I hoffe i darf bi öich schnäll chli Luft mache wül mi grad niemer schüsch verstaht

Mir hätte ja gärn imene Zält vor üsem Huus gfiiret, nach langem sueche heimr ou äs super agebot gfunde für zwöi Pagodezält je 6 x 6 Meter (das si die mite Rundboge Fänschter) d'Liiferig würdi über 2000.- Franke choschte somit hani dänkt ok gömers doch eifach sälber ga hole o wemer für 1 Wäg 2 Stund müesse fahre.

So lüte i hüt däre guete Frou a für alles definitiv z'miete, alles prima! 5 Minute nachem aruef chunt mir i Sinn MIT WAS GÖMMER DI ZÄLT GA HOLE?? z'längschte Teili isch fasch 5 Meter läng.......

Somit keit de ganz Seich is Wasser!!

Ines Resti weimer nid, da mir so vil Chind hei usmer z'Närvig wär. Ines Waldhüttli möcht i irgendwie ou nid, äs häti zwär eis ider Nechi aber sisch halt so äs Holzhüttli u äs het normali Tische din u I MÖCHT KENI NORMALE TISCHE SONDERN RUNDI!! (ok di wüeschte wörter womr grad i sinn chöme erspare i öich jetz gschidr ).

Ja i weis bi pingelig aber ach i reg mi grad so uf!! I möcht ja kes glamuröses Fescht aber so äs hüchli eleganz hät i mir doch scho gwüscht.......... eifach dases scho nacheme Hochzit usgseht u nid nachere Geburiparty!

I weis das rundi Tische nid äs guets Fescht usmache aber s'wär halt mi wunsch gsi.......

drzue chunt no das d'Zält, Tische, d'Stüehl, d'Husse, Belüchtig etc. scho bstellt si (ha aber no ke Vertrag underschribe) chani da jetz eifach z'rüggträtte?? Oder chani mi da jetz ou no uf chöschte fröiie.

Ha a so viiles Dänkt aber a Transport fom Zält nid

Leider versteit grad kene werum i mi so ufrege.

Merci fürs zuelose resp. läse

Bluemefee

Liebi Blumenfee

Ui, das tuet mier jetzt uh leid für dich! Gits kei Möglichkeit, dass ihr irgendwie halt no es Gfährt organisiered, won ihr die Zelt chönnd go abhole? Mit was liefered denn de vom Zelt die? Vilicht wer das no e Alternative? Und Transportchoste chömed gar nid in Frag?

Isch scho mega blöd, wenn süsch scho so viel organisiert hesch und jetzt muesch alles ändere....

Wenn kein Vertrag hesch, sondern nume Offerte, denn söttis keis Problem si zum zruggträge (eifach absege). Aber wenn en mündliche Vertrag hesch oder schriftlich zuegseit hesch und s Unternehme würd blöd tue, chönntis chli schwieriger werde. Aber die müessted das scho au irgendwie chönne bewiese...

Hoffe es chunnt alles guet!

Liebi Grüessli und en grosse Tröster
coco

Wir freuen uns auf den 23.07.2011

ooohjee, tuet mir leid für euch. Und mir chönne das nochvollzieh (gläb mir wo voll i Hochzytvorbereitige und Hochzytträum stecke, chönne so Sache besser verstoh...)
Villicht chasch neumet e Lieferwage miete? Oder di Maa kennt öper, wo öpper kennt wo e Laschtwägeli hätt....?(alli Möglichkeite usschöpfe)
Und suscht als chliine Troscht. Mi Schweschter het au nur normali Feschtbänk gha. Aber mit Tischtuech und Bluemedeko het's de ebe gliich no guet usgseh....

nicht registriert

Oh nei

Chasch ned versueche öpper för de Transport z Organisiere? Kennsch ergetwie e Laschtwagechauffeur? Oder villicht chönts au e Kurierdienscht öbernäh (DHL, UPS, DPD?) die fahre au met grosse Laschtwäge. Evt chönnti öpper vor DHL froge wennt interessiert besch.
I welere Region sit de der?

Oder villicht gits es günschtigers Zelt? Ech kenne nome Beat Wälchli vo 4912 Aarwangen aber ke Ahnig was s Zält ond s Lefere choschtet.

Du besch ned pingelig för eus müesse se au Tische umboue im Resti, demit muessme rächne wemme Hochzite animmt verstoh dass du das ez haud eso wetsch!

Ech be mer recht secher dass du gratis us dene bstellte Sache usse chämtisch aber es wär doch so schaad


LG Belle


Wir feiern das Fest unseres Lebens 28.05.2011

Oje Bluemefee das isch scheisse (sorry mini Wortwahl). Due doch mal im KollegeChreis echli umefrage ob wirklich niemer Möglichkeit het es Gfährt chenä zvertlehne!! Ev. im Gschäft vomene Kolleg oder Bekannte. Zügelunternehme hend teilwiis au nu grossi Fahrzüg!!

Drücke dier fest dr Duume, hoffe gfindsch e Lösig

Liebs grüssli


Mer freued üs ufe 18.2.2011 und de 2.7.2011

Huhu!
Das ist wirklich blöd. Ich hätte ein Auto mit Anhänger (oder gedeckter Pferdeanhänger) von wo nach wo müsstest du denn?