nicht registriert

@chatzezüngli
ou nei das isch de e seich.
mi GG schaffet ou ire bude wosi d arbeitszyte u d schichte (er schaffet ou 3-schichtig) nid im griff hei. de erfahrt er mängisch am abe spät daser am nöchste Tag früehschicht het oder mues a die schicht woner grad fertig gschaffet het no grad eini ahänke (suva lässt grüssen) etc. scho das regt mi aube tödlech uf!
aber das wo sini bude bietet isch unter aller sau - exgüse für mi usdruck! das chöisi doch nid mache? isch de das nume übergangswis oder söu das itze de immer so si? wie steit di gg derzue?

gäu, du bisch doch ou usem ämmitau oder nid?

@all

danke für öie ufmunternde Wort.

Es isch äbe chly kompliziert. Mir hei vor guet em ne Jahr e nöiie CEO becho. U sit dä da isch.... *%ç&*!! fluch.

Ig ha zGlück, das i im Büro schaffe, d.h. ig ha gleitendi Arbeitsziit. (z.B 7 bis 16.00 oder so)

Im Vertrag vo mim Maa gits ke änderig. Dert steit zwar dinne 2 bis 3 Schichtarbeit, aber egau.
Bis itze het är immer ei Wuche früeh (Fr bis am 14 uhr), ei Wuche nacht (Sa bis am 06 Uhr) u ei Wuche spät ( Fr bis am 22 Uhr) gha. Afangs Jahr hei si ne Pouse vore haub Stung gstriche so das si jede 3 Samstig, ause denn wemer äs verlängerets Wocheändi hätte chönne mache, het am Samstig müesse ga die Pouseziit nachehole. U wüu är ja a de angere Wucheändi am Fr bis am 22 Uhr no gschaffet oder bi Nachtschicht no bis am Sa am Morge am 6 Uhr büglet u dür di nöii Regelig ir Früheschicht am Sa ono bis am 14 Uhr het müesse, hei mer scho itze müeh gha.

Itse schaffet er 7 tag am Stück u i dene 7 Tag het er früeh,spät u nachschicht. Er wächslet auso 3x Schicht. När het är 2 oder 3 Tag frei (meischtens nume 2) u när wider 7 tag.

Ig ha scho mit mim Chef gluegt ob ig nid uf 80% cha reduziere, aber das bringt o gad putz nüt. I cha ja nid dr Freitag tuusche wi ni gad wot. Auso i müesst mi uf eine entscheide z.B dr Mäntig aber de hani eifach ä Tag meh, wo ni o mehrheitläch alleini daheime bi. Setige schmarre!

Auso di nöii Regelig chunnt vo ganz obe u es betrifft di ganz Produktion. Da isch nüt mit Abtuusche oder em Chef ga rede.

Er luegt itze für ne angere Job das mer wenigstens ume meh Ziit fürnenang hei. Isch zwar schaad, wüu er scho sit 15 Jahr i der firma isch, aber si weis ja nid angersch.

@Chatzezüngli: so ä Seich!! Das muess ja e Bude si wo o ke Wärt uf ds Mitarbeiterwohl leit - aber so öppis zahlt sech immer früecher oder später us. Das nützt euch aber o nid viel... De hoffi für euch, dass di GG so schäu wie müglech e nöie Job find.
Cha mi sehr guet i füehle - i schaffe im Gsundheitswäse u mi GG het bis vor 1,5 Jahr bir Bahn gschaffet. Mir hei zitewiis o chum e Tag mitenand frei gä u i ha wenigstens no 3 Freiwünsch chönne igäh. GG het gad gar nüt z`mälde gha uf dr Büetz - Fest z.B. Hochzyt vo guete Kollege het er nid frei übercho, 10 Jahr nie Wiehnachte frei u e Kolleg vo ihm het fasch d`Geburt vo sim erste Ching verpasst wöu si ne no weiss drgugger wohäre gschickt hei.
Itz het är gwächslet u isch überglücklech mit em nöie Arbeitgäbr u o üs geitz besser so.

@Lus: Ha äxtra no GG gfragt leider isch es absolut legal 7 Tag am Stück z`schaffe - chönt sogar bis 10 Tag no i.O. si. Es isch o "kes Problem" we me när nume 2 Tag frei het. Bi de Schichte isch es eifach wichtig, dass d`Ruhezyte ighalte wärde u d`Gsamtruhezyt über ne Wuche stimmt.

DRUSILLA!!!!! MER DENKED A DICH!!! gnüsseees!!!!!