@alli: han no e frag zude ziviltrauuig. was mached ihr aschlüssend? eifach en apéro im resti/dihei oder gönd ihr no richtig go znachtässe oder so?
min gg findet ebe, dass es sich ghört mit allne go znachtässe und ich find das mer ja es paar täg spöter scho s fäscht händ und mer au easy eifach neumed chönnt astosse...bin ich da falsch gwicklet?

danke für euchi vorschläg für de kaländer! jetz hani scho rächt vill idee zäme. und par süessi sache dueni sicher au no dri

@weddingbee: ich find das chan mer mache wie mer wott? ich find ned unbedingt das es ässe dezue ghört, go astosse langed doch au?! mier gönd warschindli scho go ässe, aber jetz ned speziell ane mega edle ort oder so...
wäg dim chleid: du hesches aber ned kauft will die andere gsäit hend es staht dier besser? schlussändlich muesses ja dier zu 100% gfalle!

Zuletzt bearbeitet am 18.11.13 16:28

@Tanzkurs,
bhuu mer hend letscht jahr mal eine gmacht mit es paar kollege gmacht, aber das bringt nüt mit mim GG, mit allne andere is besser gange als mit ihm :) aber mir gönd de churz vorher no i so eine vo de Migros Klubschuel oder so :)

@bee,
ach schön das es paar anderi git :) ich han das na nie gha, bin immer überzoge gsi, und ich lueg au Kai so sendige... aber ja wird de wieder verbi goh :)

@zivil,
mir werdet eifach mit de TZ/Eltere go znacht esse, im ganz chline rahme wils hat eifach so noch am "richtige" hochzig isch... aber ich finde das chan jede selber entscheide, ich het mer au chöne vorstelle nur mit de TZ gah, aber das het GG nid welle, da im sini Familie mega wichtig isch...

@lula,
wird schwirig, denke de koffer wird suscht scho mega volle si, aber wenn di ganz chli chasch zeme lege... ;)
walawala-mensch *grins* haha de bini also au nid :)

z Dürreroth bini bis vor churzem täglich duregfahre, isch uf mim arbetsweg gsi :) ihr sind scho recht wiit... würsch eus es foti vo de iladig zeige *gwunder*

@lula,
eigentlich im Luzerner hinderland aber nur 5 Minute vo Huttu :) ich lis mich mal dur din thread :)

@lula,
wohne sozege uf de Kantonsgrenze LU/BE :)

@ novia_mayo wägem chleid: neinei, das thema isch mer z wichtig als das es anderi entscheided ich han bi dem chleid woni schlussändlich kauft han eifach s gfühl gha das es besser zu mir und minere persönlichkeit passt als s andere. aber will ich sit jahre de anderi typ chleid "beobachtet" han und mir hundertprozäntig sicher gsi bin das ich so es chleid wird ha, bini immerno am überlegge obwohl ich ja weiss das ich mich richtig entschiede han...schwierig z erchläre... aber ich bi glücklich, und das isch ja d hauptsach

@ ziviltrauuig: mir hüratet ebe am 15.00 und ich find, das es zlang gaht bis mer chönd go znachtässe und nomal heigah und wieder abmache findi uh doof. aso entweder müesstemer neumed go aperöle und dänn go znachtässe oder dänn eifach en apéro mache und heigah...kei ahnig, mir würdi de apéro halt lange aber das dörf jetz mal de gg entscheide. de armi tropf muess sit monate bändeli und papier und blüemli und mäscheli und und und aluege...