Hallo Ihr

Ich habe Mitte Mai zivil geheiratet :-)

Ich frage mich nun, wie ich bloss an alles denken soll, was die Namensänderung angeht.
Gibt es irgendwo eine Liste, wo alles aufgeführt ist, an wen man diese senden sollte?

- Banken
- Führerausweis
- Fahrzeugausweis?
- AHV-Ausweis (wo meldet man dies bloss??)
- Versicherungen, Krankenkassen???

...

Freu mich über Hinweise :)

lg
Ceci

Auf eine solche Liste bin ich auch gespannt...

- Ärzte (besonders, wenn jemand einen Hausarzt hat oder gerade in Behandlung ist)
- Zeitungs- und Zeitschriftenabonnemente
- Vermieter
...

Die Geschichte mit der AHV müsste eigentlich über deinen Arbeitgeber laufen. Frag' mal nach, die müssten eigentlich deinen Ausweis bei der entsprechenden Ausgleichskasse einreichen können - oder dir zumindest sagen, an welche Kasse du ihn schicken sollst.


Grüessli
madmadi


Ich hürote mi Schatz ganz genau 10 Johr nach öisem erschte Koss, am 8. August 2008!

Hoi Zämä

Ha bevor i ghürotä ha mal uf de Poscht nohgfrögt sie händ mir gseit me muen nid äxtra was bir Poscht hinderlege.
D Poscht chunt glich nu ah au wänn de alti Name nu druf stoht.
Ich würd eifach am Briefchaschte s Täfeli nu lo oder sicher beidi Nachnämä mit Strich schriebe. Dänn weiss de Pöschtler witerhin wo er d Poscht muen ine tue

Ich ha das vorzueh gmacht. Wänn i Heftli und Ziitige becho ha dänn ha ich amel obe gluegt was ich für e Abonummere ha und öb die e Homepage händ, ha dänn das meischtens grad online gmacht.

Bi de Banke cha mer ahlüte und die schickät dänn neui Verträg wo mer muen unterschriebe und zrugschicke oder bringe.

Bi Telefon- & Händyabos würd ich gschnell im Shop verbi go, dänn tüend sis grad ändere. Isch am wänigschte umständlich. Sust uf di choschtelosi Nummere ahlüte.

Bim Arzt mueschs erscht mälde wänn mal wieder muesch verbi go. Sie fröget ja amel öb nu alli Date/Adrässe stimmät.

De AHV-Uswiss muen eigendlich s Gschäft luege, mir händs gseit ich muen en mitbringe und sie händs dänn gmuldä. Ha dänn en Neue becho.

Autouswiis cha mer uf de Homepage vom Strasseverchersamt es Formular usdruckä, mit emnä neue Föteli,de Unterschrift & em alte Uswiis iischicke und dänn hät mer in es paar Täg zrug. Voll eifach.

Wänn i eui wär würd ich eifach vorzue d Poscht ahluege wo chunt und wänn nu de alti Name druf isch denä dänn das mälde.

I bin jetzt scho 3/4 Johr verhürotät und es chunt zum Teil immer nu Poscht mit mim ledige Name. Voll keis Problem.

I züglä jetzt dänn au nu, dänn fangt das Spieli wieder vo vornä ah..überall ändere. Ohje...mir Fraue müend scho a viel dänkä

Viel Spass bim ändere...

Grüessli suse
I bi sit em 1. Septämber 2007 verhürotät...

nicht registriert

Ha nu en Nachtrag:

Wenn Internet-Aschluss hesch, denn chasch sehr vieles dett drüber mache, z.B. Krankekasse, Versicherige, Telefonaschlüss (Natel und Fixnet), Ziitschrifte- und Heftliabo usw. - eifach uf die entsprächend HP gah und dett under "Umzug", "Adressänderung" oder "Kontakt" gah...

Ärzt, Zahnärzt, Coiffeur usw. han ich erst amigs denn gmacht wenn ich wieder en Termin gha han.

29.02.08 & 19.07.08

Hallo!

was au na zum ändere isch sind allfällige E-mailadresse. z.b. im Gschäft!
Die Private sind ja nöd so dringend.

Es Grüessli

dodo10

Dä 14. Juni 2008 chunt immer nöcher...!

was mir noch einfällt:
bei wohneigentum/haus muss man noch aufs notariat und auch den grundbucheintrag ändern lassen

Sille & Andi heiraten am 4. und 6. September 2008
www.wirheiraten.ch/SilleundAndi