Für Nemo

Oooohhhh Lu, Du bisch di best!!! Mercie vielmal!!!!

Wie die Ziit vergaht, ha da scho lang nüm gschriebe....

Momentan simer fliessig dra en Florist z'finde, sind am Termine abmache und am Offerte bstelle. Hoffe mir findet bald öper wo nöd oises Budget sprengt


Mitti März chömer oisi Ring go Probe träge *freui*


Am 13. Mai hämer de Termin ufem Standesamt fürs Ehevorbereitungsverfahre. Und mit de Rednerin simer au grad en Termin für im April/Mai dra am sueche für es Vorbereitigsgspröch.

Has Gfühl bin momentan nur am Termine sueche und am abmache fürs HZ: Fotograf, Konditorin und natürlich mit de Location wegem Menü. Heieiei.... Naja, so wird's eim nöd langwilig


Am WE hani mal mis Chleid bstellt fürs Zivile bi LitB. Hoffe es chunnt so guet wie die erst bstellig det. Denn wär mis Outfit fürs Zivile Komplet.

Am Samstig bini ja mis Chleid go abstecke, WOW!!! Hammer gfühl gsi wieder i MIS Chleid z'stiege. sooo schön!!!! Han mini Schueh chönne mithei näh und tues denn fliessig ihlaufe. Bruche na de Schmuck und s'Hösli für drunter, Strumpfband und denn wär mis Outfit au fürs HZ Zäme


D'Ahmeldige sind all ihtroffeeeeee! Sogar pünktlich, händ niemetem müsse nahrenne, perfekt. Absage hätt's leider au gah aber Easy. Zwei Päärli chömet nöd will mer ja es Fest ohni Chind möchtet, ein Fründ vonere Kollegin hät genau denn Ferie buechet mit de Kollege, sie chunnt jetzt allei. Ja und es Päärli hät abgseit ohni Grund (!)....

Ja das wär's wieder mal vo mir.

Hei valey

Danke! Isch grad wieder öpis erledigt wenn die definitiv Gästeliste staht! Und ja, abmeldige ghöret halt däzue, vorallem wenn mer halt gwüssi Wünsch het!

Gell Du häsch dis Chleid au vo Chez Janine? Es isch würklich es super Gfühl aber au speziell! Ha mich sooo komisch gfühlt mich imene Brutchleid gseh. Aber ich freui mich riesig uf de Moment wo ich vor mim Schatz wird stah, so ufgsteil und chic

Hoi Zäme

Ha gaaanz viel Föteli für Euch, drum schriebi gar nöd viel... viel spass:

Bin grad fliessig Mäscheli am mache für oisi Handfächer (hoffentlich chömets denn au zum ihsatz):


da dra sind wieder die gliche Mäscheli wo mer au scho bi de andere Sache brucht händ (mit Name & Datum).


Denn hani da na mini Acessoire für's Zivile, fehlt nur na s'Chleid, das söt aber bald vo LitB cho.
mini Shoe Clips:


mis Wedding Belt:


Denn de Ahstecker für min Schatz und min Haarschmuck:


Haahaaa jawohl, alles ächli mit Pfauefedere, hät mer sooo guet gfalle, hoffe es isch nöd ächli viel, muss den mal probeträge wenn ich s'Chleid han zum gseh wie's wirkt.


Denn da mal na es Bildli vo mim Hoodie


So das wär's mal... das WE hani viel Ziit zum bastle, evtl. chani oi den namal öpis zeige.

Hey Lucy!
Voll schön dini Sächeli!! Bin au fliessig am Mäschle grad...
Finde die Bluemechugle mega schön! Bi eus gits die au, eifach in rot mit rose.
Viel Spass bim wieter bastle und schöns weekend.