I ha au Schess gha, dass euse Gast eis öber de Durscht trinkt am Hochzit oder dass er herte Alkohol bstellt ohni eus zfroge (was typisch wär, wells jo so sälbstverständlich esch, dass er alles öberchonnt). Ha eifach "gwösst", dass Ärger vorprogrammiert esch ond er allne Gäst wird uf de Zeiger go met sinere Art.
Aber es esch öberhaupt ned so gsi erstundlicherwiis. Er het sech rechtig benoh ond mer send total öberrascht gsi, dass er so dankbar esch :)

Mer händ paar Kollege ade Hochzit gha, dene hani vo Afang a gseit, dass mer sie wänd debi ha, aber dass mer kei Luscht händ uf eri Kifferei am Hochzitsfest. Jo klar, sig selbstverständlich blabla... Ond sie händ trotzdem vorem Lokal kiffet. Nedmol am Hochzit chönd sie sech zämerisse, das het mi gärgeret. Sust esch es mer egal, seleds mache was wänd.

Wasi demet wet säge esch, es get so vell Möglichkeite wie er chöned vorgo ond niemert chan säge was rechtig oder falsch esch. Mängisch füegts sech den au eifach so, dass es stimmt.

Wenn de Fründ vo dinere enge Verwandte so müesam esch, ond au bekannt esch, dass er speziell esch, denn chöned er ere doch säge, dass euch das chli verunsicheret. Er chöned sie jo ilade ond ere aber säge, dass es en schöne Tag sell sie ond wenn sie de met euch möchte teile, siged sie herzlich willkomme, aber wenns sech ned chöned aständig verhalte und met euch freue, dass sies denn sust lieber lönd. Oder cha mer met dene ned rede?

also ig würd nid ilade....

ä Kolleg vo mim Maa und sini Fründin ha ig no nie so rächt möge ha, abr es isch halt si Kolleg und drum si die zwöi o iglade gsi. Schlussändlech het är randaliert und ig bi uf mi hässig gsi,dass ig denn mi Chopf denn nid ha düregsetzt.

Zur Diskussion isch es denn bi üs no d Cousine gschtande. Ihri Eltere hei mier iglade obschon mier nid gross Kontakt hei,abr si isch mis Gotti und wenn öppis isch, de weiss ig dass si da isch... und dr Cousin hei mier o iglade, abr mit ihne zwöi hei mier immr öppe die chlei Kontakt. Mues drzue säge dass mier dür mini Cousine si zäme cho... abr hei si de nid iglade. Für üs isch das di richtegi Entscheidig gsi!

Lege dier az Härz, lad nume Lüt i wo du o würklech wetsch drbi ha, wo du dr Tag mitne wetsch teile!

ui nei das mit de Kifferei wetti aso gar ned!
und ebe de fründ do vo dere kifft ebe au und uf das hani echt kei lust..

ich weis au ned velecht überlegg ich zwit
velecht tüends de aständig well de würdet die sich ja selber bloss stelle vor de verwandtschaft?!

jaa med dene rede... ja guet wenis so würd säge wie du gseit hesch saerli würd sies velecht scho checke?


i weis ebe mal hani en geburi party gmacht
de send die beide au iglade gsi.. sends in ruum inegloffe hends niemert grüesst vo minere verwandte
de hed er dusse vo mine verwandte glästered..

und sie hend nur gässe wos fertig gsi send hends welle go
hend welle ciao säge de heds gseh hed no dessert de heds gseit: ah gehts no dessert? de blibemer

nicht registriert

@valey
Ha grad die Diskussion hie düregläse und es chunnt mer aues soooo bekannt vor!! Ha ou scho schier schlaflosi Nächt gha wäge eim Gascht
I cha drum sehr guet nachefüehle was du für Gedanke und Ängscht hesch!!
I bi am hin und här überlege öbi mi unggle (Brüeder vom Mami) ou söu ilade. Er isch zwar e nätte, aber uf lüt wone nid kenne wirkt er eher chli schroff. Er isch ou sehr ungepflegt und het keni Maniere (für was bruchts es WC wemer mues bisle wenns ou es Gebüsch het? ). Es isch ou so, dass är immer grad ischlaft wener chli alkohol gha het......I ma ihn schüsch guet, hei aber nume ca. 1-2 mau im jahr chli kontakt. Drum isch für mi klar gsi, dass i ihn nid wett derbiha. I mamer doch nid der ganz tag drüber der kopf zerbreche öbersech benimmt, öber bim Apero nid vor aune gescht is Gebüsch bislet oder öber während em Znachtässe ufem Stuehl ischlaft!!! Ha mit mim Mami drüber gha wüus ja ihre Brüeder isch und si seit, er sig haut de äue scho verruckt wener nid iglade wärd, zumau die anderi Schwoscht iglade isch.....
Drum: Si Name isch scho x mau uf dr Gäschtelischte itreit, gstriche, itreit, gschtriche worde.... I weises itze immer no nid
Sech närve a sim Tag, defür nimmt eim niemer öppis übu....... oder nid ilade und defür haut dermit rächne dass öpper betupft isch?
I wett ne nid derbi ha.... aber mim mami z lieb (si schämt sech säuber ou chli für ihn, wett aber nid dass är när verruckt isch) würdine no ilade.... I gloube, di Entscheidig fallt de ufe letscht Drücker :-)
I bi würklech dr meinig, dass es schliesslech Eues Fescht isch und dir dä tag mit dene Lüt wo öich nach stöh söttet verbringe. I gloube, die Ablehnig besteit ja uf gägesitigkeit? Aso wenn i öpper nid so guet möchti, de wärs mer ou glich weni nid iglade wär

Och mann daa isch so doof med dene lüt wo me quasi muess ilade.
Schlussendli isches ja euses fest!

:-/

Himbeer guet wener würdi filme ischer ja beschäftigt xD

Lus,
Guet wenn ehr ned sovel kontakt hend und du ehn ned debi wellsch würdi ehn ned ilade ned das muesch emmer dänkt uff wo isch jez de? Wa macht er??

Bi eus isches doof mer gsehnd sie jede tag im gschäft und sie isch au oft bi mine schwiegereltere dehei -.-

Es isch eifach das sie nedmal grüesst und niedisch isch und nied cha ein amigs bewege dumm tue

Und sie tuet amigs d lüt geg mich ufsetze ohni grund -.-

Ich weiss so ned
Wie sie zu mer tuet verdient sies gar ned
Aber weni sie ned ilade hani die ganz familie geg mich

Velecht wärs was guets wie saerli seit ehre sege weni d iladig gebe sie seg gern wilkomme wenn sie au lust hed und mit eus aständig fire suscht sell sies loh

nicht registriert

Mischä mi ono i...

Grundsätzlich fingi Pflichtgäscht obsolut doof! aber äs gits haut...

Da mir am Abä ganz ä lockeri Gschicht ir Disco hei mit 100 Gäscht faut mi "Pflicht-Ungglä" nid so uf...
Hättä mir aber äs Bankett Hochzit de hättä mir ihn eifach zum Apéro igladä

I fingä Pflichtgäscht az Apéro Iladä isch no nä guätä Kompromiss...

1. muäss mä denn nid viu Zyt mit ihnä vrbringä.. und je nach grössi vor Gseuschafft cha mä diä guät ignoriärä...

2. überlegät näch eis ob dir denä Personä äs Gschänk zum Geburi oder so würdet machä im Wärt vo 100.00 - 150.00... söfu choschtäts ungefähr we dir diä lüt am abä weit drbi ha...
De isch dr Fau klar odr?!