hey ladies, sorry aber mues jetz grad rasch min Frust uselah...

Mir händ euse Fotograf ja vo Norditalie.. mir händ vorem Hochziit abgmacht, das mir vo ihm d Fötteli au uf CD (Originalgrössi) überchömed, damit mir nöd immer müessted uf italie seckle wämmer en Abzug wännd ha...

jedefalls han ich ihn am Hochziit gfröged wiä lang dases gaht bis ich d CD bechume... (Da er ja kei Homepage oder so hät, womers chan go aluege)... er hät gseit ineme Monet öppe...

vor zwei Wuche hani ihn per Mail agfröged ob er mir nöd eifach schomal 2-3 Fötteli chöni schicke, das ich chan d Dankeschärtli mache...

es isch kei Antwort zruggcho..

Sit letscht Wuche han ich min Ma gstresst er söll mal alüte, ich welli wüsse wänn das mir d CD bechömed... (oder ebe zumindest es paar fötteli per mail) er hät niä aglüte....!!! Hüt han ichs ihm nomal gseit (ich bin scho chli gnervt gsi) und jetz hät er aglüte und was schribt mir min Ma?!?

die ganz CD 2500 Fötteli (über 50GB) chasch vergässe aber er luegt dass er eus wäg de dankenschärtli s`züügg schickt..

und wänn das mir diä CD überchömed chaner mir au nöd sege...(wahrschindli glichziitig wiä s Album im November *ironie*)
Gott ich bin grad so wüetig!!! mir isches so wichtig gsi das mr diä CD bald händ.. und min Ma nimmt ihn eifach voll in Schutz und seit,
stress doch nöd so, er hät halt nöd nur euses Hochziit....

isch mir ja scho klar, das 50GB nöd einere CD platz händ... aber er hät mit eus das so abgmacht dass mir d Fötteli uf CD bechömed.... dänn mueser au ä Lösig finde... er hät ja vo afang a gwüsst, dases en Huufe Fötteli wird gä.....

ou man...das ganze "lari-fari-gehabe" vo dene südländer gaht mr im moment ächt grad echli ufd nerve...

~~~~~sitem 17. Juli 2010 glücklichi Ehefrau~~~~~~~

Zuletzt bearbeitet am 11.08.2010

Hey Mini, ich han ähnlichs erläbt mit em DJ, de isch aller dings nid Italiener sonder Serb. Jaja, die sind also kein Dräck besser Han ja nüt gäge Usländer, sust würd ich au keine hürate, aber die Mentalität isch echt too much für eusi Schwiizer Asichte....

ich hoffe, ihr chömed die föteli bald über und s nimmt doch no es happy end!

die Krönung unserer Liebe am 4.6.2010 und 2.10.2010

Hoi Mini

Ou, das tönt scho chli müesam. E cha ders nochefühle, me fröit sech doch so of d'Föteli ond mags chum erwarte se z'gse.
Mer händ öisi ca. 3000 Föteli of insgesamt gloub 7 DVDs öbercho (Originalgrössi), mer händ aber ou kes Albom lo mache sondern mache ebe säuber eis. Es esch aber ou en Momänt gange (weiss nöm genau wie lang, aber secher 4-6 Woche).
Schlo doch vor, dass er se of DVD brönnt? Ou wenns haut es paar get, das get jo kes riesigs Päckli vo Italie dohe. Ond wenn ers öich versproche het, denn söu er das ou ihalte. Söscht muess haut anderi Sache uffahre ond em dermet drohe dass der ehm ned s'ganze Ghalt zahlet. Das got aber nor, wenn der aui Leistige schreftlech festghautet händ.

Gueti Närve ond reg di ned z'fest uf!

danke fürs Verständnis!

Dörf ich eu fröge wieviell das ihr für d "original" Fötteli zahlt händ?? di meiste Fotografe gäbed diä ja ungern use...

euse hät da eigentli kei Mucke gmacht (mir händ für das 150 euro zahlt).... nur ebe, wänni dänn diä CD erst im November bechume (glichziitig wiä s Album) bringts mr dänn au nüme vill..

dänn isch ja di ganz euphorie wäg... und ich glaub mini kollege und verwandte interessierts äs halbs Jahr spöter au nüme gross...

~~~~~sitem 17. Juli 2010 glücklichi Ehefrau~~~~~~~