Malinchen der Stand isch gad nebem Hotel Orchidee vorem Coiffure Gilomen!! würdi mi natürlich sehr freue di z gseh aber verstah ou wennsder nid längt wow mega cool gratuliere dir und em GG zu dere Beförderig
Wuuaah, ii hr hend recht. Schiinend alli im Wiähnachtsstress z'sii
Lil.lian: I ha hüt mol wiider mini Inspiration agluägt, wiä iich gern miis Kleiid will denn abändere looh. Debii bin ich uf das gstosse. Es isch es ganz wiises Kleiid, schlicht und ned allzu wiit. I ha debii an diich denkt. I schick diir mal dä Link: http://shop.noni-mode.de/collections/bra...in-empire-linie Wünsch diir demfall au viiel Froiid bim verteiile. Bisch au scho chlii ufgregt uf d'Reaktione?
Malinchen: I denke, über d'Wiähnachtsziit dörfet d'Hochziitsvorbereiitge au ruhig ruehbe. Nachher hesch ja au Zwischesemester? Denn cha meh jo wiider Vollgas gäh Meega kuul, ii liäbs in d'Reisefüährer gugge. Diä machet dem eim so richtig Lust uf d'Ferii Wooow, ii gratuliiärä diim GG zu siiner Beförderig! Isch ja hammer für ihn und au für eues Budget Da isch scho eh meega kompliment so kurz nach dä Usbildig so en wichtige Poste z'bechoh!
Taeboyana: Was nöd exklusiv? I find es tönt meega abwechsligsriich und es tönt meega feiin! En Apéro isch jo au nöd do zum dä Buuch vollschlooh, sondern mitenand z'schwätze und z'knäbberle! I finds suuper feiin. Bii uns wiirds au öpä so Sachä gäh! Was Bundesrätin isch choh? Was isch denn das für eh Buude? Das töönt so höchst wichtig! Schön, darfsch dii dert wohl fühle und lebsch dii guät iih! Da isch so viiel wert, dass meh sich gforderet fühlt im Bruäf! Viiel Spass bim usquetsche. I bii scho gspannt, obs seb wird. Isch siicher es meega Erlebnis d'Flitterwuche mit Tiger und Elefante verbringe!
Sue: Hmmm Also find ii gad au chlii truurig, wenn meh dSprach vom Land und vom GG nöd lernt. Da würd doch ihre s'Lebe total erliächtere... Het sii "yes" gsaiit?
Me: I muä hüt au Wiähnachtssachä machä, ufruume und Zimmer ufruume. Gescht han ii no mini TZ gfragt, ob sii mii gern als Gschenk iipacke würd Will ii möcht doch miis Kleiid miteme pinke Band ufpeppe. Bevor iich zunere Schniiderin gang und da machä looh, han ii denkt wott ii gseh wiä da wirkt. Drum muä sii verbii chooh, mir helfe alege und es Rosa-Gschenksband um d'Hüft hebe. Denn gsehn ii siicher obs zum Kleiid passt… Will nach dä Schniiderin chönt iich's ja nümä ändere… Sii het da voll eh kuuli Idee gfunde, mir machet das denn direkt nach dä Festtäg I bii jetzt scho gspannt und hoff, da gseht guät us!
Wünschä eu allnä no es guät Durchhalte bis zum nächste Wuchenend Happy Friday to all of you!
@Squishy: Ja i ha gad i KW3 Prüeffige und när Zwüschesemester. Denn machi aber no es Prakti, wird mi sicher ou no rächt fordere. Aber fröie mir riesig druf... Trotzdäm wirdi fürs Hochzyt de sicher ou wieder meh Zyt ha. Oh so cool duesch scho mal is Chleid schlüüffe! I cha mirs mega guet vorstellä mitemnä Band! Aber a eim sälber gsehts halt mängisch när scho anders us, sicher guet dueschs vorhär mal usprobiere...
Ich han 40 ! Siite zum nahlese und han nach es paar müesse ufgä, bin e scho u müed und mag echt nüme soo lang in PC luege :(
was hani alles verpasst?
