Hoi zäme

Ich han da mal ä Frag... ich weiss nöd ob ich zu bünzlig bin...?! also folgendes...
Mini Trauzüügin hät vor 3 Wuche es Baby übercho, und drum händ mir eigentli scho lang abgmacht, dass sie alles tuet vorbereite, aber dänn am Hochziitstag sälber nöd no gross muess umeränne..
euse Trauzüüge isch iiverstande gsi. Er isch vor 2 Mönet au Vatter vom dritte Chind worde..

Jetz hämmer letscht Wuche nomals es Gspröch z vierte gmacht und dä Trauzüüge hät mich rächt entüscht... mini Trauzüügin hät ächt alles vorbereitet, Spieli planed etc... und er hät eigentli -nüt- gmacht...
jetzt han ich ihn bittet, dass er am Morge vor dä Trauuig dä Fotograf chönti zu mir begleite, well dä isch us Italie und ich chan kei italienisch (min fründ isch italiener und dä trauzüüge au). Er müessti also eifach ei Stund vorher usem Huus... (am 11i, anstatt am 12i..)

Jetz hät er gseit, nei, das gächi ihm nöd, er müessi sini Frau unterstütze mitdä Chind...
Dä Witz isch aber, sini Frau Cousine vo mim Fründ) isch eh mit dä ganze Family dete, also het sie ja eigentli gnueg Unterstützig... diä Chind sind au susch di längst Ziit mit dä Grosseltere zäme etc..

Ich weiss au nöd, han jetz eifach chli Angst -und es schlächts Gwüsse minere Trauzüügin gägenüber- dases dänn am Hochziitstag genau so wird, das er sich eifach garnöd gross kümmeret... Er isch ebe so voll dä easy, das chunnt dänn scho guet- typ.... no zum säge, er isch au dä einzig vodä ganze Hochziitsgsellschaft, wo alli drü Chind mitnimmt as Fäscht... alli andere gäbed ihri Chind ab am Abig...

bin ich en bünzli wänn ich so dänk? aber isches dänn nöd eso, das trauzüüge sich eigentli müessted ums bruutpaar kümmere am hochziitstag...? und süsch müessteds doch säge sorry, ich chan dä job leider nöd übernäh...?

was meined ihr? (sorry für dä langi text...)

juhu!! am 17.7.2010 isches sowiet!

nicht registriert

I würd mi extrem närvä! Wahrschinlich chasch aber sini Uffasig vor sire Ufgab nid änderä u drum würd ig ihm so wenig Verantwortig wie möglich gä. Hesch süsch no öpper wo italiänisch cha u di mitem Fotograf chönnt unterstützä? Ä Cusinä villicht? Öpper wo das gärn würd machä?

I gloubä i würd afa no anderi Lüt ispannä, süsch regsch di no mängisch uf!

Aus Guetä u ruhig Blut :-)

Cocolina

**wir heiraten am 29. Juli 2010 zivil und am 31. Juli 2010 kirchlich**

gliche tipp wie cocolina. anderi lüt no ispanne. wenn ihm die stund scho zviel isch, wie isch es denn mit em rest? er söttet jo rein gar nünt möse tue. do hani sehr pingelig druff gluetgt. han jetzt di letscht 1.5 wuche nix me ztue und gib ab morn alles ab. drum, spann me lüt i. oder säg ihm das..es giengi so nöd, du hebsch denkt er seg de trauzüg, aber wenn er sini rolle sozägä nöd wohrnimmt, denn mösisch no hilf vo andere ha. oder er organisiert die lüt.

chunt scho guet. thema trauzüge isch immer öppis sehr heikels und glaub jede vo üs do ine hät scho so sini problemlis dämit gha.

Jo, ich chan also den 3 nur zuestimme (so jetzt hani min senf au dezue geh )

ich wür mich au MEGA ufrege.. aber mach es beste drus. tue dich nid zviel nerve oder probiers.. da chunt sicher guet.. wünsch dir da ufjedefall..
und die idee vo de cosmologia findi uuu schö. und ich glaub dini zuekünftig schwögerin wer sicher mega überrascht wen du ihre dini dankbarkeit zeigsch.. da cha jo ''nu'' öbbiss chlises si.
viel glück. da chunt sicher guet

Ich glaube das Thema mit den TZ ist wirklich eines, das wir alle schon erlebt haben. Ich kann dir auch nur empfehlen mehr Leute einzuspannen, denen du wirklich vertrauen kannst und die diese Aufgaben gerne für euch übernehmen.
Ich rate dir auch, einen Tätschmeister für das Fest zu organisieren. Wenn dem TZ schon diese Stunde zu viel ist und dann auch noch immer meint, er müsse seine Frau mit den Kindern unterstützen, wird das nichts.
Wenn ich eines gemerkt habe nach meiner Hochzeits ist es, dass die TZ/Tätschmeister extrem wichtig sind für ein gelungenes Fest. Ihr wollt euch an diesem Tag ja wirklich voll und ganz entspannen können und euch nicht mit Problemlis (die es immer gibt) herumschlagen.
Der Tätschmeister kann eine ganz andere Person unabhängig von den TZ sein.



Am 05.06.2010 wird euse Troim wahr

hihihi, das isch natürli au en guete Vorschlag :) Und Schnäpsle isch eh luschtig

Grüässli

##Zivil am 10 Juni 2010 -- Trauung am 10 Juli 2010##