Hillfffeeeeeeeeee ha grad e mega mega Hochzyytskoller . Weiss ächt ned was los esch mit mir, aber uf einisch bini voll unzfriede mit dene Sache wo mir scho buecht oder entschiede händ. Froge mi öb d Location wörkli die richtig esch und ich ned glich lieber imene Ballsaal gfiiret hät oder imene Zält, weiss ned öb das mit em Transport vo de Gäst klappt wie mirs eus vorstelle ohni dass mir bankrott gönd, froge mi öb d Sängerin denn wörkli so guet tönt wie ich das jetzt hoffe, weiss ned öb d Iladigschärtli guet wärdet acho und und und.

Mi Zuekünftig macht sich do weniger Gedanke, er cha das so easy nä, er seit ihm gohts um eus und ned ums Fest und er esch vo allem überzügt wo mir bis jetzt entschiede händ. Er het jo au voll rächt, aber will ich eifach so perfektionistisch veralagt bi chanis irgendwie ned locker nä, und das macht mi sälber wahnsinnig! Wet eifach die perfekt Hochzyyt obwohl ich weiss dass ich mini "Gedanketraumhochzyyt" sowieso ned wirde chöne umsetze mit mim Liebste do das eifach def. euses Budget wördi spränge und ich au ned wet für ei einzige Tag irgendwie 60'000 Fr. usäg. Eigentli hani wo mir d Sache entschiede händ dänkt doch das esch guet eso, z.B. bi de Location, e schöne Ruum, tolli Lag vom Hotel, mega nätts Personal, super ässe, was will me meh? Aber nei, im Nochhinein passts de Madame nüm so 100% und ich frog mi scheisse hätt ich glich sötte versueche sone Prinzässinneballsaal z finde wo ich mir als Meitli immer vorgstellt ha u.s.w. Ha jetzt Schiss dass sich das dur de ganz Räste de Vorbereitig wird wiiter durezieh (Chleid etc.). Kennt das öper vo euch au oder bi ich total dureberot ? Irgendwelchi guete Tipps zum sich weder beruhige ?

Zuletzt bearbeitet am 11.09.12 15:29

nicht registriert

Hallo Eve

du bisch nöd di einzig wo so tickt. i bi do gnau glich. i frog mi immer obs nöd no besser goht. weisch es git glaub immer no was "bessers" oder schöners, da isch eifach leider so. Aber du und din Schatz ihr händ eu jo gmeinsam für de Saal und so entschiede und du bisch döt jo devo überzoge gsi oder? Denn chas jo nöd falsch si.

I ha au immer wieder mol Moment wo i mi frog ob das alles passt, langt. Da isch glaub normal.

Lo di nöd unterkriege. Glaub mir, euen Tag wird perfekt. Wohrschinlich sogar besser als du en dir erträumt häsch.

Und sus zeigsch üs mal paar Bildli vo dem wo scho plant häsch. Mir säged dir denn scho obs schön isch oder nöd

Hey Eve777
Mir hüratet am 22.09.12. Ich kenn dass Gfühl sehr guet!! Was mir gholfe het, eifach mal 2 Wuche dass Thema HZ weg lah und gar nüt mache!!

Eve777:

---

Hillfffeeeeeeeeee ha grad e mega mega Hochzyytskoller . Weiss ächt ned was los esch mit mir, aber uf einisch bini voll unzfriede mit dene Sache wo mir scho buecht oder entschiede händ. Froge mi öb d Location wörkli die richtig esch und ich ned glich lieber imene Ballsaal gfiiret hät oder imene Zält, weiss ned öb das mit em Transport vo de Gäst klappt wie mirs eus vorstelle ohni dass mir bankrott gönd, froge mi öb d Sängerin denn wörkli so guet tönt wie ich das jetzt hoffe, weiss ned öb d Iladigschärtli guet wärdet acho und und und.

Mi Zuekünftig macht sich do weniger Gedanke, er cha das so easy nä, er seit ihm gohts um eus und ned ums Fest und er esch vo allem überzügt wo mir bis jetzt entschiede händ. Er het jo au voll rächt, aber will ich eifach so perfektionistisch veralagt bi chanis irgendwie ned locker nä, und das macht mi sälber wahnsinnig! Wet eifach die perfekt Hochzyyt obwohl ich weiss dass ich mini "Gedanketraumhochzyyt" sowieso ned wirde chöne umsetze mit mim Liebste do das eifach def. euses Budget wördi spränge und ich au ned wet für ei einzige Tag irgendwie 60'000 Fr. usäg. Eigentli hani wo mir d Sache entschiede händ dänkt doch das esch guet eso, z.B. bi de Location, e schöne Ruum, tolli Lag vom Hotel, mega nätts Personal, super ässe, was will me meh? Aber nei, im Nochhinein passts de Madame nüm so 100% und ich frog mi scheisse hätt ich glich sötte versueche sone Prinzässinneballsaal z finde wo ich mir als Meitli immer vorgstellt ha u.s.w. Ha jetzt Schiss dass sich das dur de ganz Räste de Vorbereitig wird wiiter durezieh (Chleid etc.). Kennt das öper vo euch au oder bi ich total dureberot ? Irgendwelchi guete Tipps zum sich weder beruhige ?

