| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Musiker für Obe gsuecht
 1 2 3
07.10.09 20:30
Caroline  		Musiker für Obe gsuecht

Hallo zäme,

könnt öpper ä guete Musiker fürs Fest am Obe?

Merci für euchi Antworte.

Grüessli
07.10.09 21:46
Gloeggli  		Re: Musiker für Obe gsuecht

Hallo Caroline

Mer händ folgene Musiker:

http://www.normanboettcher.de/Willkommen.html

Er esch eifach för nöchscht Johr scho zemmli usbuächet. Vor ere Woche het er för d Mönet Mai/Juni/Juli no genau 2i Date för am Samschtig frei gha.
Er chont vom Dütschä, spelt aber i dä Schwiez au.

Grüässli Glöggli
08.10.09 20:06
Caroline  		Re: Musiker für Obe gsuecht

Hoi Gloeggli,
merci vüu mou für dini Antwort, das isch lieb.
Ig go jetzt de grad gschnäu go lueg.
Mir hei üs ebe ou fürne Musiker entschiede gha, aber dä isch scho dür ganz August 2010 usbuecht :-(

Grüessli Caro
08.10.09 20:24
Gloeggli  		Re: Musiker für Obe gsuecht

Hoi zäme

Mer händ ehn buächet vom 19.00 - 03.00 choschtet inkl. Spesen (Anfahrt vo Dütschland) för diä Zyt 1700.--. Jedi wieteri Stond 140.--, wenn mer spontan no wänd Verlängere, denn esch das e keis Problem.
Öb mer ehn am Nomittag bi dä freie Trauuig au wärdet buäche esch no offä. Es wördi 750.-- choschte, er sengt glaub öbbe 3 Lieder. Het of dä Page Videos vo dä Chele, mer chömed nor scho vom zuälose träne .
Han vo ehm e Referenz iegholt, vomene Paar wo er letscht Johr a dä Trauuig ond am Obe gspelt het, händ nome guäts vo ehm gseit.

Min Brüäder esch amene Hochzyt gsie wo er gspelt het, er sigi dä absoluti Hammer gsie. Sehr flexibel, chan sech sehr guät im Publikom apasse. Er het es grossäs Repertoire, ond mer chan ehm Vorgängig säge was mer möcht ond was ned.

Of sinere Page hets au Videousschnett.
Grüässli Glöggli
08.10.09 20:53
Caroline  		Re: Musiker für Obe gsuecht

Ig bin grad gschnäu uf sire Page gsi. Gseht und tönt sehr interessant. Mir wärde ihn sicher mou afroge. Hoffe es klappt.
Merci für aui dini Infos. Das isch sehr nätt.
Gibe dir de no bscheid, ob es klappt het oder nid.
Merci vüu mou.

Grüessli Caro

Wenn und wo hürotet dir?
Mir hürote am 21.08.2010 in Kriegstetten (Kt. Soloturn)
08.10.09 20:57
Hase1981 

Re: Musiker für Obe gsuecht

Hallo Glöggli

Merci viu mau.

Hed suscht no öber ERfahrige mit ihm gmacht?

Hed är anere Casting-Show mitgmacht, dänkes wäg die Videos bi Youtoube mängisch dä glichligi Hintergrund hend.

Es grüsst der Hase


verliebt seit 14.07.99
verlobt seit 14.07.09
08.10.09 21:54
Gloeggli  		Re: Musiker für Obe gsuecht

Hoi Hase

Jo das esch ergend e Show gsie glaube 2004 wo er metgmacht het ond wo ehm dä Dorchbroch brocht het.


18. Juni 2010 Zivil - 03. Juli 2010 freii Trouig
08.10.09 21:56
Gloeggli  		Re: Musiker für Obe gsuecht

Han im Forum e Frog gstartet gha öb ehn öbber kännt, leider ned.

@Caroline; jo geb mer doch Bscheid, wiäs bi euch chont. Seisch ehm en "Gruess vo dä Doris Mittner Hochzyt 03. Juli 2010)

Grüässli Glöggli



18. Juni 2010 Zivil - 03. Juli 2010 freii Trouig
08.10.09 21:57
Gloeggli  		Re: Musiker für Obe gsuecht

@ Caroline, mer hüroted am 18.Juni zivil ond am 03. Juli 2010 z Eglisau

18. Juni 2010 Zivil - 03. Juli 2010 freii Trouig
08.10.09 22:33
Gloeggli  		Re: Musiker für Obe gsuecht

Das esch soscht au no e hammer Band http://www.dtg.ch/ mer händ diä scho live amene Hochzyt gseh. Voll genial, esch dä gröschti Tanzmuffel of dä Tanzbühni gstande. Es het Zyte gäh, do esch niemmer me a sim Platz ghocket
Leider send sie sehr tüür, ämel för eusi Verhältnis. Sie choscht vom 19.00 - 01.00 3200.-- ond denn chont s Ässe no dezue, es send 6 Lüüt.
Esch eus zvel gsie, soscht hätte mer sie sofort buächet.

Grüässli Glöggli

18. Juni 2010 Zivil - 03. Juli 2010 freii Trouig
 1 2 3
Bestätigongsmail   bandmitglieder   normanboettcher   Videousschnett   Caroline   ehrlichgseit   Grüessli   Repertoire   Musiker   Glöggli   Hochzytsdatom   Casting-Show   Bestätigungsmail   Mundart-Lieder   gsuecht   Traumlocation   Grüässli   standesamtlich   idcatside=99   hintergrundmusik