Hallo zusammen

Ich bin neu da im Forum und hetti jetzt nachdem ich scho oft da ine gläse und gstöberet han au mal en Frag.

Mir hürated negscht Jahr im August standesamtlich im Schloss Rapperswil.
Da mir nur zivil hürated findet s grosse Fäscht au denn statt. Jetzt han ich no es organisations Problem betreffend Transport vo de Gäscht.
S Znachtesse wird wenn alles mitem Resti klappet in Pfäffike statt finde. Da es in Rappi schwirig wird sie en Parkplatz für alli zfinde isch für eus isch vo afang a klar gsi das Gäscht ihri Privatautos scho am Morgen vor de Trauuig det Parkiered wo mer denn am Abig werded s Fäscht ha.
Vo det us uf Rappi ad Trauuig und au nach de Trauuig wieder retour han ich welle en Transport organisiere. Jetzt hani a verschiedenen Orte agfraget. Es Carunternehme für die churzi Strecki organisiere find ich aber übertriebe will das en Fahrt vo knapp 10 Minute isch und die für das 1200.- verlanged. Han ebe dänkt mir chönted en Taxi Service afrage wege Transport. Allefalls mit Grossruum Taxi oder mit Chlibus. Leider hani bis jetzt nur Absage becho. Mir wäred ebe en Gsellschaft vo 40 Persone und warschindli händ die Taxi unternehme nöd kapazität für so viel Lüüt ufs mal. Händ ihr allefalls no en Idee wie mer das andersch chönti löse? Wüssed ihr es Unternehme i dere Region wo Chlibüssli hetti wo ich chönnt afrage? Oder händ ihr suscht en Idee wie ich das chönnt mache?

Danke für Eui Voschläg

häschs schomal bi dä normale autovermietige versuecht? dert müesstisch dänn halt eifach öpper oder mehreri ha, wo fahred...
zbsp. sixt oder eurocar oder so?

oder au www.buesslivermietung.ch mer müesst ja dänn nöd ganz soviel näh, wänns e churzi fahrt isch, sondern chönt au nur 2 näh und dänn eifach churz hin und her fahre?

Hey also ich han für üsen Transport au öppe 10 (!!) verschiedeni Offerte igholt vo Abüüter. vo 2000.- CHF für e Fahrt vo 10 min. bis jetzt 300.- Franke hani alles mögliche offeriert kriegt. Da du hii und retour muesch unds no ä Warteziit dezwüsched git, denki chunsch sicher nöd ganz so günstig, aber ich denke so für 600-800 Franke söttsch sicher was finde. Ich würd nonig ufgäh bezüglich em Car und no wiiteri Offerte iihole. Am beste au mal im Local.ch luege, vilicht gits aabüüter wo no kei Homepage händ (gits tatsächlich!! hihi) und i lokale ziitige mal i nächster ziit d'Inserat mit-aaluege.. denke mit mehrere Büssli wird's doch au irgendwiä es Gebastel.. Frag mal die, die noch nicht offeriert haben an ohne das Wort Hochzeit zu erwähnen. Kann anscheinend auch noch etwas ausmachen :)

http://www.ryffeluster.ch/oldtimer/frameset.cfm nochmals ich.. falls Du wirklich mehr Geld ausgeben solltest, hier gibt's einen tollen Oldtimerbus genau für 40 Personen :)

Hm.. die meiste Cars händ Kapazitäte zwüsched 32-52 Persone.. wär also eigentlich optimal für euri Anzahl Lüüt. Wennd es Unternehme vo de Umgebig häsch, denn sinds vilicht froh um en chline Uftrag mal zwüschedinne. Also ich finds nöd übertriebe, isch doch eifacher wennd alli i eim Fahrzüüg transportiere chasch - nöd?

Hey Braut2015

Mir hend ca. 40 Gäst und au nur en Transport vo 10 min. Ich han zerscht au es CAR unternehme afraged Priis 400.- (EUROCAR) den hani aber na es Taxi Unternehme agfraged und Zahl jetzt nur 280.-.

Viellicht isch das au na was für dich?

Lg Zoneprinzessin