Ich mach suscht es churzes update vo mir und hoff chan mich schnell wieder iiklinke :D
Ring: Mir hend ja eusi Ring idä Arcredo Trauringlounge bstellt, hend üsi Vorstellige agä und de Ring uf de Website mit de Verkäuferin zemestelle lah. Mir henden bstellt und zahlt und s het gheisse mer müend warte bis Mitte Januar. Deeenn vor öppe 3 Wuche hani es Mail becho, dassmer eusi Ring scho chönd abhole!! Mir sind denn s paar Täg nachher gange und ich bin graausam nervös gsi! han plötzlich so angst gha, dass sie eus nüme gfalled oder nöd gönd odr so. aber sie sind perfekt :) !!! sie sind würklich so wiemer hend welle, ganz schlicht, wiisgold und poliert und mine miteme stei. d handschriftgravur gseht au uu schön us! s einzig wo mir chli gedanke macht isch d grössi, will er ischmer es biitz z gross. chan au dra ligge dassi ez oft chalti finger han. er gahtmer scho und rutscht au nöd ab wenni d Hand schüttle aber han chli angst dassen denn würd verlüühre.. henk eu na es bild a, aber in echt gsehnds na viiel schöner us :p
Pfarrer: Vor zwei Wuche hemer euses erschte Gspräch gha mitem Pfarrer und es isch super gloffe, er isch en mega nette und vorallem zur Erliechterig vo mim GG en luschtige, chunt also sicher guet :) Im April hemer denn s nächste Gspräch.
Esse: Am Sunntig hemer euses Probeässe gha im Resti, sie hend die letschte Wuche alles neu renoviert und de Saal gseht ez soo schön us! Stelle auna es Bidli ine devo. Mer hend 3 Menüs probiert und s Beschte isch luschtigerwiis au s günstigste gsi :p Es git als Hauptgang: Knuspriger Kalbs-Schulterbraten an Rosmarinjus Kartoffelgratin und Gemüsegarnitur. Vorspies wird's en Salat gä, denn evt. namal en Zwüschegang und zum Dessert denn d Torte und Glace und Fruchtsalat. S isch alles uu fein gsi und de Service isch top, hend es super Gfühl bidä Location!
Tanzkurs: Vor bald 3 Wuche het euse Tanzkurs gstarted und es isch echt luschtig. Hend bis ez de Wiener Walzer, Disco Swing und de Englisch Walzer gha. Es isch aber sicher guet dassmer so früeh agfange hend mitem Kurs, ich wot unbedingt dass euse Tanz nöd so agstrengd usgseht und vo dem simer na wiiit entfernt :D
Soo ich glaub das wärs :) Suscht lauft grad nöd viel HZ-technischs, ich bin extrem müed und ferieriif und nur am schaffe odr unterwegs.. Leider hemer immerno kei Fotografin, s het mi eifach na keini 100% überzoge :( und han immer wieder mal chli panik wenni dra denk, dasses nurna es halbs Jahr gaht :D aber hoff han im Januar wieder meh ziit für alles.
Gaht eigentlich öpper vo eu ad HZ-Mässe? Mir gönd sicher a die in Züri.
So, ich glaub ich schlaf ez na e Stund und denn gömmer z vierte as Christmas Tattoo in ZH, Ladiesnight, freu mi scho.
Wünsch eu allne na en schöne und stressfreie Frietig Nammi!!
@lil.lian: Weisch ig ha im Sept. e OP ar Niere/Harnleiter gha u das woni itz gspüre isch chli wie dSchmärze vor dr OP, nume weniger intensiv. Kennes aso scho, weiss aber nid obs vor Cheuti isch oder süsch haut eifach dNarbe woni gspüre oder ob d OP nid ganz so erfougrich isch gsi wie erhofft…
@Sue: D Schmärze hei eigentlech nüt mit dr Impfig ztüe, hami vielech chli blöd usdrückt. Harndrang hani gar nid schlimm, es isch eifach sone dumpfe Schmärz, so chli wienes Brönne, wo de aber mit dr Zit sterker wird. Mau abwarte, brucht äuä eifach Zit.
@malinchen: Hey gratuliere dim GG, de het er sech itz zu däm Poschte entschiede? Gäu es nimmt scho chli Druck wäg, ig verdiene ja ou dütlech besser as vorhär und finge das rächt beruhigend im Momänt.
@me: Mues nach gad no öpis u Cools verzeue vo hüt: Ha bi deinDeal grad es Schnäppli gmacht und es Weekend in Venedig kouft! U das ire Suite wo normalerwis u tür wär. Itz muesi hüt Abe no e günstige Easyjet Flug bueche und de gö mir a GG sim Geburi uf Venedig!! Bi no nie gsi und freue mi mega.
