Hoi zäme :)

Ich hürote im Mai und so langsam aber sicher pralli a ei Baustell nach de andere, obwohl mer scho vor überemene Johr agfange hend plane. Ok, i be vellecht jetzt neds grösste Organisationstalent wos git...
I hoffe, ihr chönd mir be mim aktuelle Problem witer hälfe.

Min Schatz und ich hend üs eigentli druf geiniget kei Apérogäst izlade. Also alli wo as Hochziit chömmed, würdet au am gsamte Tag teilneh. Jetzt nach jenstem Hin und Her werde mer doch Gschäft & Co für ad Trauig und an Apéro vor der Kirche ilade.
Soweit so gut, aber ursprünglich hend mir plant vor de Kirche bitz Sekt und vellecht es Pain surprise vo de Migros ufzstelle (falls epper unagmeldet dete doch uftaucht, stönd mer nöd met leere Händ do) und denn gahts ab zum grosse Apéro be de Location (30min Distanz mit em Auto). Aber wenn mer jetzt extra no Lüüt für an Apéro vor de Kirche iladet, ischs denn ned chli ... unverschämt, wenn dete nur was ztrinke und chli Chips dete staht? Wenni de aber meh würd ufstelle, de hanis Problem, dass de am eigentliche Apéro und bem Znacht niemert meh mag. Maaaaaaaaaan I möchte au Apérogäst ned unbedingt zu de Location äne bitte, wel dete würs ebe no Programm für die glandne "all inkl." Gäst geh und so.

Wär mega mega lieb, wenn ehr mer chönntet witerhälfe mit Idee, wieni am beste de Apéro vor de Kirche chönnti gstalte oder wie mer so eppis am beste tuet handhabe.

Liebi Grüess

nicht registriert

Hallo Harmony87

Ich würde wohl alle Gäste zur "richtigen" Apérolocation einladen und dort das Programm, welches nur für die geladenen Gäste vorgesehen ist, entsprechend ändern oder auf später verschieben. Alle anderen Varianten finde ich wie du auch nicht so gut.