumi das als Errinnerige gschänkt über (LucyLus Hochzeitsalbum).

Sorry, isch ächli lang worde.....

Hey Lucy,

Cool, dass du s so hesch chönne gniesse ond dass dini Mädels aues so gmacht hend, wie s du der öppe vorgstöut hesch! Ond super, dass der metem Wätter ou no so Glöck gha hend.
Sone Poltertag wörd mer ou mega mega gfalle, ech wett scho lang gärn weder mou i Europapark.