nicht registriert

Guete Morge Eve

Das freut mi das dir chli besser goht hüt.

Das isch scho bald. Weisch denn scho wie dis Chleid sött usgseh?

Bezüglich Deko wüssed mir nonig gnau alles. Wird eifach alls rosa silber mit e bitz schwarz.
Blueme, rosa Rose.

Üsen Saal isch nöd ganz so schön wie euen. Isch zwar s Dolder Grand Hotel, aber i find de Saal nöd so speziell. Cool isch eifach d Ussicht über ganz Züri. I werd do eifach würklich müesse mit Deko schaffe das es schön wird.

Viel Spass bim Plane

Hei Daninici

Jo sägs ned s esch scho mega gli, freu mi sooooooo druf das esch mi Lieblingsteil vo de ganze Hochzyytsplanig ! Hmm aso ich ha scho e Vorstellig vo mim Chleid, wet mi aber ned zu festfahre druf, amigs esch öpis i de Vorstellig super und denn het mes ah und merkt eifach, nööö das passt ned zu mir. Aso vo dem här versuech ich det dore offe z bliebe. Grundsätzlich gfalle mir so Prinzässinechleider vo de div. spanische Labels mega guet (z.B. Pronovias, White One etc.), aber mol luege öbs denn au wörkli so eis wird .

Du hesch dir au scho öpis speziells vorgstellt?

Wow Dolder Grand sooooo toll, das wird sicher au meegaaaa schön det ! Und glaube mit de richtige Deko cha me ächt au gaaanz viel bewürke. Farbe wärde bi eus allwäg au rosa oder dunkelviolett sii mit creme oder so, mol luege das wüsse mir nonig so gnau.

Datei-Anhänge

Kleid.jpg (51x) Mime-Type: image/jpeg, 27 kB

Ou so schön dass du dis Chleid scho hesch, nimmt mi scho mega wunder wie lang ich bruche zum mis denn finde resp. ebe zum mich denn uf eis festzlegge. Do wirds mir allwäg ähnlich go dass ich denn immer wieder Chleider wirde gseh wo mir au wörde gfalle, aber dänke s esch au det wie bi allem andere, me mues sich mol für öpis entscheide und denn sich gar nüm gross Gedanke mache allwäg.

Hallo Eve777

Woni dini Nachrecht gläse ha hani dänkt, äh chasch du gedanke läse?
Mir geits nämmli gnau glich!!! Mir händ en saal ka wo wonderschön gsi wär...aber well ech der meinig gsi bin dasi au vell kollege wett derbi ha, muessme haut es anders lokal sueche wo me kapazität het....
Ömu simmer jetz binere Zälthochzit acho... Ond das esch wörkli perfekt för üs!
Machmer eifach gedanke dröber was mer mölche wenns rägnet, ha nämmli rächti vorstelige wies söll usgse....

Aber glaube die gedanke wo du hesch het jedes brütli mou!
Mi GG reagiert genau glich, är seit emmer es esch üses fest und es muess üs passe!
Wenn dessne ned passt- de söuesi früener hei!

Haha CoRa jo do sind d Männer offebar ächt voll locki druf, weiss ned wieso die das so gelasse chöne nä, ev. will mir s Gfühl händ dass d Organisation und Verantwortig bi eus Fraue lieht ?

Ich versueche mi jetzt eifach z beruhige, s lauft grad alles chli drunter und drüber bi eus mit de Planig, Transport stellt sich ned so eifach use wie ich dänkt ha resp. sind d Chöste einiges höcher als zerst kalkuliert und weiss au nonig öbs so umsetzbar esch wie mirs gärn hätte, naja, au do deför wirds irgend e lösig gä.

Weisch denn scho wo dass dir das mit em Zält chöned mache? Aso gönd ehr neume uf ene "freii Wiese" oder so oder sind ehr neume bimene Resti oder Hotel imene Zält usse? Finde das ebe meegaaaa schön, wenns cool dekoriert esch und so eschs sooooo heimelig und glich edel findi, aber ich ha mol e Offerte rächne loh für das wo ich hät welle, uiuiui do beni aso grad e Runid uf d Wält cho, hätte scho für d Infrastruktur und Deko über 10'000.-- zahlt, gässe hätte mir denn nonig .

Woooww sooo schööööön so hättis ebe wenn scho denn scho au gärn gha, mit tuusig liechtli und schöne stoffbahne etc etc.

Jo d Rägeangst het mi denn ebe devo abghalte so öpis durezsetze, resp. ned mol unbedingt Räge sondern eher wenns denn no chutet wie gstört oder donneret oder so, was me jo natürlich für sis Hochzyyt nie hofft .

Ich ha jetzt grad vorhär de Termin fürs Zivile gmacht , juhuuu klappt amene spezielle Ort wo mir händ welle *freu*.