| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Reisepass mit welchem Namen?
 1 2
29.01.09 14:58
Muggi 

Reisepass mit welchem Namen?

Hoi zämme
Ha welle froge uf welle name ihr euri Ferie buechet händ und Pass beatreit uf welle Name? Was händ sie euch uf de Gmeind gseit?

lg muggi


Hürote mi Schatz am 12.09.09 :)
29.01.09 16:21
fraztaz 

Re: Reisepass mit welchem Namen?

hallo muggi

auso du muesch uf jedä fau bi jedem uswiis dä gliich namä ha: pass, id, füererschii. bim zivilstandsamt uf dr homepage bi üs steit, das me bi dä ziviltrauig cha sägä, das me neui dokument wet ha uf dä neu namä (das mach i de so) u de überchunsch es gad nach de ziviltrauig. (ab denn heissisch jo, wenn dä name änderisch, neu). i denkä da wird überall gliich sii. i ha aber au scho ghört, das es bi nid-schwizer komplizierter cha sii. (kenne ja dini nationalität nid)

Am 05.09.09 isch es sowiet!
29.01.09 16:27
Muggi 

Re: Reisepass mit welchem Namen?

Hehe oke danke..sind beidi Schwizer! OK de muessi das mol mitem Zivilstandsamt aluege,de uf de Gmeind het gmeint söllet nachem Zivile ko und denn düend mr die Päss beaträge!

Hürote mi Schatz am 12.09.09 :)
11.03.09 15:07
Krispy 

Re: Reisepass mit welchem Namen?

Das metem Pass hani mer ou scho öberleit. Mer weted grad nochde Hochziit id Flitterwoche. Ech ha ez aber en relativ neue Pass ond weni det de Name muess ändere choschted denn das ned weder wie en neue?

Muess denn halt mou nochefroge aber velecht weisses öper vo euch grad.
11.03.09 16:38
pearl  		Re: Reisepass mit welchem Namen?

Hallo Zäme,

mer flüged 2 Täg noch de Hochziit of d Maledive. Ech palte min "alte" Pass denn no. Reise also no onder mim Meitliname
Muesch nor druuf luege, dass dini Flogtickets ond d Hotelreservation denn au no of di Meitliname buechet wärdet. Die im Reisebüro hed mer gseit, das gäb kei Problem eso.

Jo ond denn esch es eso. En neue Pass choscht halt gliich vell, öb er jetzt neuer oder älter esch

Gruess pearl
11.03.09 19:56
Yasi 

Re: Reisepass mit welchem Namen?

Hoi zäme

i han d'Flitterwuche uf min noie Name buechet. wirdes au so mache, dass ich gad nachem zivile de noii Pass bechume. finde es gseht recht guet uus, die ganze Reisedokument mitm noiie Name!

Mir froied ois extrem fescht uf oises Hochzig am 1. August 2009!
11.03.09 20:11
sabo 

Re: Reisepass mit welchem Namen?

Hi Ladies

ich reise au mit äm noie Name id Flitterwuche. ich wott mit äm gliche Name wie min Maa hät id Ferie

05.06.10 18:38
Suenneli79

nicht registriert

 Re: Reisepass mit welchem Namen?

danke für die infos. mir händ hüt ebe grad eus au die frag gstellt. dän reisi aber no echli mit mim "meitliname" nachdä hochzit ;) he he. Ha ebe au erscht sit däm jahr en neue pass
05.06.10 19:39
sheilyn 

Re: Reisepass mit welchem Namen?

du muesch eifach öberall de glich name ha, denn gets kei problem, sobald du aber ergend en andere name ufem flog ticket hesch, als ufem uswis, gets ärger.

ech chome min neui pass diräkt noch de trauuig öber.
es hed mer aber ned pressiert, doh mer ned ahschlüssend it ferie gönd.


i han ebe nonie en pass gha ond mini ID lauft eh nöchscht johr ab! drom chond das grad gläge för mech :)

mer hürotet am 26.06.2010 - i 3 kantön! ;)

Zuletzt bearbeitet am 05.06.2010
06.06.10 12:50
Schani81 

Re: Reisepass mit welchem Namen?

wie fonktioniert denn das met pass grad noch de trauig öbercho?
muess mer do ned persönlech bim passbüro vom jewilige kanton verbi go? chan mer dene säge, mer hürotet ond hed nochhär en neue name?

verliebt 23.04.2006/verlobt 14.02.2009/verheiratet 10.07.2010
 1 2
Hotelreservation   bestätigungsschriibe   Meitliname   Reisedokument   fonktioniert   zivilstandsbeamti   nid-schwizer   zivilstandsamt   Flitterwoche   Reisepass   ahschlüssend   standesbeamte   ziviltrauig   vorberäitigsgespräch   Flitterwuche   welchem   komplizierter   verheiratet   nationalität   underschrift