nicht registriert

Nei ech be vom Oberaargau i de nöchi vo Langethal aber ech be i so villne Läde gse dassi när so wit be gange wöu se det es paar vo mine Favorite ka hend. Ech be z. Huttwil, z Strengelbach, z Bubikon und z Beromünster gse. Auso wenn öbber e Bewärtig suecht chaner sech a mech wände

Achhh so. Wie hesch Huttu gfungä?
I ha vo derte fiu guets ghört. Hei diä viu Uswahl?

**** *** ** * Ewig dein, ewig mein, ewig uns * ** *** ****

nicht registriert

be zwar ke 2011 bruut, wett euch aber ou de minder in huttwil härzlech empfähle! ha mis chleid ou vo dete ond be super zfrede. ond no so as tipp: im februar oder märz fendet ame im möbel pfister in suhr en hochzigusstellig statt wo de minder en modeschau macht. das johr hends denn guetschiine dezue verteilt, 100 franke rabatt ofs bruutchleid. weiss ned öb si das jedes johr mache, aber 100 stotz ha oder ned ha ;-)

gruess tink

***3. Juli 2010***

halli hallo ihr lieben

also mir hürated ja (au) am 11.06.2011 (kirchlich) und händ au scho zimlich viel organisiert.. kirche reserviert, s'restaurant (resp. hotel / saal) für am abig reserviert, gästeliste ufgstellt, carunternehme reserviert, foto-/videograf reserviert, save-the-date-kärtli bestellt (jupi) , Musik / Band reserviert, kostenzusammenstellung gmacht, hochzitshomepage in bearbeitig und jetzt aktuell luegemer grad wägem apéro und em pfarrer (pfarrer isch würkli schwierig!!)...
mir gnüsseds richtig das mer so viel ziit händ zum vorbereite, isch öpis ganz speziells.. und immer wieder entdecksch neui sache (au da im forum gits immer wieder super idee)..
@elli, wäner würkli au am 11.06.11 hürate wänd, würdi langsam mal chli afange luege (isch glaub zimli es beliebts datum und scho rächt viel reserviert!).. s'standesamt chame glaub ersch 3 mönet vorher (oder ide stadt glaub 6 mönet) reserviere.. aber alles andere sött keis problem si!

mir sind echt froh, das mer so früeh agfange händ..

ganz liebi grüessli

nicht registriert

Hallo Zäme..
Mir hüratet im Augsut 2011 und händ scho viel organiseirt und plante...sind au scho sit em Januar dra...

- Trauzüge hämmer
- Brautjungfere hämmer
- Kirche isch reserviert
- Pfarrer hemer au mal agfräget
- Abig location hämmer au scho
- Hotel für Übernachtig hämmer au scho
- Caterin für Apéro hämmer au
- eusi Ring hämmer
- Einladungskarten simmer scho am bastle mun nur na couvert däzue mache
- Car simmer am abkläre
- Dampfloki fahrt isch buechet
- Fotografin gsehmer im Mai s erst mal..dänke aber das das au klappet
- dä grobi Tagesablauf hämmer gschribe
- wer an Apéro und wer as Fäst chund hämmer festgleit

Was mir na bruchet:
- ässe ussueche / Apéro ussuche
- Kleid / Azug kaufe
- Schuhe / Schmuck usw.
- Save the date karte bastle das mer si im August 2010 chönd verschicke und iladig verschickemer dänn im Januar / Februar
- mit em Pfarrer alles bespräche
- musig / DJ für Kirche und am Abig...

ja sust fallt mer grad nüt ih...


-.*-.*-.*-.*-.*-.*-.*-.*-.*-.*-.*-.*-.*-.*-.*-.*-.*-.*-.*-.*-.*-.*-.*-.*-.*
Heiraten 11.08.2011 & 13.08.2011 Kirchlich

Hallo Ihre Liebe :-)

uiiiiuiiiiii ihr mached mir grad chli angst will ihr alli scho so wiet sind.

Mir händ grad mal festgleit wen das mir gärn würed hürote (August 2011)
aber mir händ na kei location und susch au no garnüt. Meined ihr es isch scho zspot?