nicht registriert

Also de Saal isch ja de Hammer
Wie häsch vor en z dekoriere?

Hallo Eve

Was du da schribsch chunt mir irgendwie bekannt vor:-)) Ich bin au so perfektionistisch. Han immer vonere Prinzessinnetraumhochziit träumt, am liebst ufeme Schloss. Es muess eifach alles perfekt si. Wäge dem han ich ide letschte Wuche scho einigi Kriise gschobe. Aber ich cha dich beruhige: Du hesch no es ganzes Jahr Ziit und hesch ja scho uuuu viel organisiert!

Mier wend im Frühlig/Summer 2013 hürate und hend nonig emal es definitvs Datum! Hend üs jetzt mal für Chile und Resti entschiede und zwei Date provisorisch reserviert. ABER:

- hend no kein Pfarrer definitiv
- no kei Chärtli
- no kei Sängeri
- no kein DJ

Min "Zuekünftige" seit immer: "Das chunt scho guet!" Ich glaube das stimmt. So oder so wirds den de schönstig Tag, egal ob du imene Stall, imene Schloss oder imene Zelt wirsch hürate. Mini Traumlocation so wie ich sie mir gwünscht hätt gits eifach ned...ich glaub es mues jede und jedi Kompromiss igah.

liebs Grüessli

Hallo ehr Liebe

Danke vilmol, bi hüt scho chli besser druf als gester . Das vo dir Scharlachrot esch bi mir ebe au chli so, oder andersch gseit, ich glaube mini Traumlocation wörds scho gä, aber ebe äntwäder zu wiit ewäg (wet au ned irgendwie neume am A. der Welt oder am Schluss im Usland Hochzyyt fiire) oder denn esch es eus eifach zu tüür. Aber s stimmt ebe scho, me mues sich eifach denn mol für öpis entscheide und ich zwifle au überhaupt ned dra dass eusi Hochzyyt det wo mir jetzt wärde sii mega schön wird, s stüpft mi eifach ab und zue öb mir ned zu schnäll gsi sind mit festlegge. Uf die ander Siite hämmer eus ebe det wo mir jetzt sind müesse so früeh def. festlegge und reserviere, sust wäre mir denn z spot gsi, will das sone beliebti Festlocation für Hochzyyte esch. Meistens sind die ändi Summer füre ganz Früehlig / Summer / Herbst vom Folgejohr usbuecht .

Ich glaube mis Ding esch ebe au no, dass mir so viel verschiedeni Stil gfalle. Ich hät zum Bispiel e Hochzyyt imene imposante Ballsaal immer mega gfunde, aber de einzig Saal so i de nöchi wo mi wörkli umghaue hät wär im Trois Rois in Basel gsi, und do müessti glaub zerst Lotto spiele und ordentlich absahne bevor mir det hätte chöne fiire . Denn hätt ichs au schön gfunde inere alte Villa oder Riithalle oder so, aber die paar Sache wo in Frog cho wäre hät das mit em Übernachte vo de Gäst ned klappt und mir händ kei Catering welle, also au ned in Frog cho. Au sone American Wedding gfallt mir meegaaaa, mit Trauuig neume Verusse imene schöne Park oder Garte und denn Fest imene Zält. Aber au das, 1. Wätter zu unbeständig für mich i de Schwiiz und 2. damit s Zält so usgseh hät wie ich das hät welle, hätte mir wieder es halbs Vermöge müesse anelegge. Und finde mir gänd jetzt scho ned wenig us, aber für eus no im verträtbare Rahme für ne Hochzyyt. Jo also schlussändlich, weni d Fakte aluege, denn weiss ich dass mir für eus und eusi Gäst die richtig Wahl troffe händ, aber mini Vorstellige vo früener die wärde allwäg nie ganz usglöscht.

Jetzt beni mega gspannt wies denn wird weni mis Chleid gange go chaufe, ändi Oktober hani mol e Termin gmacht zum go luege *freu* .