LucyLu soo schön, freu mi für dich, und möcht der als 'ufem Standesamt verhürateti Ehefrau z'Bülach' bitz Angst abneh, ich selber bin eigentli es mega Nervösli, aber d Trauuig isch so schön gsi und alles drum und drah so locker und emotional dass der gar kei Gedanke muesch mache.. würkli nöd chunt alles guet!

das freut mich sehr z ghöre emma, ich gang ja au uf bülach :-)
ah so toll, da freut mer sich grad no meh :-)

Emma, danke für dini miteilig, das tönt würkli Super und ich bin sooo gspanne... Häsch mi grad ächli beruhgt. Freui mi ih 3Täg bini verhüratet, WOW!!!

Himbeer sooo cool! Wenn möchtet ihr denn Zivil Hürate?

Übermorn isch es sowiet am 15:45! Die nacht bini s'erst mal wach glege vor Nervosität. Gester Abig hani na mitem Papi abgmacht wenn er mich chunnt go hole etc. Er fahrt mich ebä mit sim Oldtimer, freui mi riiiiesig, dävo Troim ich scho Sit ich es chlises Meitli bin. Denn hämer na de Ihzug fürd Trauuig probt, und ich ha ihm na s'Lied zeiget zu wellem mir innelaufet und er hätt uuh Freud kah will er das Lied sooo schön find. Sini Fründin hät det scho fast ahfah hüle

Mis Chleid hani au na gholt, PERFEKT sitzt, bin Mega happy. De Schmuck passt und es isch eifach en Traum. Freui mi seeeeehr das ih 10 Täg endlich dörfe de ganz Tag ahzieh....und ich bin ja so ufd Reaktion vo m. Schatz gspannt so wie uf all andere au.

Ahja, mir werdet nun definitiv es Eheversprechen, nach Möglichkeit selber ufsäge muss nachli üebe.

es wird alles klappe und wunderschön sii! nur no 2 täg!

@ apple-pie: ja mein Papi ist in dieser Hinsicht echt meeega süss! Danke ich bin auch total zufrieden! Ich hoffe nur dass ich das mit dem Eheversprechen dann auch hinbringe aber für das habe ich noch 10d Zeit zum üben.

@ Angita: Danke Dir!

@ Nemo: jööööh merci! Ich wird den bestimmt en Bricht schriebe so bald ich däzue chume... Und Föteli tue ich natürlich gern au zeige.

Übringends händ mir ja gaaar nüd dörfe organisiere für am Frietig, also weder de Apero no s'Esse no Deko, rein gar nix. Wird also uf de ganze Linie ä Überraschig und ich freuiii mich sooo druf obwohl ich eigentlich voll de Kontrollfreak bin han ich mit dem absolut keis Problem. Bin so gspanne was oisi TZ und Familie organisiert händ