Du ich bin au schomal ghürate gsi Und min Schatz und ich natürli au hetted ebe scho gern de Säge vo Gott welle und euse Pfarrer vo Richti hät eus das so Vorgschlage drum mached mir das so.
S Neubüel känni nöd. Und ich bin im Fall au da heräzügled. Han scho a villne Ort rund um de Zürisee gwohnt aber da bliibi jetzt.
Mir mached en Teil vo de Föteli au im Rosemattpark und en Teil am See...damit mir denn furt sind wänn die erschte Gäscht iitrudlet und im Park umestönd.
Händ ihr eigentli au en Ort woner anegönd go Paarfotene mache falls es regnet? Euse Fotograf hät gmeint mir sölled eifach en grosse Schirm mitneh und dänn chönd mir trotzdem im Rosemattpark und See Föteli mache. Bin aber echli skeptisch ob das würkli so lässig uusgseht und han au no niene so en grosse Schirm gfunde...
Hi Mrs_Lucky :) Also ich hoffe eigentlich ganz fescht dases schön isch....oder zumindescht trochä.
Eusi Fotografin hät gmeint, es heg bi dä Bäum oder grad bim Huus zuene scho no Möglichkeite, zum "trochä" fotografiere. Oder dänn i de "Villa" drin...im Saal, bim schöne Klavier oder grad bim Balkon, da chönnti mir vorstelle dass d'Föteli guet würdet.
Ui....en grosse Schirm? Hetti also au Müeh....am Beschte en Sunneschirm :).
Also mir händ eus suscht als "Notfall" no folgendes überleit: Mir schlüüfet eifach amene schöne Tag wieder i eusi Chleider und machet s'Fotoshooting im Nachhinein. Aber das würkli nur wenns schüttet wie veruckt....suscht wirds durezoge :).
Anders Thema: Bisch scho wiitercho mit em Ablauf vo dä freiä Trauig?
Ja, mir händ eigentli s Programm für Trauuig sowiit... müends nur na mit em Pfarrer bespreche. Hoffe s gaht alles so wie mirs eus wünsched. Uns so gseht s Programm uus:
* Einzug mit Musik (Elvis, Falling in Love)...mir händ e Sängerin wo dezue Gitarre spielt.
* Begrüessig dur de Pfarrer
* Dänn liest er folgende Text vor:
DER ORT, WO DER HIMMEL DIE ERDE KüSST (siehe Anhang)
* Musik (Ronan Keating, When you say nothing at all)
Anmelden
Und min Schatz und ich natürli au hetted ebe scho gern de Säge vo Gott welle und euse Pfarrer vo Richti hät eus das so Vorgschlage drum mached mir das so.