Malinchen Waaaauu gratuliere zu de Beförderig vom GG!! Sooo kuuhl :) hihi dönder grad nomol s'Budget überdenke?
Sue87 Wünsche dier vill Spass am Märt hüt Abig!!
Squishy Jöööö so herzig, dass a mich dänkt häsch :) isch no es herzigs Chleid, abr es müsst bim Buch no chli schräg sii, (mier fallt srichtige Wort grad nöd i..) dass es de Buch chli duet kaschiere.. Neinei nervös bini nöd wegem verteile. Und du? D'Kollege händs eigendli alli scho becho, es wär eifach no de Rest vo de Family.. Hihi du bisch e lustigi mit dich gad sälber ipacke :)) vill Spass bim Chleid alege..
Pricana Wow 40 Siite!! Bi eu isch abr no einiges passiert.. De Ring gseht super us!! De Saal gseht au schön us. Das mit em Ring hani au es bitz, er isch mit de Grössi ade Grenze. Abr de chlineri wär eidütig zchli gsi! Verlore han en nonig :) und bim probiere wege de Grössi (au in Wädi) frägt d'Frau: wie verhaltet sich den ihri Finger so? Werdeds amigs dicker odr dünner? Han sie mit eme grosse Fragezeiche agluegt und sie: aaah sind sie kei Ringträgerin.. Hmmm nei.. Mier gönd au ad Hochziitsmäss uf Züri. Häsch gseh, dass mer chan Gratistickets bstelle?
Snicki Das wünsch ich dier au!! Schöni & besinndlichi Wiehnachte und en guete Rutsch is 2014!!
Taeboyana Ja das dönt scho chli doof :-/ gasch no zum Arzt? Ah so schöön!! Voll e schöns Geburtstagsgschänk!! Bin abr au no nie gsi. Mier händ mal wölle gah, wo mer am Gardasee gsi sind. Abr wills so warm gsi isch (knapp 40 Grad) simer den nöd gange.
Me Ich han jez no en Termin im Zoro gmach!! Ich chan am 3. Januar verbi gah :) Jez simer unterwegs zu de Grosseltere vom GG und den hämer morn Saisoneröffnig :))) (boarde). Und am Abig gömer no bi sim Götti verbi und den simer no bim z'Nacht iglade.. Wünsch eu no en schöne Abig, ha jez gnueg gschriebe, sisch recht müesam mit em Iphone :(
lil.lian Jo es wär eigentli scho nohelegend weni i Wicki gieng, aber ich ben ned sooo begeischtered vo dem Lade. Wo mini Kollegin ghürote hed beni det gsi ond ergendwie hed mi de Service ned us de socke ghaue. Zwar fröndlich, jo mängisch sogar zuuu fröndlich, aber guet berote hani mi ned gfühlt. Ond weli mi im Internet i die Ladybird Chleider verliebt ha, hani mi vorerst entschede ned i Wicki zgo. Woher hesch du dis chleid?
_janedoe Ich ben jooo so gspannt weni entli es Ladybird Chleid in echt cha gseh Hesch es Föteli vo dim?
Sue87 Joo ich liebe Orchidee. Hami aber ned för wissi entschede, neme rosa / pink. Ond du?
@principessa Am 14.2. isches sowiit mitem zivile Suuuper schöns Chleid, du gsehsch us wiene Göttin! Staht dier echt mega guet und deno zu DEM Priis, hammer!
@Sue Die Ferie hesch dier also verdient! Gönder furt? Isch ja meeega härzig wege dim Brüeder Wie ischs gloffe??
@squishy Tönt toll wegem Lagerhuus. Schön, wenn mer sich so wohl fühlt. De weissmer au, dasmer die richtig entscheidig troffe hed. Mini Schwöschter schlaht sich sehr tapfer. D Schwöschter vo ihrem Fründ wohnt ebe in Australie und jez sind er und sini Muetter über d Fästtäg detthii gfloge. Mini sis und er hed mega d On/Off Beziehig gha und drum hed sie ned au buechet. Jetzt isch die Beziehig aber scho uh lang stabil und irgendwie hed sie glich ned getraut. Janu… Mier tüend sie jez chli ablenke und wie du seisch, das gaht de so schnell ume…
@malinchen Hmm, das wege de Frischt wüssti ez ned mal, mueni mi mal schlau mache… Denn würdis de echt eifach selber mache. Hey gratuliere dim GG zur Beförderig! Isch ja hammer!!!
