| Ärger-Thread |
|
|
1 .. 43 .. 83 84 85 86 87 .. 146 .. 205
|
04.10.11 14:06
weddingss 
|
Re: Ärger-Thread - Kleid zu kurz
Ech gloubes ned!
ha mis absolute Horrorerläbniss öberhoupt gha ond be ersch jetzt so wiet, dassis ou cha ufschriebe:
Am letschte Fritig hani so ne rechtig schlächte Tag gha, eifach scho am Morge schlächti Luune ond sehr nöch am Wasser...ha das seeehr sälte, vellecht so all halb Johr einisch. Demet ech de am Obe - woni mit Chleid noch de Änderige ha chönne go abhole - weder fit be, hani de chorzfristig de Nomittag chönne freinäh ond be de nomol hei go schlofe ond am Obe voller Vorfreud uf Zöri in met minnere Trauzügin (wo ou extra früener frei gnoh hed).
Ech gohne ine, legge mis Chleid a, be eifach happy, dass ech mech so guet drenne fühle, gohne use ond luege i Spiegu; es esch zCHORZ!!!! ond met zchorz meini mind. 5 cm ab Bode!!!! Be fascht in Ohnmacht gheit! ond das a somenen Schiesstag, drei Woche vor mim Hochzyg... ond zo allem äne esches ou ned grad omegnoh sondern hed no so ne Wälle drenne, so das Ganzi no meh betont. Jäno shed alles nüd gnötzt, i de Verchäuferi esches forchtbar onagnähm gseh ond leider hed ou sTüll onde useschniede ond en chlienere Reifrock näh ned gholfe... Jetzt müend si sChleid nomol bstelle (express) ond ech mues nomol go Probiere, go Abstecke ond weder Probiere....
Ha mech doch so gfreut, dass weder öpis erledigt esch ond ech mech de andere Sache cha widme ond jetzt falle eifach mol weder drü Öbe wäg wo ned planet gseh send... Passend uf all das abe hani de am W'end en Mage-Darm-Gripp becho, wo mi de definitiv flach gleid hed.  be also grad die Aller-, Allerärmst! 
|
|
|
|
|
|
|
|
04.10.11 14:25
sinna
|
Re: Ärger-Thread
oje du armi.
druck dir dümme. ich hett mo gwünst am hochzit das mis chleid 3-5 cm chliner isch bi am afang trotz reifrock druff gstande gad am obig bim tanze cheibe mürhsam gsi und denn sinds mir all ufd schleppe gstande die liebe manne obwohl ich sie ufeghänkt han..
lg
|
|
|
|
04.10.11 14:51
bride81nicht registriert
|
Re: Ärger-Thread
ui nai weddingss; das isch jo blöd! aber dia vum brutlada luagaend sicher, dass dis kleid no rechtzitig kunnt, oder? klar isch es blöd wäg am abstecka etc.; aber schlimmer wär doch, wenn dis kleid an dinem grossa tag nit sitza würd, oder? positiv denka - das kunnt schu guat! 
|
|
|
|
04.10.11 14:58
weddingss
|
Re: Ärger-Thread
jö danke, ehr send lieb!
ech hät jo ou chönne säge, ech nehmes eso, aber ech be jo ned ergend i ne Supermarkt oder en Billigabieter go mis Chleid poschte ond ech wott äbe, dasses perfekt sitzt. Drom tuen ech mer das jetzt ou nomol a.
En Liechtblick debie esch deför mini Trauzügin gseh; sie hed mech total onderstötzt, esch emmer metcho ond hed a ehrem letschte Wocheändusflog för mech en Schal i de genau rechtige Farb zom Chleid poschtet. En mega Schatz!
Jäno, am Donnstig chani jetzt uf Aarau go sChleid probiere, die hend det en Filiale ond das esch för mech chli nöcher... Mälde mech de wies gange esch 
|
|
|
|
|
|
04.10.11 16:48
weddingss
|
Re: Ärger-Thread
@Proeschu: gueti Frog! Ech weiss es ou ned. Omegsteckt heds super usgseh, Schueh ond Reifrock send die glieche gseh...wahrschindlech hed dSchniederi "pfuscht" - nome scho wäge dere Wälle im Rock...
Ech nehme ehrlech gseid ah, dass sie die im Usland nohbstelle. Die meischte produziere jo in Asie ond wenns denn halt met Schiff oder so chond, esch de Transport sehr gönstig ond wenns per Flogi chond tüür, deför aber schnell.
I mer hend gseid, sie wörde mer wenn möglich sChleid vonere andere Bruut gäh, aber das chan ech mer äbe fascht ned vorstelle.. jäno, weises doch ou ned, houptsach die möge no noche ond es gseht de werkler, aber werklech werklech werklech perfekt us 
|
|
|
|
|
|
16.10.11 13:18
livipivinicht registriert
|
Re: Ärger-Thread
oh Jusi, so en Kack! Das tuet mir u leid für eu!!! 
Hand in Hand... ein Leben lang, seit dem 07.05.2011
|
|
|
|
|
|
|
|
1 .. 43 .. 83 84 85 86 87 .. 146 .. 205
|
Anmelden
Also ich drück dir fest d düme das es jetzt klappt und defür en Priesreduktion bechunsch- isch ja unglaublich- bisch würklich die allerärmsti 