@Taeboyana Tatsächlich gniessis voll, dasi nume 50% muess schaffe. Ich chume zu soooo viel anderem im Moment, abnormal :D Aso ich find dass de Apero ned so meeeega speziell muess si.. Wenns qualitativ guet isch, findi, langet das absolut. Din Job tönt wirkli, als ob du dich wohlfühlsch. So schön
@Pricana So schöni Ring! Gratuliere!! Mier sind au z Wädi gsi aber uh mega enttüscht vo de Beratig. Sind zweimal gsi und hend eus beidi mal enorm unter Druck gsetzt gfühlt… Schön dases bi eu andersch gloffe isch… Wege de Grössi… ich säg immer, wenner bitz zgross isch ohni daser abgheit isches mier viiiiiel lieber als wenner ischnidet wenn d Finger aschwelled… En Tanzkurs söttemer au mal endli mache. Grrr…
@Abbygale Ich han es Bild gha, ja… Han allli glöscht, will ich chli Panik gha ha, dases min GG irgendwenn zGsicht bechunnt aber sobald ichs finde würd, schickis dier Hesch scho en Termin gmacht zum probiere?
@me Mier hend d’Hiobsbotschaft becho am Friitig: Euse Pfarrer isch verstorbe Ich bin so truurig gsi wo mis Mami aglüte hed. Er hed jede ‚religiös’ Schritt i mim Lebe gleitet… Mier hend eus zwar druf igstellt, das er evtl nümme isch, bis mier hüratet, aber usspreche tued mer das natürlich nie… Ez wüssemer nöd so recht was mer sölled mache. Min GG hed es Theologiestudium agfange gha in Dütschland und in Düsseldorf i de Chilegmeind sehr engagiert gschaffet. Jetzt überleggemer eus, obmer vlt eifach de Pfarrer dette iflüge lönd, falls es eusi Finanze würded zuelah. So hätt immerhin GG was ganz persönlichs, da mier ja i mim Heimatdorf fiired, i miner Traumchile usw…
Deeenn hani au no was meeega schöns erlebt. GG hed mer gester es Vorwiehnachtsgschenk gmacht. Eifach so… Han sooo fescht Freud! Es isch en Ring in Rosegold wo rundume mit Brillis besetzt isch Bin so verliebt i de Ring, de ziehni niemeh ab (Uf de Föteli chunnt er leider gar ned so übere wie er in Wirklichkeit usgseht)
Abbygale Nai ich han ebe s'Chleid nonig.. Ich bin scho a drüne Orte gsi. Im Merry's und Liluca in Züri und im Chez Janine in Buebike. Im Januar gahni den no in Zoro in Züri. Han ebe dänkt ich chönt au no is Wicky's gah.. :-/
janedoe Ooooh naai so schlimm mit em Pfarrer :(((( Das duet mer meega leid!! De Ring gseht super us :)) so härzig! Es Vorwiehnachtsgschänkli :)
Me Bi mier isch eigendli Hochziitstechnisch nöd sehr vill gloffe. En Besprechigstermin hämer no chöne definitiv abmache, dete wo mer gern Turte würded bstelle. Und hüt gahni no zu mine Coiffeuse.. Bin gspanne wie sie reagiert und z'verzelle hät.. So die ganze Details wie Datum, Chile, etc. hät sie alles nonig mitübercho sit ich s'letzt Mal bi ihre gsi bin. S'Mami hät zwar no was ihre verzellt gha, bin abr glich gspanne.. Ich duenere den no eröffne, dass sie defintiv bueched wär für s' Hochziit für mini Frisur
Anmelden
Will ii möcht doch miis Kleiid miteme pinke Band ufpeppe. Bevor iich zunere Schniiderin gang und da machä looh, han ii denkt wott ii gseh wiä da wirkt. Drum muä sii verbii chooh, mir helfe alege und es Rosa-Gschenksband um d'Hüft hebe. Denn gsehn ii siicher obs zum Kleiid passt… Will nach dä Schniiderin chönt iich's ja nümä ändere… Sii het da voll eh kuuli Idee gfunde, mir machet das denn direkt nach dä Festtäg 
